Hechos 27:23 - CHUYA QELLQA La Biblia en Quechua de Ayacucho 2012

²³ Chisi tutam rikuriykuwarqa servisqay Diospa angelnin.

Quechua Ayacucho Bible 1987

²³ Chisi tutam rikuriykuwarqa servisqay Diospa angelnin.

Chuya Qellqa 1992

²³ Chisi tutam rikuriykuwarqa servisqay Diospa angelnin.

Hechos 27:23 Iomraidhean Croise

Éxodo 19:5

Sichum nisqayta kasukuspa pacto ruwasqaytapas cumplispaykichikqa, qamkunam kankichik wakin runakunamanta akllakusqay runaykuna. Kay pachaqa ñoqapam.

Cantares 2:16

Kuyaqniyqa ñoqapam, ñoqapas paypam kani, payqa rosas chawpikunapim ovejanta michin.

Cantares 6:3

Ñoqaqa kuyay yanaypam kani, payñataqmi ñoqapa. Payqa amanqay waytakunapa chawpinpim michin.

Isaías 44:21

Jacobpa miraynin Israel llaqta, kaykunata yuyariy: Serviwaqniymi kanki, ñoqam unancharqayki, serviqniymi qamqa kanki; manam haykapipas qonqasqaykichu.

Isaías 44:5

Paykunamantam hukkaqnin ninqa: “Ñoqaqa Tayta Diospam kani”, nispa. Hukninñataqmi ninqa: “Ñoqaqa Jacobpa mirayninmi kani”, nispa. Hukkaqninñataqmi makinpim qellqakunqa: “Ñoqaqa Tayta Diospam kani”, niqta. Hinaspam sutinman yapaykunqa “Israelpa miraynin”, niqta.

Jeremías 31:33

Israelpa mirayninkunawan chay punchawkunapi pacto ruwasqayqa kaynam kanqa: Kamachikuyniytam sonqonkupi churasaq, yuyayninkupim qellqasaq. Ñoqam Diosninku kasaq, paykunañataqmi llaqtay kanqaku. Ñoqa tayta Diosmi chaynata nini.

Jeremías 32:38

Paykunam llaqtay kanqaku, ñoqañataqmi Diosninku kasaq.

Ezequiel 36:38

Imaynam fiesta punchawkunapi sacrificanankupaq nana-nanaq ovejakuna pusasqanku Jerusalén llaqtapi tarikun, chaynam purmasqa llaqtakunapas nana-nanaq runakunapa huntaykusqan kanqaku. Chaynapim Tayta Dios kasqayta yachanqaku.

Daniel 3:17

Rupachkaq hornoman wischuykachiwaptikikupas yupaychasqayku Diosniykum libra-wanqaku, librawanqakutaqmi maki-kimantapas.

Daniel 3:26

Chaynata niruspanmi rey Nabu-codonosorqa hornopa punkunman asuy-kurqa, hinaspam qayakurqa: Tukuy imapa hawanpi munaychakuq Diospa serviqnin Sadrac, Mesac, Abed-nego, lloqsimuychik, nispa. Chaymi kimsanku rupachkaq nina ukumanta lloqsimurqaku.

Daniel 3:28

Hinaptinmi rey Nabucodonosor chaylla nirqa: Sadracpa, Mesacpa, Abed-negopa Diosnin hatunchasqa kachun. Paymi angelninta kachamurqa hapipakuqnin serviqninkunata libraykunanpaq. Arí, paykunaqa Diosnillankuta hatunchayta munaspankum ñoqapa kamachikusqaytapas mana kasukurqakuchu, wañuytapas mana manchakuspankum huk dioskunataqa mana yupaycharqakuchu.

Daniel 6:16

Chaymi reyqa pusachimurqa Danielta, leonkunapa kasqan uchkuman wischuykunankupaq. Manaraq wischuy-kuchkaptinkum Danielta rey nirqa: Mana samaykuspa servisqayki Dios-nikiyá qamta librasunki, nispa.

Daniel 6:20

Chayaruspanmi llakillawanña Danielta qayarqa: Kawsaq Diospa serviqnin Daniel, mana samaspa servisqayki Diosniki, ¿yaqachu leonkunamanta libraykusunki? nispan.

Daniel 6:22

Dios-niymi angelninta kachamuspan leon-kunapa siminta wichqarurqa mana imanawananpaq. Diosqa yachanmi mana huchayuq kasqayta chaynataq qayllaykipipas ima mana allintapas mana ruwasqayta, nispa.

Zacarías 13:9

Chay puchuqkunatam qollqeta hina ninapi chulluchisaq, qorita hinam chuyanchasaq. Hinaptinmi paykuna qayakamuwaptinku ñoqañataq uyariykuspay kaynata nisaq: “Llaqtalláy” nispay, paykunañataqmi ninqaku: “Tayta Diosllam Diosninchikqa”, nispanku.

Malaquías 3:17

Tukuy Atiyniyuq Tayta Diosmi nin: Huk punchawtam allichachkani chay-napi paykuna huktawan llaqtay kanan-kupaq. Huk tayta serviqnin churinmanta llakipayarikusqanta hinam ñoqapas paykunamanta llakipayarikusaq.

Juan 12:26

Pipas serviwayta munaspaqa qatiwachunyá, payqa ñoqapa kasqaypim kanqa, serviwaqniytaqa Taytaymi ancha reqsisqata ruwanqa.

Hechos 12:23

Chayllamanmi Señorpa angelnin hamuruspan Herodesta onqorachirqa, Diosta mana hatunchasqanmanta. Hinaptinmi urukunapa mikusqan wañu-rurqa.

Hechos 16:17

Chay sipasmi Pablotawan ñoqaykuta qatikachawaspanku qayaykachakurqa: ¡Kay runakunaqa hanaq pachapi Diostam servinku, paykunaqa willasuchkankichik imaynam salvakunaykichikmantam! nispa.

Hechos 18:9

Huk tutam Pablo puñuchkaptin, visionninpi Señor rikuriykuspan nirqa: Ama manchakuychu, ama upallaspa hinalla willakuy.

Hechos 23:11

Chay tutam Pabloman Señor rikuriykuspan nirqa: Pablo kallpanchakuy, kay Jerusalén llaqtapi ñoqamanta willakusqaykita hinam Roma llaqtapipas willakunayki, nispa.

Hechos 5:19

Ichaqa chay tutam Señorpa angelnin hamuspan punkuta kicharurqa. Paykunata hurqoruspanmi nirqa:

Hechos 8:26

Chaymantam Felipeta Diospa angelnin kaynata kamachirqa: Sur lawman riy, Jerusalenmanta Gaza llaqtaman riq ñanninta, nispa. Chay ñanqa chunniqnintam pasachkan.

Romanos 1:1

Jesucristopa serviqnin ñoqa Pablom rimaykamuykichik. Diosmi apostolnin kanaypaq qayaykuwaspan allin noticiata willakunaypaq akllaykuwarqa.

Romanos 1:9

Churin Jesucristomanta allin noticiata tukuy sonqoywan willakuspay servisqay Diosmi yachan qamkunapaq tukuy tiempo mana qonqaspay mañakusqayta.

Romanos 6:22

Huchamanta librakuruspam ichaqa Diospa sirvientenña rikurirunkichik, chayqa allinnikichikpaqmi hinaspa chuya kawsakuymi tukupayninñataqmi wiñay kawsayman apakun.

1~Corintios 6:20

Diosmi preciowan rantisurqankichik, chaynaqa cuerpoykichikwanyá Diosta hatunchaychik.

Deuteronomio 32:9

Tayta Diospa herencianqa runankunallam, paypa herencianqa Jacobpa mirayninkunallam.

2~Timoteo 1:3

Tuta punchawmi qanmanta yuyarispay mañakuyniypi Diosman graciasta qoni, paytam chuya sonqolla servichkani ñawpaq taytaykuna hina.

2~Timoteo 2:24

Señor serviqqa manam peleokunapichu purinan, aswanqa llapallanwanmi allinlla kanan, payqa chaylla allin yachachikuqmi hinaspa mana piñakuqmi kanan.

2~Timoteo 4:17

Señorninchikmi ichaqa ñoqawan kaspa kallpanchawarqa, chaynapi ñoqantakama mana judío kaqkunamanpas salvacionmanta willakuy tukusqa kananpaq. Chaynatam Señorninchikqa leonkunapa siminmanta libraykuwarqa.

Tito 1:1

Ñoqa Pablom Diospa serviqnin hinaspa Jesucristopa apostolnin kani. Paymi kamachiwarqa Diospa akllasqankunata iñichinaypaq hinaspa kay allin noticiaman hina Diospa cheqap kaqninkunata reqsichinaypaq,

Tito 2:14

Paymi ñoqanchikrayku wañupuwarqanchik, tukuy mana allinkunamanta librawananchikpaq chaynataq huchanchikmanta chuyanchaykuwaspanchik llaqtantaña ruwaykuwananchikpaq, chaynapi allin kaqkunallataña ruway munaq kananchikpaq.

Hebreos 1:14

Llapallan angelkunaqa Dios serviq espiritukunam, paykunaqa salvakunankupaq kaqkunata yanapanankupaqmi kachamusqa kachkanku.

Apocalipsis 22:16

Ñoqa Jesusmi kachamurqani angelniyta tukuy kaykunamanta iñiqkunaman willananpaq. Ñoqaqa kani sachapa sapin hina rey Davidpa mirayninmi, ñoqataqmi kani achikyaq chaskapas.