Hechos 27:11 - CHUYA QELLQA La Biblia en Quechua de Ayacucho 2012

¹¹ Soldadokunapa capitanninñataqmi Pablopa nisqanta mana uyarispan barco manejaqpa hinaspa dueñonpa nisqanta kasukurqa.

Quechua Ayacucho Bible 1987

¹¹ Soldadokunapa capitanninñataqmi Pablopa nisqanta mana uyarispan buque manejaqpa hinaspa dueñonpa nisqanta kasukurqa.

Chuya Qellqa 1992

¹¹ Soldadokunapa capitanninñataqmi Pablopa nisqanta mana uyarispan barco manejaqpa hinaspa dueñonpa nisqanta kasukurqa.

Hechos 27:11 Iomraidhean Croise

2~Reyes 6:10

Chaynapim Israel nacionpa reyninqa tropankunata profeta Eliseopa nisqanman kacharqa, chaynata ruwaspam achka kutipi librakurqa.

Proverbios 27:12

Yachayniyuq runaqa sasachakuyta qawaspam asurikun, mana yuyaymanayniyuqmi ichaqa sasachakuyman yaykuspa ñakarin.

Ezequiel 33:4

Chay runa trompetata tocachkaptin pipas mana kasukuqqa, enemigopa wañuchisqanmi kanqa; wañusqanmantaqa kikinmi huchayuq kanqa.

Hechos 27:21

Barcopi kaqkuna achka punchawña mana mikusqa kaptiykum, chawpiykupi sayaykuspan Pablo nirqa: Riqmasillaykuna, nisqaypi hinapas Creta islamantaqa amapas lloqsimuchwanchu karqa, hinaptinqa manachá ñakarichwanchu nitaq imanchikunatapas yakuman wischuchkachwanchu karqa.

Hebreos 11:7

Iñiyllawanmi Noeypas, hamuq pun-chawkunapi imakuna pasakunanmanta Dios willaykuptin, payta kasukuspan arcata ruwarqa ayllunkuna chaypi salvakunanpaq. Hina chay iñiyllanwantaqmi kay pachapi kaqkunatapas condenarqa hinaspa allin kawsakuytapas chaskirqa.

Santiago 3:4

Qawariychikyá barcokunatapas, maynaña hatun kaptinpas hinaspa sinchi wayrapa apasqa kaptinpas, chullalla runam taksa timonwan munasqan lawman apan.

Apocalipsis 18:17

¡Huk ñawi qemchiyllatam apu kayninpas chinkarurqa!” nispanku. Barcopi kaq llapallan capitankunapas, pasajerokunapas, marinerokunapas chaynataq barcopi llamkaqkunapas karullapim sayarurqaku.