Hechos 27:1 - CHUYA QELLQA La Biblia en Quechua de Ayacucho 2012

¹ Italia lawmanmi barcopi pusachiwanankupaq rimanakururqaku, hinaspam Pablotawan wakin presokunata Augusto sutiyuq tropakunapa capitannin Julioman entregaykuwarqaku.

Quechua Ayacucho Bible 1987

¹ Buquepi Italia lawman pusachiwanankupaq rimanakuruptinkum Pablota wakin presokunatawan entregarqaku Augusto sutiyoq tropakunapi Capitan Julioman.

Chuya Qellqa 1992

¹ Italia lawmanmi barcopi pusachiwanankupaq rimanakururqaku, hinaspam Pablotawan wakin presokunata Augusto sutiyuq tropakunapa capitannin Julioman entregaykuwarqaku.

Hechos 27:1 Iomraidhean Croise

Génesis 50:20

Qamkunam ñoqapa contraypi mana allinta tantearqankichik, ichaqa Diosmi allinpaq tikrarurqa, kay qawasqaykichikpi hina ruwananpaq, chaynapi achka runakunata kawsachinanpaq.

Proverbios 19:21

Runapa sonqonpiqa tukuy rikchaq piensaykunam tarikun, chaywanpas Tayta Diospa munasqallanmi takyanqaqa.

Lamentaciones 3:27

Runapaqqa warma kasqanmantapuni yugo apaymi aswan allin.

Daniel 4:35

Paypa qayllanpiqa kay pachapi runakunaqa mana kaq hinallam kanku, hanaq pachapi tropakunawanpas munasqanman hinam ruwan, kay pachapi yachaqkunawanpas munasqanman hinam ruwan, manam pipas sayarinmanchu paypa atiyninpa contranpiqa, manam pipas tapupayanmanchu paypa imam ruwasqantaqa.

Mateo 27:54

Jesusta cuidaq capitanwan soldadokunañataqmi terremototawan tukuy imakunam pasakusqanta qawaykuspanku, llumpayta mancharikuspanku nirqaku: ¡Cheqaptapunipas payqa Diospa Churinmi kasqa! nispanku.

Lucas 23:47

Soldadokunapa capitanninmi chaykunata qawaykuspan Diosta yupaycharqa: Cheqaptapunim kay runaqa mana huchayuq kasqa, nispan.

Lucas 7:2

Chaypim capitanpa ancha kuyasqan serviqnin onqoruspa wañuy patanpiña kachkarqa.

Hechos 10:1

Cesarea llaqtapim Cornelio yacharqa. Paymi karqa Italiano sutiyuq tropakunapa capitannin.

Hechos 10:22

Hinaptinmi paykunañataq nirqaku: Ñoqaykutaqa Capitán Corneliom kachamuwanku. Payqa Diosta manchakuq justo runam, paytaqa llapa judiokunapas allin runapaqmi reqsinku. Diospa angelninmi payta kamachirqa wasinman qayachisuspayki qampa nisqaykikunata uyarinanpaq, nispanku.

Hechos 16:10

Chay visionta Pablo rikuruptinmi, chaypunilla allichakuyta qallaykurqaniku Macedonia lawman rinaykupaq, Diospa qayawasqankuta cheqappaq hapiykuspayku, chaypi runakunaman allin noticiata willakamunaykupaq.

Hechos 18:2

Chaypim Aquila sutiyuq judiowan tuparurqa, payqa Ponto law llaqtayuqmi karqa. Paymi warmin Priscilawan chayraq Italia lawmanta chayaramurqaku, Roma nacionmanta llapa judiokuna lloqsinankupaq emperador Claudio kamachikusqanrayku. Pablom paykuna watukuq rirqa.

Hechos 19:21

Chaymantam Pablo tantearurqa Macedonia hinaspa Acaya lawninta pasaspan Jerusalenman riyta, hinaspam nirqa: Jerusalenmantam imaynapas Roma llaqtaman risaq, nispa.

Hechos 21:32

Paymi capitanninkunatawan soldadonkunata pusarikuspa kallpaylla chayarurqa, hinaptinmi payta soldadokunatawan rikuruspanku chay llapa runakuna Pablota maqachkaspanku sayarurqaku.

Hechos 22:26

Capitanñataqmi chayta uyariruspan kamachiqninman rispan kaynata willamurqa: Kay runataqa, ¿imatataq ruwanki? Payqa Roma nacionniyuqmi kasqa, nispan.

Hechos 23:11

Chay tutam Pabloman Señor rikuriykuspan nirqa: Pablo kallpanchakuy, kay Jerusalén llaqtapi ñoqamanta willakusqaykita hinam Roma llaqtapipas willakunayki, nispa.

Hechos 23:17

Hinaptinmi huknin capitanta qayaykuspan Pablo nirqa: Kay joventa kamachiqnikiman pusay, willananmi kachkan, nispa.

Hechos 24:23

Hinaspanmi capitanninta kamachirqa: Pablota ama kacharispa cuidaychik, ichaqa amam harkakunkichikchu pipas watukamuspan yanapanantaqa, nispan.

Hechos 25:12

Festoñataqmi consejeronkunawan rimanakuspan Pablota nirqa: Emperador Cesarña juzgasunaykipaqmi mañakurunki, chaynaqa paymanmi rinki, nispa.

Hechos 25:25

Ñoqapa qawasqayman hinaqa, payqa manachusmi imatapas ruwarqachu wañunanpaq hinaqa. Aswanqa kikinmi mañakurqa emperador Cesarña juzgananpaq. Chaymi paymanña pusachisaq.

Hechos 27:11

Soldadokunapa capitanninñataqmi Pablopa nisqanta mana uyarispan barco manejaqpa hinaspa dueñonpa nisqanta kasukurqa.

Hechos 27:43

Ichaqa soldadokunapa capitanninmi Pablota salvayta munaspan harkakurqa ama pitapas wañuchinankupaq, hinaspam kamachirqa nadeay yachaqkuna puntata yakuman pawaykuspanku patanman lloqsinankupaq,

Hechos 27:6

Chaypim soldadokunapa capitannin tarirurqa Alejandría llaqtamanta hamuspa Italia lawman riq barcota. Chaymanmi pusaykuwarqaku Italiakama apawanankupaq.

Hechos 28:1

Lliwniyku salvakuruspaykuñam yacharurqaniku chay islapa sutinqa Malta kasqanta.

Hechos 28:16

Roma llaqtaman chayaruptiykum Pablota saqeykurqaku huk soldadopa cuidasqan sapaq wasipi yachananpaq.

Hebreos 13:24

Michiqnikichikkunatayá rimaykuy-chik, rimaykuychiktaqyá llapallan iñiq-kunatapas. Italiapi kaqkunam rimay-kamusunkichik.