Hechos 26:7 - CHUYA QELLQA La Biblia en Quechua de Ayacucho 2012

⁷ Chay promesapa cumplikunantam Israelpa mirayninmanta kaq chunka iskayniyuq ayllukunapas, tukuy sonqonkuwan Diosta tuta punchaw yupaychaspanku suyachkanku. Reynilláy Agripa, chay promesa suyasqayraykum judiokuna acusawachkanku.

Quechua Ayacucho Bible 1987

⁷ Chay promesapa cumplikunantam ñoqayku chunka iskayniyoq ayllukunapas confianzawan suyachkaniku. Tukuy sonqoykuwanmi Diosta tuta punchaw yupaychaniku. Chay promesapi confianzawan suyasqayraykum reylláy, judiokuna acusawan.

Chuya Qellqa 1992

⁷ Chay promesapa cumplikunantam Israelpa mirayninmanta kaq chunka iskayniyuq ayllukunapas, tukuy sonqonkuwan Diosta tuta punchaw yupaychaspanku suyachkanku. Reynilláy Agripa, chay promesa suyasqayraykum judiokuna acusawachkanku.

Hechos 26:7 Iomraidhean Croise

Esdras 6:17

Templota dedicaspankum Tayta Diosman ofrecerqaku pachak malta torokunata, iskay pachak carnerokunata, tawa pachak malta carnerokunata hinaspa chunka iskayniyuq chivatokunatapas, huk chivatotam sapa ayllumanta hucha pampachana ofrendapaq wañuchirqaku.

Esdras 8:35

Chaymantam preso kasqankumanta kutimuqkuna Israelpa Diosninman lliw kañana sacrificiokunata ofrecerqaku. Israelpi sapa ayllupa rantinpim ofrecerqaku chunka iskayniyuq malta torokunata, isqon chunka soqtayuq carnerokunata, qanchis chunka qanchisniyuq malta carnerokunata hinaspa hucha pampachana ofrendapaq chunka iskayniyuq chivatokunata; chaykunatam Tayta Diosman lliw kañana sacrificiota ofrecerqaku.

Mateo 19:28

Chaymi Jesusñataq nirqa: Cheqaptapunim nikichik, tukuy ima-pas musoqyachisqa kanan tiempo chayaramuptinmi kancharichkaq tro-nonpi runapa Churin tiyaykunqa, hinaptinmi qamkunapas chunka iskay-niyuq tronokunapi tiyaykuspa Israel ayllukunata juzgankichik.

Lucas 2:25

Jerusalenpim Simeón sutiyuq runa yacharqa, payqa allin kaqkunata ruwaspa kuyapayakuq runam karqa. Paymi Israel nación salvasqa kananta suyachkarqa. Payqa Chuya Espiritupa huntasqanmi karqa.

Lucas 22:30

chaynapi qamkunapas munaychakuyniypi ñoqawan kuska mikunaykichikpaq hinaspa tomanaykichikpaq; qamkunam tronokunapi tiyaykuspa Israelpi chunka iskayniyuq ayllukunata juzgankichik, nispa.

Hechos 20:31

Chaynaqa cuidakuychikyá, amayá qonqaychikchu weqeywan tuta punchaw kimsa watantin sapakamaman yachachisqaytaqa.

Hechos 24:15

Ñoqapas paykuna hinam Diospi suyachkani allin runakunatawan mana allin runakunata hamuq punchawpi Dios kawsarichimunanta.

Hechos 26:2

Reynilláy Agripa, llapa judiokuna tukuy acusawasqanmanta qampa qayllaykipi rimarikunaypaq kaspaymi kusikuni.

Hechos 26:3

Qamqa yachankim judiokunapa llapallan costumbrentapas chaynataq atipanakusqankutapas, chayraykum aswanraq kusikuni, qamtam mañakuyki pacienciawan uyariykuwanaykipaq.

Hechos 28:20

Chaynapim qayachimurqaykichik qamkunawan tupaykuptinchik willanaypaq. Israel miraykunapa suyasqanku hamurusqanmanta willasqayraykum kay cadenawan watasqa kachkani.

Filipenses 3:11

chaynapi Dios munaptinqa ñoqapas wañusqakunapa kasqanmanta kawsarimunaypaq.

1~Tesalonicenses 3:10

Tuta-punchawmi Diosta llumpayta mañakuchkaniku qamkunata rikuykunaykupaq, chaynapi iñiynikichikpa pisisqanta huntaykachinaykupaq.

1~Timoteo 5:5

Sapallan qeparuq cheqap mana piniyuq viudaqa Diosmanmi hapipakun, payqa tuta punchawmi mana qonqaspa Diosta mañakun.

Santiago 1:1

Ñoqa Santiagom Diospa hinaspa Señor Jesucristopa serviqnin, llapallan kay pachapi cheqesqa Israelpa chunka iskayniyuq ayllunkunata rimay-kamuykichik.