Hechos 26:5 - CHUYA QELLQA La Biblia en Quechua de Ayacucho 2012

⁵ Munaspankuqa willakunmankum ñoqaqa unayña fariseo kasqayta. Yachasqaykichikpi hinam wakin judiokunamantapas fariseokunaqa leykunata allinta kasukuniku.

Quechua Ayacucho Bible 1987

⁵ Munaspankuqa willakunmankum ñoqaqa unanayña *f**fariseo kasqayta. Yachasqaykichikpi hinam wakin judiokunamantapas fariseokunaqa leykunata allinta kasukuniku.

Chuya Qellqa 1992

⁵ Munaspankuqa willakunmankum ñoqaqa unayña fariseo kasqayta. Yachasqaykichikpi hinam wakin judiokunamantapas fariseokunaqa leykunata allinta kasukuniku.

Hechos 26:5 Iomraidhean Croise

Hechos 15:5

Ichaqa Jesucristoman iñiq wakin fariseokunam sayarispanku nirqaku: Mana judío kaqkunamanta iñiqkunapas qari kayninkupi señalasqam kananku, kamachinataqmi Moisespa leyninkunata kasukunankupaqpas, nispanku.

Hechos 22:3

Ñoqaqa Cilicia law Tarso llaqtapi naceq judiom kani, ichaqa kay Jerusalenpim wiñarqani, yachachiqniypas Gamalielmi karqa, paymi ñawpaq taytanchikkunapa leyninta allinta yachachiwarqa. Diosninchiktam tukuy sonqoywan servini imaynam qamkunapas kunan servisqaykichikta hina.

Hechos 22:5

Tukuy chaykunataqa sumo sacerdotewan kamachikuqkunapas allintam yachanku. Paykunam Damasco llaqtapi judiomasinchikkunapaq cartakunata qowarqaku, chaynapim iñiqkunata kay Jerusalenman presota apamuspay castigachinaypaq rirqani.

Hechos 23:6

Chaypi wakin kamachikuqkunam saduceo partidomanta karqaku, wakinñataqmi fariseokunamanta. Chayta qawaykuspanmi Pabloqa hatunmanta qaparirqa: Wawqekuna, ñoqaqa fariseokunapa mirayninmi kani. Qamkunaqa wañuqkunapa kawsarichimunanmanta yachachisqaymantam juzgawachkankichik, nispa.

Hechos 24:14

Ichaqa manam negakunichu, ñawpaq taytaykunapa Diosnintam yupaychani musoq yachachikuyman hina, chaytam paykuna ninku: “Rakinachiq partidom” nispanku. Ñoqaqa creenim Moisespa hinaspa profetakunapa lliw qellqasqanta.

Hechos 24:5

Kay Pabloqa peste onqoy hinam. Tukuy hinastinpim judiokunata rakinamuchkan, payqa nazareno partidopa cabecillanmi.