Hechos 26:13 - CHUYA QELLQA La Biblia en Quechua de Ayacucho 2012

¹³ Reynilláy, chawpi punchawta richkaspayñataqmi intimantapas aswan kancharichkaq achkiyta rikururqani. Hinaptinmi chay achkiyqa riqmasiykunatawan kanchariykuwarqaku.

Quechua Ayacucho Bible 1987

¹³ Chawpi punchawta richkaspayñataqmi reylláy, intimantapas aswan kancharichkaq achkiytaraq rikururqani. Hinaptinmi chay achkiy riqmasiykunatawan kanchariykuwarqa.

Chuya Qellqa 1992

¹³ Reynilláy, chawpi punchawta richkaspayñataqmi intimantapas aswan kancharichkaq achkiyta rikururqani. Hinaptinmi chay achkiyqa riqmasiykunatawan kanchariykuwarqaku.

Hechos 26:13 Iomraidhean Croise

Isaías 24:23

Tukuy Atiyniyuq Tayta Dios, Sión moqopiwan Jerusalenpi munaychakuptinmi, killapas penqakunqaraq, intipas tutayanqaraq; Diospa kanchariynintam ancianonkuna rikunqaku.

Isaías 30:26

Hinaptinmi killapa achkiyninpas intipa achkiynin hinaraq kanqa, chaynataqmi intipas qanchis kuti mastaraq kancharinqa, imaynam qanchis punchawpi kanchayninta hina. Chaynam kanqa runankunapa isunta kikinpa isuchasqanta Tayta Dios wataspan hampisqan punchawpi.

Mateo 17:2

Chaypim paykunapa qayllanpi Jesuspa rikchaynin tikrakururqa. Uyanmi inti hina kancharirqa, pachanñataqmi achkiy hina yuraqyarurqa.

Hechos 22:6

Ichaqa Damasco llaqtaman chayaykuchkaptiymi, yaqa chawpi punchaw nisqata, cielomanta llumpay achkiy qonqayllamanta kanchaykamuwarqa.

Hechos 22:9

Riqmasiykunapas chay achkiytaqa rikurqakum, ichaqa manam entienderqakuchu chay rimapayawaqniypa nisqantaqa.

Hechos 26:12

Chaykuna ruwamunaypaqmi sacer-dotekunapa kamachiqninkuna auto-rizawaptin Damasco llaqtaman rirqani.

Hechos 26:14

Chaymi lliwchayku pampaman wichiykurqaniku, hinaptinmi uyarirqani hebreo rimayniykupi kayna niqta: “¡Saulo, Saulo! ¿Imanasqataq qatikachawanki? Puyata toro haytachkaq hinam kikillayki nanachikuchkanki”, nispa.

Hechos 9:3

Damasco llaqtaman hichpaykuchkaptinmi, cielomanta huk llipyay qonqayllamanta uraykamuspa payta kanchaykurqa.

Apocalipsis 1:16

Alleqnin lawpim kasqa qanchis chaskakuna, siminmantañataqmi lloqsirqa iskay lawnin filoyuq ñawchi espada, uyanpas kasqa chawpi punchawpi intipa kanchaynin hinaraqmi.

Apocalipsis 21:23

Chay llaqtaqa manam necesitanchu intipa nitaq killapa kanchaynintapas, aswanqa Diospa kanchayllanmi achkin, Corderollataqmi kanchayninpas.