Hechos 24:25 - CHUYA QELLQA La Biblia en Quechua de Ayacucho 2012

²⁵ Ichaqa runapa allin ruwananmanta, controlakuy yachaq kanamanta hinaspa llapallan runakunaqa Diospa juzgasqan kananmanta Pablo rimaruptinmi, gobernador Félix mancharikuspan nirqa: Pasakuyña, tiempoy kaptinñam qayachimusqayki, nispan.

Quechua Ayacucho Bible 1987

²⁵ Runapa allin rurananmanta, tentacionkuna aguantaymanta hinaspa llapallan runakunaqa Diospa juzgasqan kananmanta Pablo rimaruptinmi prefecto mancharikuspan nirqa: —Pasakuyña, ichapas yapapiña qayachimusqayki —nispa.

Chuya Qellqa 1992

²⁵ Ichaqa runapa allin ruwananmanta, controlakuy yachaq kanamanta hinaspa llapallan runakunaqa Diospa juzgasqan kananmanta Pablo rimaruptinmi, gobernador Félix mancharikuspan nirqa: Pasakuyña, tiempoy kaptinñam qayachimusqayki, nispan.

Hechos 24:25 Iomraidhean Croise

2~Samuel 23:3

Israelpa Diosninmi rimarirqa, Israelta waqaychaq Diosmi niwarqa: Pipas allinta ruwaspa runakunata kamachiqmi, pipas Diosta kasukuspa runakunata kamachiqmi,

1~Reyes 21:27

Chaykunata uyariykuspanmi Acabqa pachanta llikiparurqa, hinaspam qachqa pachawan churakuruspa ayunarqa. Hina chay qachqa pachantillanmi puñurqapas, hinaspam llakisqallaña purirqa.

2~Reyes 22:19

kay llaqtatapas chaynataq runankunatapas ñakasqa kaspanku chinkachisqa kanankupaq rimasqayta uyariykuspayki sonqoykipi llakikuspa ñoqapa qayllaypi uchuychakuspayki pachaykikunatapas llikipaspa waqasqaykiraykum ñoqapas uyariykuyki.

Esdras 10:3

Chaynaqa, kunanyá Diosninchikman prometekusun kay warmikunatawan wawankunata qarqonapaq. Qampa chaynataq Diosninchikpa kamachikuyninta kasukuq runakunapa niwasqankuman hinam ruwasaqku. Diospa kamachikuynintam kasukusaqku.

Esdras 10:9

Chaymi kimsa punchawllapi Judá lawmanta Benjamín lawmanta llapa runakuna Jerusalén llaqtaman huñunakaramurqaku, huñunakamurqakuqa isqon kaq killapa iskay chunka punchawninpim. Chay punchawmi llapa runakuna Diospa templonpa plazanpi, chay asuntorayku hinaspa parasqanrayku katkatatastin tiyarqaku.

Jobwan Sutichasqa Libro 29:14

Allin arreglo ruwaywan allin kawsakuyqa sapa punchaw tapaykuqniymi karqa, chaykunam sapa punchaw pachaykuna hina karqa.

Proverbios 16:12

Reykunaqa millakunkum mana allin ruwaykunataqa, paykunapa munaychakuyninqa sapinchakun allin ruwaypim.

Eclesiastés 11:9

Joven, joven kaynikipi kusikuy, sonqoykipas warma kaynikipi anchata kusikuchun, sonqoykipa munasqanman hina, ñawikipa qawasqanman hina kawsay. Ichaqa amayá qonqaychu, tukuy ima ruwasqaykimantaqa Diosmi cuenta mañasunki.

Eclesiastés 12:14

Runaqa imataña ruwaspanpas, allin kaqta otaq mana allin kaqtaña ruwaspanpas, mana pipa rikusqantaña ruwaspanpas, Diospa juzgasqanmi kanqa.

Eclesiastés 5:8

Hukkaqnin llaqtapi wakchakuna ñakarichisqa kasqanta chaynataq allin arreglo ruwaywan allin kawsakuy sarutyasqa kasqanta rikuspaykiqa amayá admirakuychu. Chaykunaqa pasakun huk kamachikuqpa mana allin ruwayninta paymanta más atiyniyuq kaqraq pakaptinmi, chaynallataq kay iskaynintapas aswan más atiyniyuqraq pakaptinmi.

Isaías 1:18

Tayta Diosqa nintaqmi: Chaynaqa, tanteanakunapaqyá ñoqaman hamuychik, cochinilla hina moradoña huchaykichik kaptinpas ritita hinam yuraqyachisqaykichik, carmesí hina pukay-pukayña huchaykichik kaptinpas yuraq millwata hinam yuraqyachisqaykichik.

Isaías 1:21

¿Imanasqataq chuchumikayarunki ñoqapi hapipakuq llaqta kachkaspaqa? Ñawpaqtaqa runaykikunapas allin kawsakuqmi karqaku, allin kaqkunallata ruwaspankum paykunaqa sumaqta kawsarqaku, kunanqa runamasinku wañuchiqllañam rikurirunku.

Isaías 16:5

Diosmi hatun kuyakuyninpi huk kamachikuqta Davidpa mirayninmanta churanqa. Paymi juzgaspan allin arreglota ruwanqa, runakuna allinta ruwanankupaqmi hikutanqa, nispanku.

Isaías 32:11

Mana llakiyuq warmikuna katkatataychik, hawkallaña kakuq warmikuna manchakuymanta hukmanyaychik. Pachaykichikta lluschukuspa qachqa pachawan churakuychik.

Isaías 41:21

Ñoqa Tayta Diosmi kaynata nini: Yaw, idolokuna hamuychik, imapas rimanaykichik kaptinqa rimarikuychik, hamuspa mana chayna kasqanta niwaychik. Ñoqa Jacobpa reyninmi chaynata nini.

Isaías 55:6

Tarinapaqraq kachkaptinyá Tayta Diosta maskaychik, hichpallapiraq kachkaptinyá Tayta Diosta qayakuychik.

Isaías 61:8

Ñoqa Tayta Diosqa allin ruwaytam kuyani, suwakuytawan mana allin ruwaykunatam ichaqa cheqnini. Hapipakunaykichik kasqayraykum imam kaqta pagapusqaykichik, hinaspaymi qamkunawan wiñaypaq pactota ruwasaq.

Isaías 66:2

Tukuy imapas ñoqapa ruwasqallaymi, chaymi tukuy imapas rikurirqa. Ñoqa Tayta Diosmi chaynata nini. Ñoqaqa nanachikuni humillakuspa wanakuq runakunatam, yachachikuyniy kasukuq runakunatam.

Jeremías 22:3

Tayta Diosmi kaynata nin: Runakunapaq allin arreglota ruwaychik, ñakariqkunata ñakarichiqninmanta libraychik; huklaw llaqtayuqkunatapas, mana tayta-mamayuqkunatapas, viudatapas ama ñakarichiychikchu nitaq uchuy-chaychikchu. Inocente runatapas aman wañuchiychikchu.

Jeremías 23:29

Palabrayqa nina hinam, rimasqayqa qaqa rumipas ñutuq martillo hinam. Ñoqa Tayta Diosmi chaynata nini.

Jeremías 36:16

Leesqan palabrakunata uyariruspankum mancharisqallaña qawanakurqaku, hinaspam Baructa nirqaku: Cheqaptapunipas kay uyarisqanchik palabrakunataqa reymanmi willananchik, nispanku.

Ezequiel 45:9

Ñoqa Tayta Diosmi kaynata nini: Israel nacionpi kamachikuqkuna, amaña llaqtayta ñakarichiychikchu, nitaq allpankutapas qechuychikchu. Qamkunaqa ama pimanpas sayapakuspa allin arreglota ruwaychik. Amaña llaqtaypa allpanta suwakuychikchu. Ñoqa Tayta Diosmi chaynata nini.

Daniel 12:2

Wañuqkunamantapas achkallañam kawsarimunqaku: Wakinmi wiñay kawsaypaq wakinñataqmi wiña-wiñay ñakariypaq.

Daniel 4:27

Chaynaqa reynilláy, kay consejasqayta uyariykuway: Ama huchallikuspa allin kaqkunataña ruway, mana allinta amaña ruwaspa wakchakunamanta llakipayarikuy, ichapas qamqa hina hawkalla unayta kawsakuwaq, nispa.

Daniel 5:30

Chay tutallam Caldeapa reynin Belsasarta wañurachirqaku.

Oseas 10:12

Qamkunaqa allin kawsakuytayá tarpuychik, kuyakuypa rurunta cosechaychik, mana yapusqa chakrakunatayá yapuychik. Tayta Diosta maskanaykichik punchawmi chayaramunqa, hinaptinqa Tayta Diospas para hinaraqmi hamunqa, qamkunaman kutirimuspan salvaykusunkichik.

Oseas 10:4

Paykunaqa yanqa rimaq runakunam kanku, pactota ruwaspapas yanqallam juranku, allinpaq hapispa ruwayninkupas chakrakunapi wiñaq qatqe qorakuna hinam.

Oseas 7:5

Reypa fiestan punchawpim llapa kamachikuqkuna reyta llumpayta upyarachispa onqorachirqaku, burlakuqnin runakunamanraqmi reyqa makintapas haywarirqa.

Amós 5:24

Allin juzgasqaykichikpas kallpachkaq mayu hinayá kachun. Justicia ruwasqaykichikpas mana chakiq pukyu hinayá kachun.

Amós 6:12

¿Yaqachu caballokuna qaqanta kallpanmanku? ¿Yaqachu torokuna qaqapi yapunmanku? ¿Imanasqataq allin ruwayta wañuyman tikrarunkichik? ¿Imanasqataq allin kawsakuyta qatqeyarachinkichik?

Habacuc 3:16

Kaykunata uyariykuspaymi mancharikurqani, simillaypas katkatatarqam, chakillaypas manam sayayta atirqachu, cuerpollaypas mana kallpayuqñam rikurirurqa. Chaywanpas ñoqallayqa qasillallam ñakarichiqniyku llaqtata Diospuni ñakarichinan punchawta suyallasaq.

Hageo 1:2

Tukuy Atiyniyuq Tayta Diosmi kaynata nin: Kay runakunam ninakuchkanku, “manaraqmi Tayta Diospa templonta musoqmanta hatarichina tiemporaqchu”, nispanku.

Mateo 22:5

Convidasqankunañataqmi mana kasukuspanku huknin pasakurqa chakranman, hukninñataq negocionman.

Juan 16:8

Pay hamuspanmi ru-nakunata reqsichinqa huchayuq kasqankumanta, Diospa kuyakuyninmanta hinaspa juicio punchawmanta,

Hechos 10:42

Paymi kamachiwarqaku llapa runakunaman paymanta willakunaykupaq, Jesucristotam Dios churarun wañuqkunatapas hinaspa kawsaqkunatapas juzgananpaq.

Hechos 17:13

Ichaqa Tesalónica llaqtapi kaq judiokunam yacharurqaku, Berea llaqtapipas Diospa palabranta Pablo willakusqanta, chaymi pasaspanku llapa runakunata umachaspa chaqwachirqaku.

Hechos 17:2

Chaymanmi Pablo costumbrenman hina sapa samana punchaw rirqa, hinaspam kimsa samana punchawpuni chaypi kaq judiokunawan atipanakurqaku.

Hechos 17:32

Wañusqakunapa kawsarimunanmanta uyariruspankum, wakin uyariqkuna asipayarqaku, wakinñataqmi nirqaku: Yapapiña chaykunamantaqa willawankiku, nispanku.

Hechos 2:37

Kaykunata uyariruspankum sonqonkupi llumpayta llakikuruspanku Pedrotawan wakin apostolkunata tapurqaku: Wawqekuna, ¿imatataq ruwallasaqku? nispanku.

Hechos 24:15

Ñoqapas paykuna hinam Diospi suyachkani allin runakunatawan mana allin runakunata hamuq punchawpi Dios kawsarichimunanta.

Hechos 24:26

Kachaykunanpaq qollqe qonanta munaspanmi achka kutita qayachimuq paywan parlananpaq.

Hechos 26:28

Agripañataqmi nirqa: Asllamantam yaqalla Cristoman iñirachiwanki, nispa.

Hechos 9:6

Hatarispayki Damasco llaqtaman yaykuy, chaypim imam ruwanaykitapas nisunki, nispa.

Romanos 12:1

Chaynaqa, wawqe-panillay-kuna, Diosninchikpa llakipaya-kuyninraykum ruegakuykichik, cuer-poykichiktayá Diosman qoychik, kawsachkaq ofrendata hina hinaspa chuyata, paypa munasqanman hina. Kaynam cheqap yachaywan Diosta yupaychayqa.

Romanos 14:12

Chaynaqa, sapakamam Diosnin-chikman cuentata qosunchik.

Romanos 2:16

Chaynataqa ruwanqa Jesucris-tontakama llapallan runakunata Dios juzganan punchawpim. Chay punchawpim runapa sonqonpi pakasqa kaqkunatapas Dios juzganqa, imaynam kay allin noticia willakusqayman hina.

1~Corintios 4:5

Chaynaqa, qamkunapas amayá manaraq tiemponpiqa juzgaychikchu, Señorninchik Jesucristo hamuspan tutayaypi pakasqa kaqkunata achkiyman hurqomunankama. Paymi qawachinqa runakunapa sonqonpa munasqankunata, chayraqmi sapakamata Dios hatunchanqa.

2~Corintios 5:10

Ichaqa llapallanchikmi Cristopa qayllanman rikurinanchik, chaynapi kay pachapi kawsaspa allinpas otaq mana allinpas ruwasqanchikman hina tocaqninchikta sapakama chaskinanchikpaq.

2~Corintios 6:2

Paymi nin: “Chaskina tiempopim uyarirqayki, salvanay punchawpim yanaparqayki”, nispa. Kunanqa chaskina tiempoñam, kunanqa salvanan punchawñam.

Gálatas 3:22

Qellqapa nisqanman hinaqa, lliwmi huchapa chaqnasqan kachkanchik. Chaynapim Diospa promesantaqa Jesucristoman iñiqkunalla chaskinchik.

Gálatas 5:23

llampu sonqolla kay hinaspa genionchik controlakuy. Kay allin ruwaykunapa contranpiqa manam ima leypas kanchu.

2~Timoteo 4:1

Munaychakuq hamuspan wañuqku-natapas kawsaqkunatapas juzgaq Señor Jesucristopa hinaspa Dios Taytapa qayllanpim kamachiki:

Tito 1:8

Payqa kanan: Wasinpi samaykachikuqmi, allin kaqkunata kuyaqmi, allin piensaqmi, allin arreglo ruwaqmi, Diosllapaqña sapaqchakuqmi hinaspa genionta controlakuqmi.

Hebreos 12:21

Mancharikuypaqmi kay qawasqankuqa karqa, chaymi Moisespas kaynata nirqa: “Mancharikuymantam katkatatachkani”, nispa.

Hebreos 3:13

Aswanqa huknikichikmanta-huknichikkamayá sapa punchaw kallpanchanakuychik, chaynapi manaraq Qellqapa “kunan” nisqan tukuruchkaptin, mayqannikichiktapas hucha engañaptin sonqoykichik ama rumiyarunanpaq.

Hebreos 4:1

Diospa qosqan samakuyman yay-kunanchikpaq promesan kachkaptinqa cuidakusunyá, yanqañataq huk-kaqnikichik mana yaykuwaqchikchu.

Hebreos 6:2

bautismomantapas, iñiqkunapa hawanman maki churaymantapas, wañuqkuna kawsarimunanmantapas chaynataq wiñaypaq castigomantapas.

Hebreos 9:27

Diospa citasqanman hinaqa huk kutillatam runakunaqa wañunqa, chaypa qepantañataqmi juicio hamunqa,

Santiago 2:19

Qanmi creenki chullalla Dios kasqanta, allinmi chayqa. Ichaqa demoniokunapas creenmi hinaspam manchakuymanta katkatatanku.

1~Pedro 3:15

Aswanqa Señorninchik Cristotayá sonqoykichikpi hatunchaychik, hinaspayá tukuy tiempo chaylla kaychik imam iñisqaykichikmanta haykam tapusuqnikichikta tupaqninpi kutichikunaykichikpaq, chaytaqa uchuy-chakuspa hinaspa respetowan ruwaychik.

2~Pedro 1:6

yachay-manñataq, genio controlayta; genio contro-laymanñataq, pacienciakuyta; pacienciakuymanñataq, Dios yupaychayta;

1~Juan 3:10

Suti reqsiyllam Diospa churinkunaqa, suti reqsiyllataqmi diablopa churinkunapas. Allin kaqkunata mana ruwaqqa hinaspa runamasinta mana kuyaqqa, manam Diospa churinchu.

1~Juan 3:7

Churillaykuna, amayá piwanpas engañachikuychikchu, pipas allin ruwaqqa Jesucristo hina allin ruwaqmi.

1~Samuel 12:7

Chaynaqa, kunanyá asuykamuychik, ñawpaq taytaykichiktapas qamkunatapas Tayta Dios tukuy imaymanakuna ruwasqanmanta Tayta Diospa ñawpaqninpi qamkunata yuyarichinaypaq.