Hechos 24:14 - CHUYA QELLQA La Biblia en Quechua de Ayacucho 2012

¹⁴ Ichaqa manam negakunichu, ñawpaq taytaykunapa Diosnintam yupaychani musoq yachachikuyman hina, chaytam paykuna ninku: “Rakinachiq partidom” nispanku. Ñoqaqa creenim Moisespa hinaspa profetakunapa lliw qellqasqanta.

Quechua Ayacucho Bible 1987

¹⁴ Ichaqa manam negakunichu, abueloykunapa Diosnintam adorani mosoq yachachikuyman hina, chaytam paykuna ninku: “Rakinachiq partido” nispa. Ichaqa ñoqapas creenim Moisespa hinaspa Diosmanta willakuqkunapa lliw qellqasqantaqa.

Chuya Qellqa 1992

¹⁴ Ichaqa manam negakunichu, ñawpaq taytaykunapa Diosnintam yupaychani musoq yachachikuyman hina, chaytam paykuna ninku: “Rakinachiq partidom” nispanku. Ñoqaqa creenim Moisespa hinaspa profetakunapa lliw qellqasqanta.

Hechos 24:14 Iomraidhean Croise

1~Crónicas 29:18

Dios Taytalláy, Abrahampa, Isaacpa hinaspa Jacobpa Diosnin, kay llaqtaykipa kuyakuynintayá hina kaynallata wiñaypaq waqaychay, tukuy sonqonkuwantaqyá qamtapas kuyasunki.

Éxodo 3:15

Kasqallanmi Moisesta Dios nirqa, Israelpa mirayninkunatam kaynata ninki: “Ñawpaq taytaykichik Abrahampa, Isaacpa hinaspa Jacobpa Diosninmi qamkunaman kachamuwan. Payqa Tayta Diosmi”, nispa. Kaymi wiñaypaq sutiyqa, kay sutiywanmi wiña-wiñaypaq yuyariwankichik.

Amós 8:14

Samariapa idolonkunarayku juraqkunapas, Danpa chaynataq Beersebapa idolonkunarayku juraqkunapas lliwmi wichinqaku, manañam haykapipas hatarinqakuñachu.

Miqueas 4:2

Llapallan nacionkunam chayman rispanku ninqaku: Tayta Diospa akllakusqan orqoman hakuchik, Jacobpa Diosninpa wasinman risunchik; paymi yachachiwasun paypaq hina kawsakuyta, paypa munasqanman hinaña purisunchik, nispanku. Sión moqomantam kamachikuy lloqsimunqa, Jerusalenmantañataqmi Tayta Diospa Chuya simin lloqsimunqa.

Mateo 10:32

Pipas runakunapa qayllanpi mana penqakuspa ñoqamanta willakuqtaqa, ñoqapas hanaq pachapi kaq Taytaypa qayllanpim paymanta willakusaq.

Mateo 22:40

Kay iskaynin kamachikuykunapim leypas chaynataq profetakunapa qellqasqanpas sapinchakun, nispa.

Mateo 7:12

Chaynaqa, imaynam runamasikichik qamkunapaq ruwananta munankichik, chaynatayá qamkunapas paykunapaq ruwaychik. Chaynatam kamachikuykunawan profetakunapas kamachiwanchik.

Lucas 1:70

Paymi ñawpaqmantaraq chuya profetankunatakama prometekurqa,

Lucas 16:16

Kamachikuykunawan profetakunapa yachachisqanqa Bautizaq Juanpa willakuy qallarisqankamallam karqa. Chaymanta qepamanñataqmi Diospa munaychakuyninmanta willakusqa kachkan, chaymi llapallanku yaykunankupaq kallpanchakuchkanku.

Lucas 16:29

Hinaptinmi Abrahamñataq nirqa: “Chaypaqmi Moisespa hinaspa profetakunapa qellqanta hatallinku, chaytayá kasukuchunku”, nispa.

Lucas 24:27

Hinaspam Moisespa qellqasqan-manta qallarispa profetakunapa qellqasqankama, paymanta llapallan Qellqapa nisqanta paykunaman entien-dechirqa.

Lucas 24:44

Chaymantam paykunata nirqa: Kaykuna pasakunanmantaqa qam-kunawan kachkaspayraqmi willar-qaykichikña: Moisespa qellqasqan kamachikuykunapi, profetakunapa qellqasqanpi hinaspa Salmokunapi ñoqamanta qellqasqa kaqkunaqa cumplikunanpunim, nispay.

Juan 1:45

Felipem Natanaelta tariruspan nirqa: Tariramunikum huk runata, paymantam Moisespas chaynataq profetakunapas qellqarqa. Payqa Joseypa churin Nazaret llaqtayuq Jesusmi, nispa.

Hechos 10:43

Llapa profetakunapas Jesusmantam kaynata nirqaku: “Payman llapallan iñiqtaqa Diosmi huchanmanta pampachanqa”, nispanku.

Hechos 13:15

Diospa leynintawan profetakunapa qellqasqanta leeruspankum, sinagogapi kamachikuqkuna, Pablotawan Bernabeyta nirqaku: Wawqekuna, kay runakunata imallawanpas kallpanchanaykichikpaq kaptinqa kunanyá rimariykuychik, nispanku.

Hechos 15:5

Ichaqa Jesucristoman iñiq wakin fariseokunam sayarispanku nirqaku: Mana judío kaqkunamanta iñiqkunapas qari kayninkupi señalasqam kananku, kamachinataqmi Moisespa leyninkunata kasukunankupaqpas, nispanku.

Hechos 19:23

Chay punchawkunapim Cristopi iñiqkunapa contranpi hatun chaqwa hatarirurqa.

Hechos 19:9

Ichaqa wakin runakunam sonqonkuta rumiyarachispanku mana iñiyta munarqakuchu, aswanraqmi paykunaqa Cristomanta allin noticiapa contranpi tukuy imaymanata llapa runakunaman nirqaku. Chaymi Pablo paykunamanta sapaqcharuspan llapa iñiqkunata rakirurqa Tiranno sutiyuq runapa escuelanman, chaypiñam sapa punchaw paykunata yachachirqa.

Hechos 22:14

Hinaptinmi pay niwarqa: “Ñawpaq taytanchikkunapa Diosninmi akllasurqanki paypa munasqanta yachanaykipaq, hinaspa justo kaq Jesusta rikuruspayki kikinpa vozninta uyarinaykipaq.

Hechos 24:22

Pablopa nisqanta gobernador Félix uyariykuspanmi Jesucristomanta yacha-chikuyta allinta yachasqanrayku nirqa: Soldadokunapa kamachiqnin Lisias hamuptinñam kay asuntomanta allinta yachasaq, nispa.

Hechos 24:5

Kay Pabloqa peste onqoy hinam. Tukuy hinastinpim judiokunata rakinamuchkan, payqa nazareno partidopa cabecillanmi.

Hechos 25:8

Hinaptinmi rimarikuspan Pablo nirqa: Ñoqaqa manam judiokunapa leyninpa contrapipas, templopa contranpipas nitaq Cesarpa contranpipas huchallikurqanichu, nispa.

Hechos 26:22

Ichaqa Dios yanapawaptinmi kunankamapas hatunmanpas taksamanpas hina kaqllata willakuchkani. Manam ñoqaqa huktachu rimachkani aswanqa profetakunapa chaynataq Moisespa nisqallantam. Paykunam ñawpaqmantaraq nirqaku:

Hechos 26:27

Reynilláy Agripa, ¿creenkichum profetakunapa willakusqanta? Arí, qamqa creenkim, nispa.

Hechos 26:4

Lliw judiokunam yachanku imaynam warma kasqaymantaraq llaqtaypipas hinaspa Jerusalén llaqtapipas kawsasqaytaqa.

Hechos 26:6

Kunanñataqmi ñawpaq taytanchikkunaman Diospa promesan suyasqayrayku juzgasqa kachkani.

Hechos 28:22

Ichaqa imam piensasqaykitam uyariyta munaniku, ñoqaykuqa yachanikum tukuy hinastinpi iñiqkunapa contranpi rimasqankuta, nispanku.

Hechos 28:23

Chaykunamanta rimanankupaq huk punchawtaña akllaruptinkum, Pablopa samakusqanman achka runakuna hamurqaku, hinaptinmi tutapaymanta tardeykuqkama Diospa munaychakusqanmanta paykunaman willarqa. Moisespa hinaspa profetakunapa qellqasqanta qawachispanmi Jesusmanta convencechiyta munarqa.

Hechos 3:13

Aswanqa ñawpaq taytanchik Abrahampa, Isaacpa hinaspa Jacobpa yupaychasqan Diosmi serviqnin Jesusta hatuncharqa. Paytam autoridadkunaman qoykurqankichik, gobernador Pilato librayta munaptinpas harkakurqankichikmi.

Hechos 5:30

Qamkunam Jesusta chakataruspaykichik wañurachirqankichik, ichaqa ñawpaq taytaykichikkunapa Diosninmi kawsarirachimurqa.

Hechos 7:32

“Ñoqam kani ñawpaq taytayki Abrahampa, Isaacpa hinaspa Jacobpa Diosnin” niqta. Hinaptinmi Moisesqa manchakuymanta katkatatayta qallaykuspan ni qawariytapas atirqachu.

Hechos 9:2

hinaspam cartakunata mañakurqa Damasco lawpi kaq sinagogakunapi kamachikuqkunapaq, chaynapi Jesucristopi iñiqkunata tarispanqa warmitapas qaritapas presota Jerusalenman apamunanpaq.

Romanos 1:9

Churin Jesucristomanta allin noticiata tukuy sonqoywan willakuspay servisqay Diosmi yachan qamkunapaq tukuy tiempo mana qonqaspay mañakusqayta.

Romanos 3:21

Kunanmi ichaqa, manaña leyman hinañachu imaynam mana huchayuqpaqña chaskiwasqanchikta Dios reqsichiwanchik. Chaytam leywan profetakuna kaynata nin:

1~Corintios 11:19

Arí, qamkunapiqa kananmi rakinakuykunaqa, chaynapi pikunam cheqap iñiqkuna kasqankuta yachanapaq.

Gálatas 5:20

ídolo yupaychaykuna, layqanakuykuna, cheqninakuykuna, liryanakuykuna, envidiakuykuna, piñakuykuna, kikillanpaq imapas munaykuna, rakinakuy hatarichiykuna, pantaywan apachikuykuna,

2~Timoteo 1:3

Tuta punchawmi qanmanta yuyarispay mañakuyniypi Diosman graciasta qoni, paytam chuya sonqolla servichkani ñawpaq taytaykuna hina.

Tito 3:10

Iñiqkunata umachaspa rakinakuy-man apaq runataqa iskay-kimsa kutikama anyaptiki mana uyarikuptinqa qar-qoruy.

1~Pedro 1:11

Cristopa Espiritunmi profetakunaman ñawpaqmantaraq yacha-chirqa Cristopa ñakarinanmanta hinaspa chaykuna pasaruptin hatunchasqa kananmanta. Paykunam yachaykuyta munarqaku Cristopa imaynam ñakarinanmanta hinaspa chaykunapa qepanta hatun kusikuy hamunanmanta.

Apocalipsis 19:10

Angelta yupaychanaypaq ñawpaqninpi qonqorakuykuptiymi, payñataq niwarqa: ¡Ama chaytaqa ruwaychu! Ñoqaqa kani, qampapas chaynataq Jesusmanta willakuq wawqe-panikikunapapas serviqmasillaykichikmi. ¡Yupaychaspaqa yupaychay Diosllatayá! Jesusmanta cheqap willakuqqa Diospa revelasqantam yachachin, nispa.