Hechos 23:9 - CHUYA QELLQA La Biblia en Quechua de Ayacucho 2012

⁹ Llumpayta atipanakuptinkum, fariseokunamanta Diospa leynin yacha-chiqkuna sayarispanku nirqaku: Manam kay runapiqa ima mana allintapas tarinikuchu, ichapas paytaqa huk angelpas otaq espiritupas rimapayarqa, nispanku.

Quechua Ayacucho Bible 1987

⁹ Nisyuneqta lliw rimaptinkum fariseokunamanta Diospa leynin yachachikuqkuna sayarispanku atipanakurqaku: —Manam kay runapiqa ima mana allintapas tarinikuchu, ichapas cheqapta paytaqa angelpas otaq allin espiritupas rimapayarqa —nispa.

Chuya Qellqa 1992

⁹ Llumpayta atipanakuptinkum, fariseokunamanta Diospa leynin yachachiqkuna sayarispanku nirqaku: Manam kay runapiqa ima mana allintapas tarinikuchu, ichapas paytaqa huk angelpas otaq espiritupas rimapayarqa, nispanku.

Hechos 23:9 Iomraidhean Croise

Proverbios 16:7

Runapa ñannin Tayta Diospa munasqanpaq hina kaptinqa, Tayta Diosmi chay runataqa enemigonkunawan hawkayaypi kawsachinqa.

Jeremías 26:16

Hinaptinmi sacerdotekunatawan profetakunata, llapa kamachikuqkunawan runakuna nirqaku: Yupaychasqanchik Tayta Diospa sutinpim payqa rimapayawarqanchik, manam wañunanpaqqa sentenciachwanchu, nispanku.

Marcos 2:16

Diospa leynin yachachiqkunawan fariseokunañataqmi, Jesusta rikururqaku impuesto cobraqkunawan hinaspa huchasapakunawan mikuchkaqta, hinaspankum Jesuspa discipulonkunata tapurqaku: ¿Imanasqataq payqa impuesto cobraqkunawan hinaspa huchasapa runakunawan mikuchkan? nispanku.

Lucas 23:22

Hinaptinmi Pilatoñataq kaqllamanta nirqa: ¿Ima mana allintañataq payqa ruwa-rurqa? Manam paypiqa ima huchatapas wañunanpaq hinaqa tarinichu. Azoteruspallaymi kachaykusaq, nispa.

Lucas 23:4

Hinaptinmi sacerdotekunapa kamachiqninkunatawan runakunata Pilato nirqa: Paypiqa manam ima huchatapas tarinichu sentencianaypaq hinaqa, nispa.

Lucas 5:30

Chaymi Diospa leynin yachachiqkunawan fariseokunañataq Jesuspa discipulonkunapa contranpi rimaspanku nirqaku: ¿Imanasqataq qamkunaqa impuesto cobraqkunawan hinaspa huchasapakunawan kuska mikuspa upyachkankichik? nispanku.

Juan 12:29

Chaypi kaq runakunañataqmi uyarispanku nirqaku: Rayom toqyaramun, nispanku. Wakiqninñataqmi nirqaku: Huk angelmi rimapayaykamun, nispanku.

Hechos 11:17

Chaynaqa, Señor Jesucristopi iñiqkunaman ñoqanchikman hina Espiritunta Dios qochkaptinqa, ¿pitaq ñoqaqa karqani Diosta harkakunaypaqqa? nispa.

Hechos 22:6

Ichaqa Damasco llaqtaman chayaykuchkaptiymi, yaqa chawpi punchaw nisqata, cielomanta llumpay achkiy qonqayllamanta kanchaykamuwarqa.

Hechos 22:7

Hinaptinmi pampaman wichiykuspay uyarirqani “¡Saulo, Saulo! ¿Imanasqataq qatikachawanki?” niqta.

Hechos 23:29

Chaypim yachamurqani leyninkupa contranpi yachachisqanmanta acusasqankuta. Ichaqa manam ima delitonpas kanchu wañunanpaq hinaqa nitaq carcelpi kananpaqpas.

Hechos 23:8

Saduceokunam yacha-chinku: “Wañuqkunaqa manam kaw-sarinqachu, manataqmi angelkunapas nitaq espiritukunapas kanchu”, nispanku. Fariseokunañataqmi chaykunapi creenku.

Hechos 25:25

Ñoqapa qawasqayman hinaqa, payqa manachusmi imatapas ruwarqachu wañunanpaq hinaqa. Aswanqa kikinmi mañakurqa emperador Cesarña juzgananpaq. Chaymi paymanña pusachisaq.

Hechos 26:31

Huklawman asurikuspankuñataqmi ninakurqaku: Kay runaqa manam imatapas ruwasqachu wañunanpaq hinaqa, manataqmi presopas kanmanchu, nispanku.

Hechos 27:23

Chisi tutam rikuriykuwarqa servisqay Diospa angelnin.

Hechos 5:39

Diosmanta kaptinmi ichaqa imayna chinkarachiytapas mana atiwaqchikchu. Chaynaqa, cuidakuychikyá, yanqañataq Diospa contranpi peleachkawaqchik, nispa.

Hechos 9:4

Chaymi Sauloñataq pampaman wichiy-kuspan kayna niq rimayta uyarirqa: ¡Saulo, Saulo! ¿Imanasqataq qatikachawanki? niqta.

1~Corintios 10:22

¿Señortachu piñachisun? ¿Paymanta aswan kallpayuqchu kanchik?

1~Samuel 12:5

Hinaptinmi Samuel nirqa: Tayta Diosmi akllakusqan reypiwan kunan punchaw testigo, qamkuna mana imatapas tariwasqaykichikmanta, nispa. Paykunañataqmi nirqaku: Arí chaynapunim, nispanku.

1~Samuel 24:17

Hinaspanmi Davidta nirqa: Ñoqamantaqa qamqa allin ruwaqmi kanki. Qampaq mana allinta munach-kaptiypas allinwanmi kutirachiwanki.