Hechos 23:6 - CHUYA QELLQA La Biblia en Quechua de Ayacucho 2012

⁶ Chaypi wakin kamachikuqkunam saduceo partidomanta karqaku, wakinñataqmi fariseokunamanta. Chayta qawaykuspanmi Pabloqa hatunmanta qaparirqa: Wawqekuna, ñoqaqa fariseokunapa mirayninmi kani. Qamkunaqa wañuqkunapa kawsarichimunanmanta yachachisqaymantam juzgawachkankichik, nispa.

Quechua Ayacucho Bible 1987

⁶ Chaypi wakin autoridadkunam *f**saduceo partidomanta karqa, wakinñataqmi *f**fariseo kaqkunamanta. Chayta Pablo yacharuspanmi qaparirqa: —Wawqeykuna, ñoqaqa kani castaykuna hina fariseom. Wañuqkunata Dios kawsarichinantam confianzawan suyani. Chay yachachisqaymantam juzgawachkankichik.

Chuya Qellqa 1992

⁶ Chaypi wakin kamachikuqkunam saduceo partidomanta karqaku, wakinñataqmi fariseokunamanta. Chayta qawaykuspanmi Pablo hatunmanta qaparirqa: Wawqekuna, ñoqaqa fariseokunapa mirayninmi kani. Qamkunaqa wañuqkunapa kawsarichimunanmanta yachachisqaymantam juzgawachkankichik, nispa.

Hechos 23:6 Iomraidhean Croise

Mateo 10:16

Atoqkunapa kasqanman ovejakunata kachachkaq hinam kachachkaykichik, qamkunaqa maqta uru hina sakriyá kaychik, ichaqa paloma hina manso.

Mateo 22:23

Chay punchawllapitaqmi wakin saduceokunapas Jesusman hamurqaku. Saduceokunaqa wañuqkunapa kawsarimunanpiqa manam creerqakuchu. Paykunam Jesusta tapurqaku:

Mateo 3:7

Llapa fariseokunawan saduceokunapas bautizachikuq hamuptinkum Juanñataq nirqa: ¡Maqta urupa mirayninkuna! ¿Pitaq willarusunkichik hamuq ñakariymanta ayqeruyta?

Hechos 22:3

Ñoqaqa Cilicia law Tarso llaqtapi naceq judiom kani, ichaqa kay Jerusalenpim wiñarqani, yachachiqniypas Gamalielmi karqa, paymi ñawpaq taytanchikkunapa leyninta allinta yachachiwarqa. Diosninchiktam tukuy sonqoywan servini imaynam qamkunapas kunan servisqaykichikta hina.

Hechos 22:30

Soldadokunapa kamachiqninmi cheqaptapuni yachayta munarqa, imamantam llapa judiokuna Pablota acusasqankumanta. Chaymi paqarin-nintin punchaw, watachisqan cadenakunata kachaykachispan judío sacerdotekunapa kamachiqninkunatawan cortepi kamachikuqkunata huñuchirqa. Hinaspam Pablota pusaspan paykunapa qayllanpi sayachirqa.

Hechos 22:5

Tukuy chaykunataqa sumo sacerdotewan kamachikuqkunapas allintam yachanku. Paykunam Damasco llaqtapi judiomasinchikkunapaq cartakunata qowarqaku, chaynapim iñiqkunata kay Jerusalenman presota apamuspay castigachinaypaq rirqani.

Hechos 23:1

Chaymi cortepi kamachikuqkunata allinta qawaykuspan Pablo nirqa: Wawqellaykuna, kunankamam sonqoy hawkalla karqa Diospa qayllanpi, nispa.

Hechos 23:15

Chaynaqa, qamkunayá cortepi kamachikuqkunapiwan Roma soldadokunapa kamachiqninta mañamuychik, paqarinpuni Pablota qamkunaman pusamunanpaq. Pusachimunkichikqa: “Paymantam mastaraq yachaykuyta munaniku”, nispallam. Ñoqaykuñataqmi manaraq chayamuchkaptin wañurachinaykupaq chaylla suyasaqku, nispanku.

Hechos 23:20

Hinaptinmi chay jovenñataq nirqa: Judiokunam tanteanakurunku Pablota mañasunaykipaq, paykunam nisunki: “Paqarinyá Pablota corteman pusay, paymantam mastaraq yachaykuyta munaniku”, nispanku.

Hechos 23:7

Chaynata rimaruptinmi llapa fari-seokuna saduceokunawan atipanakuyta qallaykuspanku iskayman raki-nakururqaku.

Hechos 24:15

Ñoqapas paykuna hinam Diospi suyachkani allin runakunatawan mana allin runakunata hamuq punchawpi Dios kawsarichimunanta.

Hechos 24:21

Paykunapa qayllanpi kachkaspayqa kayllatam rimarurqani: “Wañuqkunata Dios kawsarichinanmanta yachachisqayraykum juzgawachkankichik”, nispay.

Hechos 28:20

Chaynapim qayachimurqaykichik qamkunawan tupaykuptinchik willanaypaq. Israel miraykunapa suyasqanku hamurusqanmanta willasqayraykum kay cadenawan watasqa kachkani.

Filipenses 3:5

Nacesqaymanta pusaq punchawninmanmi qari kayniypi señalawarqaku, Benjamín ayllumanta kaq Israelpa castanmi kani, tayta-mamaymantapunim hebreo rimaq kani. Leyman hinañataqmi fariseo karqani.

Colosenses 1:5

chaytaqa ruwachkankichik hanaq pachapi churasqa premioykichikraykum, chaymantaqa cheqap allin noticia palabrantakamam uyarirqankichikña.

Hebreos 6:19

Lamar qochapa patanpi barca watasqa hinam confianzanchikqa almanchikta takyachin. Hanaq pacha templopi rakinaq telapa qepanpiñam confianzanchikqa Diospi churasqa kachkan.