Hechos 23:12 - CHUYA QELLQA La Biblia en Quechua de Ayacucho 2012

¹² Paqarinnintin punchawmi wakin judiokuna tanteanakurqaku Pablota wañurachinankupaq, paykunam juraspanku ninakurqaku: Pablota wañurachinanchikkamam ama mikusunchu nitaq imatapas tomasunchu, mana chaynata ruwaspanchikqa ñakasqayá kasunchik, nispanku.

Quechua Ayacucho Bible 1987

¹² Paqarinnintinñataqmi wakin judiokuna juramentaspanku yachachinakurqaku Pablota wañurachinankupaq, paykunam ninakurqaku: —Pablota wañurachinanchikkamam ama mikusunchu nitaq imatapas tomasunchu —nispa.

Chuya Qellqa 1992

¹² Paqarinnintin punchawmi wakin judiokuna tanteanakurqaku Pablota wañurachinankupaq, paykunam juraspanku ninakurqaku: Pablota wañurachinanchikkamam ama mikusunchu nitaq imatapas tomasunchu, mana chaynata ruwaspanchikqa ñakasqayá kasunchik, nispanku.

Hechos 23:12 Iomraidhean Croise

Génesis 37:18

Ichaqa manaraq chayachkaptinmi wawqenkuna rikuruspanku wañurachinankupaq tanteanakururqaku.

1~Reyes 19:2

Chaymi Eliasman Jezabel kaynata nichimurqa: Dioskunayá sinchita castigawachun Baalpa profetankunawan imaynallam ruwasqaykita hina qamtapas paqarin kay horata mana ruwaruptiyqa, nispa.

2~Reyes 6:31

Chaypim rey qaparirqa: Safatpa churin Eliseopa umanta kunanpuni mana kuchuptiyqa Diosyá llumpa-llumpayta castigawachun, nispa.

Nehemías 10:29

wawqenkunaman chaynataq kamachiqninkunaman hukllawakuspanku tukuy sonqonkuwan jurarqaku. Moisesnintakama Tayta Diospa qosqan kamachikuykunaman hina kawsanankupaq. Prometekurqakutaqmi Tayta Diospa kamachikuyninkunata, reglamentonkunata hinaspa decretonkunata cumplinankupaqpas.

Ester 2:22

Chayta uyariruspanmi Mardoqueoqa reina Esterman willaykurqa, Esterñataqmi Mardoqueopa sutinpi reyman willaykurqa.

Jeremías 11:19

Nakanankupaq pusasqanku manso carnero hinam ñoqaqa karqani. Manam yachakurqanichu contraypi kayna rimanakusqankutaqa: Ruruchkaq sachata hinayá kuchurusunchik, kay pachapi kaqkunamantayá chinkarachisunchik, paymanta manaña pipas yuyarinankupaq, nispa.

Jeremías 44:25

Israelpa yupaychasqan Tukuy Atiyniyuq Tayta Diospa nisqanta uyariychik: Qamkunapas warmikichikpas imam nisqaykichikman hinam ruwach-kankichik. Nichkankichiktaqmi: Cielopi reinamanmi prometekurqaniku inciensotawan vinota ofrecenaykupaq, chaytam cumplisaqku, nispaykichik. Chaynaqa, chay nisqaykichikman hinayá ruwaychik.

Levítico 27:29

Wañunanpaq sentenciasqa runataqa manam pipas reclamanmanchu. Wañunanpaq sapaqchasqa runaqa wañunqapunim.

Mateo 26:4

Chaypim tanteanakururqaku engañollawan Jesusta hapiruspa wañurachinankupaq.

Mateo 26:74

Hinaptinmi Pedroqa ñakaspanraq jurarqa: ¡Wak runataqa manam reqsinichu! nispa. Rimayta tukuruptillanmi utulu waqa-ramurqa.

Mateo 27:25

Hinaptinmi llapallan runakuna nirqaku: ¡Paypa wañusqanmantaqa ñoqaykum mirayniykupiwan huchayuq kasaqku! nispanku.

Hechos 23:13

Chay juramentaqkunaqa tawa chunka masninmi karqaku.

Hechos 23:14

Paykunam sacerdotekunapa kamachiqninkunaman chaynataq ancianokunaman rispanku nimurqaku: Ñoqaykum jurarqaniku Pablota wañu-chinaykukama imatapas mana mikunaykupaq nitaq tomanaykupaq, mana chaynata ruwaspaqa ñakasqam kasaqku.

Hechos 23:21

Ichaqa amam creenkichu, tawa chunka masnin runakunam pakakuspa suyachkanku. Paykunam Diospa qayllanpi kaynata jurarunku: “Amam imatapas mikusunchu nitaq tomasunchu Pablota wañuchinanchikkama” nispanku. Listollañam suyachkanku pusachiptiki wañurachinankupaq, nispa.

Hechos 23:30

Ichaqa wañurachinankupaq llapa judiokunapa tanteanakusqanta yacharuspaymi qanman pusachimuyki. Chaynallataqmi acusaqninkunatapas kamachini qampa qayllaykipiña acusanankupaq”, nispa.

Hechos 25:3

mañakurqaku: Ama hina kaspaykiyá kay Jerusalén llaqtaman Pablota pusarachimuy, nispanku. Chaynataqa mañakurqaku Pablota pusamuchkaptinku ñanpi wañura-chinankupaqmi.

Hechos 9:23

Achka punchawkuna pasaruptinmi Saulota wañuchinankupaq judiokuna rimanakururqaku.

Hechos 9:24

Saulom ichaqa chayta yachakururqa. Chaymi wañurachinankupaq tuta punchaw chay llaqtapa punkunkunapi suyaqku.

1~Corintios 16:22

Pipas Señor Jesucristota mana kuyaqqa ñakasqayá kachun. ¡Maranatha!

2~Corintios 11:26

Achka kutitam illarqani hinaspam sinchi sasachakuypi karqani: Mayu aparuwananmanta, suwamanta, castaykuna hinaspa mana judío kaqkuna wañurachiwananmantapas. Chaynataq llaqtakunapipas, chunniqkunapipas, lamar qochapipas hinaspa wawqe-pani tukuqkunamantapas.

Gálatas 3:13

Leypa ñakawasqanchikmantam Cristo librawarqanchik. Paymi ñoqanchikrayku ñakasqa karqa. Chuya Qellqapim kaynata nin: “Qerupi warkusqa wañuq runaqa ñakasqayá kachun”, nispa.

1~Tesalonicenses 2:16

paykunaqa mana judío kaqkuna salvakunankupaq allin noticia willanaykutam harkakuwanku. Chaynata ruwaspankum aswan mastaraq huchankuta llimparichichkanku, ichaqa ñam paykunapaq wiñay castigo chayaramunña.

Josué 6:26

Chay tiempopim juraspan Josué kaynata nirqa: Pipas kay Jericó llaqtata musoqmanta hatarichiqqa Tayta Diospa ñakasqanyá kachun. Piwi churinpa hawanpiyá cimientonkunatapas hatarichichun, sullka churinpa hawanpiyá punkunkunatapas churachun, nispa.

Josué 7:1

Judá ayllumanta kaq Serapa mirayninmantam karqa Zabdipa willkan hinaspa Carmipa churin Acán sutiyuq runa. Paymi chinkachinankupaq sapaqchasqa kaqkunata hapikuykuspan Tayta Diospa qayllanpi Israelpa mirayninkunata huchallirachirqa. Chayraykum paykunapa contranpi Tayta Dios piñakururqa.

Josué 7:15

Chinkachisqa kananpaq kaqkunata aparuqñataqmi aylluntin chaynataq tukuy ima hatallisqanwan kuska kañasqa kanqaku, pacto ruwasqayta mana kasukuspan Israel ukupi millakuypaq huchata ruwasqanrayku, nispa.

1~Samuel 14:24

Ichaqa chay punchawmi lliw Israel runakuna llumpay sasachakuypi tarikurqaku. Manam pipas ima mikuyllatapas malliykurqachu. Saulmi llapa runakunata juramentachispan nirqa: Enemigoykunata vengakunaykamam ama pipas tutaykunankama mikunqachu, mikuruspaqa ñakasqam kanqa, nispa.