Hechos 22:3 - CHUYA QELLQA La Biblia en Quechua de Ayacucho 2012

³ Ñoqaqa Cilicia law Tarso llaqtapi naceq judiom kani, ichaqa kay Jerusalenpim wiñarqani, yachachiqniypas Gamalielmi karqa, paymi ñawpaq taytanchikkunapa leyninta allinta yachachiwarqa. Diosninchiktam tukuy sonqoywan servini imaynam qamkunapas kunan servisqaykichikta hina.

Quechua Ayacucho Bible 1987

³ Ñoqaqa Cilicia law Tarso llaqtapi nacekuq judiom kani. Ichaqa kay Jerusalenpim educakurqani, yachachiqniypas karqa Gamalielmi, paymi allinta yachachiwarqa ñawpaq abuelonchikkunapa leyninta. Diosninchiktam tukuy sonqoywan servini qamkunapas kunan servisqaykichikman hina.

Chuya Qellqa 1992

³ Ñoqaqa Cilicia law Tarso llaqtapi naceq judiom kani, ichaqa kay Jerusalenpim wiñarqani, yachachiqniypas Gamalielmi karqa, paymi ñawpaq taytanchikkunapa leyninta allinta yachachiwarqa. Diosninchiktam tukuy sonqoywan servini imaynam qamkunapas kunan servisqaykichikta hina.

Hechos 22:3 Iomraidhean Croise

2~Samuel 21:2

Gabaón llaqtayuqkunaqa manam Israel castamantachu karqaku, paykunaqa Amor castamanta puchuqkunam karqaku. Israel runakunam paykunaman jurarqaku mana wañuchinankupaq. Saulmi ichaqa Israelpa mirayninkunamanta chaynataq Judapa mirayninkunamanta sientisqanrayku, Gabaón runakunata chinkarachiypi rirqa. Chaymi Gabaón llaqtayuqkunata David qayachimuspan paykunawan rimaspan

2~Reyes 4:38

Chaymantam Gilgal llaqtaman Eliseo kutirqa. Chay punchawkunapim hatun muchuy chay lawkunapi karqa. Llapa profetakunam Eliseopa muyuriqninpi tiyachkarqaku, hinaptinmi criadonta Eliseo nirqa: Profetakunapaq hatun mankapi mikuyta yanuramuy, nispa.

Lucas 10:39

Martapa ñañanmi karqa María, paymi Jesuspa ñawpaqninpi tiyaykurqa rimasqanta uyarinanpaq.

Lucas 2:46

Kimsa punchawmantañam templopi tarirurqaku Diospa leynin yachachiqkunata uyarispan hinaspa tapuspan paykunawan tiyachkaqta.

Lucas 8:35

Chaymi llapa runakuna imam pasakusqanta qawamunankupaq kallparqaku. Jesuspa kasqanman chayaruspankum, demoniopa huntasqan runataqa allin pachasqataña hinaspa yuyayninman kutisqataña Jesuspa waqtanpi tiyachkaqta tariykurqaku, hinaspam mancharikurqaku.

Hechos 11:25

Chaymantam Bernabé pasarqa Tarso llaqtaman Saulota maskamunanpaq, tariruspanñataqmi Antioquiaman pusarqa.

Hechos 15:23

Paykunawanmi kay cartata apachirqaku: “Apostolkunawan iñiqmasinchik ancianokunam rimaykamuykiku Antioquiapi, Siriapi hinaspa Ciliciapi kaq mana judío wawqe-panikunata.

Hechos 15:41

Hinaspam Siria lawninta, Cilicia lawninta llapa iñiqkunata kallpanchastin rirqaku.

Hechos 21:20

Uyariykuspankum Diosta yupaycharqaku, hinaspam Pablota nirqaku: Wawqelláy, yachasqaykipi hinapas waranqanpim judiokuna Jesucristoman iñikurunku, ichaqa hinallaraqmi Moi-sespa leyninman hapipasqa kachkanku.

Hechos 21:39

Hinaptinmi Pabloñataq nirqa: Ñoqaqa Cilicia lawpi Tarso llaqtapi naceq judiom kani, llaqtayqa ancha reqsisqam. Ama hina kaspa saqeykuway llapa runakunata rimapayaykunaypaq, nispa.

Hechos 23:34

Gobernador Felixñataqmi chay cartata leeruspan Pablota tapurqa maylaw llaqtayuq kasqanta. Cilicia lawmanta kasqanta yacharuspanmi

Hechos 23:6

Chaypi wakin kamachikuqkunam saduceo partidomanta karqaku, wakinñataqmi fariseokunamanta. Chayta qawaykuspanmi Pabloqa hatunmanta qaparirqa: Wawqekuna, ñoqaqa fariseokunapa mirayninmi kani. Qamkunaqa wañuqkunapa kawsarichimunanmanta yachachisqaymantam juzgawachkankichik, nispa.

Hechos 26:5

Munaspankuqa willakunmankum ñoqaqa unayña fariseo kasqayta. Yachasqaykichikpi hinam wakin judiokunamantapas fariseokunaqa leykunata allinta kasukuniku.

Hechos 26:9

Ñawpaqtaqa kikiypunim piensar-qani Nazaretmanta kaq Jesuspa contranpi tukuy mana allinkuna ruwayta.

Hechos 5:34

Hina chay kamachikuqkunawanmi huk fariseo Gamaliel sutiyuq kachkarqa. Paymi karqa Diospa leyninmanta yachachikuq. Paytam llapa runakuna llumpayta respetaqku. Paymi sayarispan kamachirqa apostolkuna hawaman lloqsiykunankupaq,

Hechos 6:9

Jerusalenpim karqa “Esclavo kasqankumanta librasqakuna” nispa sutichasqanku sinagoga. Chaypim huñunakuqku Cirenemanta, Alejandriamanta, Ciliciamanta hinaspa Asiamanta kaq judiokuna. Paykunam Estebanwan atipanakuyta qallaykurqaku.

Hechos 9:1

Sauloñataqmi Jesucristoman iñiqkunata wañuchinanpaq amenazaspan sumo sacerdoteman rirqa,

Hechos 9:11

Señorñataqmi nirqa: Hatarispayki Derecha sutiyuq calleman riy, hinaspayki Judaspa wasinpi maskamuy Tarso llaqtayuq Saulota. Paymi Diosta mañakuchkan,

Hechos 9:30

Jesucristoman iñiqkunañataqmi chayta yacharuspanku, Saulota Cesareaman pusaruspanku Tarso llaqtaman aviarurqaku.

Romanos 11:1

Chaynaqa, tapukunim: ¿Israel llaqtantaqa Diosqa cheqnirunchu? ¡Manapunim! Ñoqapas Israelpa castanmi kani, Abrahampa mirayninmi, Benjamín ayllumanta kaqmi.

2~Corintios 11:22

¿Hebreo castachu kanku? Ñoqapas chay castam kani. ¿Israelpa mirayninchu kanku? Ñoqapas chay miraymi kani. ¿Abrahampa mirayninkunachu kanku? Ñoqapas paypa mirayninmi kani.

Gálatas 1:14

Judiokunapa yachachikuyninkunata kasukuypiqa wiñaymasiykunatapas llalliqraqmi kani. Allinpaq hapispaymi ñawpaq taytaykunapa costumbrenkunatapas cumpliq kani.

Gálatas 1:21

Jerusalenmanta lloqsispayñataqmi Siria lawman hinaspa Cilicia lawman pasakurqani.

Deuteronomio 33:3

Dios Taytalláy, llaqtaykitam kuyanki, llapallan sapaqchasqaykikunatam waqaychanki, paykunaqa ñawpaqnikipim qonqorakunku, kamachisqaykikunatam chaskikunku.