Hechos 21:8 - CHUYA QELLQA La Biblia en Quechua de Ayacucho 2012

⁸ Paqarinnintin punchawñataqmi Cesarea llaqtakama rirqaniku. Chaypim watukurqaniku evangelista Felipeta, payqa karqa Jerusalenpi ñawpaqtaraq akllasqanku qanchis diaconokunapa hukninmi. Paypa wasinpim samakurqaniku.

Quechua Ayacucho Bible 1987

⁸ Paqarinnintinñataqmi rirqaniku Cesarea llaqtakama. Chaypim watukurqaniku Jesucristomanta allin noticia willakuq Felipeta, payqa karqa Jerusalenpi ñawpaqtaraq akllasqanku qanchis diaconokunapa hukninmi. Paypa wasinpimá samakurqaniku.

Chuya Qellqa 1992

⁸ Paqarinnintin punchawñataqmi Cesarea llaqtakama rirqaniku. Chaypim watukurqaniku evangelista Felipeta, payqa karqa Jerusalenpi ñawpaqtaraq akllasqanku qanchis diaconokunapa hukninmi. Paypa wasinpim samakurqaniku.

Hechos 21:8 Iomraidhean Croise

Hechos 10:1

Cesarea llaqtapim Cornelio yacharqa. Paymi karqa Italiano sutiyuq tropakunapa capitannin.

Hechos 16:10

Chay visionta Pablo rikuruptinmi, chaypunilla allichakuyta qallaykurqaniku Macedonia lawman rinaykupaq, Diospa qayawasqankuta cheqappaq hapiykuspayku, chaypi runakunaman allin noticiata willakamunaykupaq.

Hechos 16:13

Samana punchawpim llaqtamanta lloqsirqaniku, hinaspam Diosta mañakunanku mayupa patanman rirqa-niku. Chaypi tiyaykuspaykum huñunaka-muq warmikunaman Jesusmanta willarqa-niku.

Hechos 16:16

Huk punchawmi Diosta mañakuna sitioman richkaspayku, adivinaq espirituyuq sipaswan tuparurqaniku. Payqa adivinaspanmi patronninkunata achka qollqeta ganachiq.

Hechos 18:22

Cesarea llaqtaman chayaruspanmi, iñiqkunata saludaykunanpaq Jerusalenman rirqa, chaymantam Antioquía llaqtaman pasarqa.

Hechos 20:13

Ñoqaykum barcopi puntaruspayku Asón llaqtaman rirqaniku, Pablota hoqarinaykupaq. Paymi rimanakusqaykuman hina chakiwan rirqa.

Hechos 20:6

Ñoqaykuñataqmi mana levadurayuq tanta fiesta pasaruptin, Filipos llaqtamanta barcopi lloqsirqaniku, hinaspam pichqa punchawmantaña paykunata Troas llaqtapi hayparqaniku, hinaspaykum qanchis punchawraq chaypi qeparqaniku.

Hechos 21:16

Riysiwarqakutaqmi Cesareamanta wakin iñiqkunapas, paykunam Chipre llaqtayuq Mnasonpa wasinman pusawarqaku, payqa unay watakunaña iñikuqmi karqa. Paypa wasinpim samakurqaniku.

Hechos 23:23

Soldadokunapa kamachiqninmi iskay capitanninkunata qayaykuspan kamachirqa: Iskay pachak soldadokunatawan qanchis chunka sillada soldadokunata hinaspa lanzawan peleaq iskay pachak soldadokunata alistaychik, chaynapi kunan tuta isqon horata Cesarea llaqtaman rinankupaq.

Hechos 27:1

Italia lawmanmi barcopi pusachiwanankupaq rimanakururqaku, hinaspam Pablotawan wakin presokunata Augusto sutiyuq tropakunapa capitannin Julioman entregaykuwarqaku.

Hechos 28:11

Chay islapi kimsa killa karuspaykum Alejandría llaqtamanta hamuq barcopiña lloqsirqaniku, chay islapim samachkarqa poqoy tiempo pasanankama. Chay barcopa umanpim Cástor chaynataq Pólux dioskunapa rikchayninkuna llaqllasqa kasqa.

Hechos 28:16

Roma llaqtaman chayaruptiykum Pablota saqeykurqaku huk soldadopa cuidasqan sapaq wasipi yachananpaq.

Hechos 6:5

Chaymi llapa huñunasqakuna “allinmi” nispanku Estebanta akllarqaku. Payqa Chuya Espiritupa huntasqan hinaspa llumpay iñiyniyuq runam karqa. Akllarqakutaqmi Felipeta, Procorota, Nicanorta, Timonta, Parmenasta hinaspa Nicolastapas. Nicolasqa karqa judiokunapa religionninman tikrakuq Antioquía llaqtayuqmi.

Hechos 9:30

Jesucristoman iñiqkunañataqmi chayta yacharuspanku, Saulota Cesareaman pusaruspanku Tarso llaqtaman aviarurqaku.

Efesios 4:11

Paypunitaqmi atiytapas qorqa, wakin-man: Apóstol kananpaq, profeta kananpaq, evangelista kananpaq, michiq kananpaq hinaspa yachachikuq kananpaq.

2~Timoteo 4:5

Qamyá ichaqa tukuy imapi allin yuyayniyuq kay, sasachakuytapas aguantaspa allin noticiata willakuy chaynata ruwaspaykiyá llamkaynikita cumpliy.