Hechos 21:5 - CHUYA QELLQA La Biblia en Quechua de Ayacucho 2012

⁵ Chay qanchis punchaw pasaruptinmi lloqsirqaniku, hinaptinmi lliw iñiqkuna warmipas qaripas warmakunapas llaqtapa patankama qatiwarqaku aviawanankupaq, chaymi lamar qochapa patanpi qonqorakuykuspa Diosta mañakurqaniku.

Quechua Ayacucho Bible 1987

⁵ Ichaqa chay punchawkuna pasaruptinmi lloqsirqaniku, hinaptinmi lliwchan iñiqkuna warmipas qaripas warmakunapiwan aviawarqaku llaqtapa cantonkama, lamar qochapa patanpim qonqorakuspayku Diosta mañakurqaniku.

Chuya Qellqa 1992

⁵ Chay qanchis punchaw pasaruptinmi lloqsirqaniku, hinaptinmi lliw iñiqkuna warmipas qaripas warmakunapas llaqtapa patankama qatiwarqaku aviawanankupaq, chaymi lamar qochapa patanpi qonqorakuykuspa Diosta mañakurqaniku.

Hechos 21:5 Iomraidhean Croise

1~Reyes 8:54

Tayta Diospa altarninpa ñawpaqninpi altoman makinkunata hoqarispa qonqoranpa mañakusqanta tukuruspanmi Salomón sayarirurqa.

2~Crónicas 20:13

Judá runakunañataqmi warmintinkama, churintinkama taksa wawakunapas, Tayta Diospa qayllanpi sayarqaku.

Nehemías 12:43

Chay punchawpim achkallaña ofrendakunata ofrecespanku kusikurqaku, Tayta Dios kusichisqanrayku sinchillataña kusikurqaku. Warmikunawan wawakunapas ancha kusisqam karqaku, chaymi Jerusalenpi kusikuyqa karukamaraq uyarikurqa.

Mateo 14:21

Mikuqkunam karqaku pichqa waranqa qarikuna, warmikunawan wawakunam ichaqa mana yupasqachu karqaku.

Marcos 1:40

Leprawan onqoq runam Jesuspa qayllanpi qonqorakuykuspan nirqa: Munaspaykiqa kay onqoyniymantayá sanoyaykachillaway, nispan.

Lucas 22:41

Hinaspam paykunamanta karuniqman asurispan chaypi qonqorakuykurqa, hinaspam Diosta kaynata mañakurqa:

Hechos 15:3

Antioquía llaqtapi kaq iñiqkunapa kachasqanmi Jerusalén llaqtaman rirqaku, chaymi Fenicia lawninta hinaspa Samaria lawninta rispanku, mana judío kaqkunapas Diosman iñikusqankuta willakurqaku. Hinaptinmi lliw iñiqkuna chay willakuywan llumpayta kusikurqaku.

Hechos 17:10

Iñiqkunañataqmi, chay tutalla Pablotawan Silasta Berea llaqtaman ayqechirqaku. Berea llaqtaman chayaruspankum judiokunapa sinagoganman yaykurqaku.

Hechos 20:36

Chaykunata Pablo rimaruspanmi qonqorakuykuspan paykunawan kuska Diosta mañakurqa.

Hechos 20:38

hinaspam “manañam huktawanqa rikuwankichikñachu” nisqanwan llumpay llakisqallaña karqaku. Chaymantam barcopa kasqankama compañarqaku.

Hechos 9:40

Pedroñataqmi chaypi kaqkunata lloqsirachispan, qonqorakuspan Diosta mañakurqa, hinaspam chay wañusqa warmita qawarispan nirqa: Tabita, hatariy, nispa. Chaymi Tabita qawarikururqa, hinas-panmi Pedrota rikuruspan tiyarirurqa.

Josué 24:15

Sichum Tayta Dios serviyta mana munaspaykichikqa, kunanpuni akllakuychik pim servinaykichikta: ¿Eufrates mayupa waklaw chimpanpi kachkaspankuraq taytaykichikkunapa yupaychasqan idolokunatachu icha kay yachasqaykichik allpapi kaq amorreokunapa yupaychasqanku idolokunatachu servinkichik? Ñoqam ichaqa aylluykunawan kuska Tayta Diosllata servisaqku, nispa.

Josué 8:35

Moisespa kamachisqan kaqkunataqa lliwtam Josué leerqa. Chaykunataqa leerqa llapallan Israel castakunapa qayllanpim, qarikunapa, warmikunapa, warmakunapa hinaspa paykunawan yachaq huklaw llaqtayuqkunapa qayllanpim.