Hechos 21:14 - CHUYA QELLQA La Biblia en Quechua de Ayacucho 2012

¹⁴ Mana imayna harkayta atispaykum, “Señorpa munasqanyá ruwasqa kachun” nispayku upallakurqanikuña.

Quechua Ayacucho Bible 1987

¹⁴ Mana imayna harkayta atispaykum upallakurqanikuña: —Señorpa munasqanyá rurasqa kachun —nispa.

Chuya Qellqa 1992

¹⁴ Mana imayna harkayta atispaykum, “Señorpa munasqanyá ruwasqa kachun” nispayku upallakurqanikuña.

Hechos 21:14 Iomraidhean Croise

Génesis 43:14

Tukuy Atiyniyuq Diosyá chay runapa sonqonman qamkunapaq llakipayakuyta churaykuchun, chaynapi Simeontawan Benjaminta kacharimunanpaq. Churiykunata qechuruwaptinqa imanasaqtaq, mana churiyuqñachiki qepasaq, nispa.

2~Reyes 20:19

Chaymi Isaiasta rey Ezequías nirqa: Tayta Diospa nisqanta willawasqaykiqa allinpunim. Kaytam yuyaymanachkarqani: Kawsanaykamaqa hawkalla hinaspa allinllam kawsasaq, nispay.

Mateo 26:39

Hinaspanmi waklawniqman pasaspan pampakama kumuykuspan kaynata mañakurqa: Taytalláy, atina kaptinqa ñoqamantayá qechuruy kay ñakariyta, ichaqa amayá ñoqapa munasqaychu ruwasqa kachun, aswanqa qampa munasqaykiyá, nispa.

Mateo 26:42

Huktawan kutispanmi kaynata mañakurqa: Taytalláy, sichum ñakarinay kaptinqa, qampa munasqaykiyá ruwasqa kachun, nispa.

Mateo 6:10

munaychakuyniki hamuchun, munasqayki ruwasqa kachun kay pachapi, imaynam hanaq pachapi hina.

Lucas 11:2

Chaymi Jesusñataq nirqa: Diosta mañakuspaqa kaynatam ninkichik: Hanaq pachapi kaq Taytayku, sutiki hatunchasqa kachun, munaychakuyniki hamuchun, munasqayki ruwasqa kachun, kay pachapi chaynataq hanaq pachapipas.

Lucas 22:42

Taytáy, munaspaykiqa kay ñakariymantayá libraykuway, ichaqa amayá ñoqapa munasqaychu kachun, aswanqa qampa munasqaykiyá, nispa.

Rutwan Sutichasqa Libro 1:18

Rut mana imaraykupas rakikuyta munaptinmi, Noemiyqa chayta qawaykuspa manaña hikutarqañachu.

1~Samuel 3:18

Hinaptinmi Samuelqa Tayta Diospa imam nisqanta lliwta willarqa. Eliyña-taqmi nirqa: ¡Payqa Diosmi! ¡Imam munasqanman hina ruwachun! nispa.