Hechos 20:6 - CHUYA QELLQA La Biblia en Quechua de Ayacucho 2012

⁶ Ñoqaykuñataqmi mana levadurayuq tanta fiesta pasaruptin, Filipos llaqtamanta barcopi lloqsirqaniku, hinaspam pichqa punchawmantaña paykunata Troas llaqtapi hayparqaniku, hinaspaykum qanchis punchawraq chaypi qeparqaniku.

Quechua Ayacucho Bible 1987

⁶ Mana Qonchuyoq Tanta Fiesta punchawkuna pasaruptinñam Filipos llaqtamanta lloqsirqaniku buquepi, pichqa punchawmantañam paykunata hayparqaniku Troas llaqtapi hinaspaykum qanchis punchawraq chaypi quedarqaniku.

Chuya Qellqa 1992

⁶ Ñoqaykuñataqmi mana levadurayuq tanta fiesta pasaruptin, Filipos llaqtamanta barcopi lloqsirqaniku, hinaspam pichqa punchawmantaña paykunata Troas llaqtapi hayparqaniku, hinaspaykum qanchis punchawraq chaypi qeparqaniku.

Hechos 20:6 Iomraidhean Croise

Éxodo 23:15

Mana levadurayuq Tanta fiestatam ruwanki. Kamachisqayman hinam qanchis punchawpuni mana levadurayuq tantata mikunki. Chay fiestataqa Abib killapim ruwanki, chay killapim Egipto nacionmanta lloqsimurqanki. Mana imayuqqa amam pipas ñawpaqniyman asuykamunqachu.

Éxodo 34:18

Kamachisqayman hinam mana levadurayuq tanta fiestata ruwan-kichik, qanchis punchawmi mana levadurayuq tantata Abib sutiyuq killapi mikunkichik, chaytaqa ruwankichik chay killapi Egipto nacionmanta lloqsimusqaykichikraykum.

Hechos 12:3

Chaymi Judiokunapa gustonpaq kasqanta qawaspan Pedrotapas presocharurqa. Chayqa pasakurqa mana levadurayuq tantata mikunanku fiesta punchawpim.

Hechos 16:10

Chay visionta Pablo rikuruptinmi, chaypunilla allichakuyta qallaykurqaniku Macedonia lawman rinaykupaq, Diospa qayawasqankuta cheqappaq hapiykuspayku, chaypi runakunaman allin noticiata willakamunaykupaq.

Hechos 16:12

Chaymantam romanokunapa munaychakunan Filipos llaqtanman rirqaniku. Filipos llaqtaqa Macedonia lawpi wakin llaqtakunamantapas aswan reqsis-qam karqa. Chaypim achka punchawkuna karqaniku.

Hechos 16:8

Chaymi Misia lawllanta pasaspanku Troasman uraykurqaku.

Hechos 20:16

Chaynataqa ruwarqaniku Efesoman Pablo mana riyta munaptinmi chaynapi Asia lawpi mana tardanaykupaq. Jerusalén llaqtamanmi utqayman riyta munarqa atispaqa chaypi Pentecostés punchawpi kananpaq.

Hechos 20:5

Paykunam puntaruspanku Troas llaqtapiña suyawarqaku.

Hechos 21:4

Chay llaqtapi iñiqkunata tariruspaykum paykunawan qanchis punchaw qeparqaniku. Pablotam paykuna Chuya Espiritupa rimarichisqan nirqaku: Ama riychu Jerusalén llaqtamanqa, nispanku.

Hechos 21:8

Paqarinnintin punchawñataqmi Cesarea llaqtakama rirqaniku. Chaypim watukurqaniku evangelista Felipeta, payqa karqa Jerusalenpi ñawpaqtaraq akllasqanku qanchis diaconokunapa hukninmi. Paypa wasinpim samakurqaniku.

Hechos 28:14

Chaypim wakin iñiqmasinchikkunata tarirqaniku, hinaptinmi ruegawarqaku huk semana paykunawan kanaykupaq. Chayñam Roma llaqtaman chayarqaniku.

Filipenses 1:1

Jesucristo serviq ñoqa Pablom Timoteopiwan qellqamuykiku Filipos llaqtapi kaq llapallan iñiqkunaman, michiqkunaman hinaspa diaconokunaman, qamkunaqa Jesucristollapaqña sapaqchasqam kachkankichik.

1~Tesalonicenses 2:2

Yachan-kichiktaqmi Filipos llaqtapi kamisqa, ñakarichisqa kachkaptiykupas Dios-ninchik kallpanchawasqankutapas, chay-mi mana manchakuspayku Diosmanta allin noticiata willarqaykiku, willarqaykikum achkallaña runakuna contraykupi sayarichkaptinkupas.

2~Timoteo 4:13

Hamuspaykiqa Troas llaqtapi Carpopa wasinpi saqeramusqay capallayta aparikamullaway, aparikamuwaytaqyá wankusqa qellqaykunatapas, aswantaqa pergaminoykunata.