Hechos 2:5 - CHUYA QELLQA La Biblia en Quechua de Ayacucho 2012

⁵ Jerusalén llaqtapim kachkarqaku karumanta hamuq judiokuna, paykunam lliw nacionkunamanta hamurqaku Diosta yupaychanankupaq.

Quechua Ayacucho Bible 1987

⁵ Jerusalen llaqtapim kachkarqaku karumanta hamuq judio runakuna, paykunam lliw nacionkunamanta chayamurqaku Diosta yupaychanankupaq.

Chuya Qellqa 1992

⁵ Jerusalén llaqtapim kachkarqaku karumanta hamuq judiokuna, paykunam lliw nacionkunamanta hamurqaku Diosta yupaychanankupaq.

Hechos 2:5 Iomraidhean Croise

Éxodo 23:16

Cosecha qallariy fiestatapas chaynataq cosecha tukuy fiestatapas ruwankim, chaytaqa sapa watam cosecha tukuyta ruwanki.

Isaías 66:18

Ñoqaqa yachanim mana allinkuna ruwasqankuta, hinaspa yuyaymanasqankutapas. Chayraykum hamuspay llapa nacionkunata huñusaq, tukuy rikchaq rimayniyuq runakunatam huñusaq, paykunam hamuspa atiyniyta qawanqaku.

Zacarías 8:18

Tukuy Atiyniyuq Tayta Diosmi nin:

Mateo 24:14

Diospa munaychakuyninmanta allin noticiam lliw kay pachapi willakusqa kanqa, chaynapi lliw runa yachananpaq, hinaptinñam tukupayqa hamunqa.

Lucas 17:24

Imaynam llipyay tukuy hinastinman kancharin, chaynam runapa Churinpa punchawninpas kanqa.

Lucas 2:25

Jerusalenpim Simeón sutiyuq runa yacharqa, payqa allin kaqkunata ruwaspa kuyapayakuq runam karqa. Paymi Israel nación salvasqa kananta suyachkarqa. Payqa Chuya Espiritupa huntasqanmi karqa.

Lucas 24:18

Hinaptinmi paykunamanta huknin, Cleofas sutiyuq nirqa: ¿Qamllachu Jerusalenpi samapakuqkunamanta chay llaqtapi imakunam kay punchawkunapi pasakusqanmanta mana imatapas yachaq kachkanki? nispan.

Juan 12:20

Pascua fiestaman riqkunam karqa wakiqnin Grecia nacionmanta kaqkuna.

Hechos 10:2

Cornelioqa wasinpi llapallan kaqkunapiwanmi Diosta kasukuspa serviqku, wakcha judiokunatapas achka qollqewanmi yanapaq, hinaspanmi Diosta tukuy tiempo mañakuq.

Hechos 10:7

Chay rimapayaqnin ángel lloqsiruptillanmi, Cornelio qayarqa iskay serviqninkunatawan huk soldadonta. Chay soldadoqa karqa Dios yupaychaq, hinaspa Corneliopa confianzanmi.

Hechos 13:50

Ichaqa llapa judiokunam Diosta yupaychaq hinaspa ancha reqsisqa warmikunatawan autoridadkunata umachaspanku, Pablopa hinaspa Bernabeypa contranpi hatarirachirqaku, hinaspam llaqtankumanta qarqorurqaku.

Hechos 2:1

Pentecostés fiesta chayaramuptinmi lliw iñiqkuna huñunasqa kachkarqaku.

Hechos 22:12

Chaypim yacharqa Ananías sutiyuq runa. Payqa karqa Moisespa leynin kasukuqmi. Chayraykum Damascopi yachaq lliw judiokunapas paytaqa respetaqku.

Hechos 8:2

Hinaptinmi allin sonqoyuq runakuna Estebanta pamparurqaku, hinaspam paymanta llumpayta waqarqaku.

Hechos 8:27

Felipeñataqmi rispan ñanpi tuparurqa Etiopía nacionniyuq eunucowan. Payqa karqa Etiopía nacionpi Candace sutiyuq reinapa qollqen waqaychaqmi. Paymi Diosta yupaychananpaq Jerusalenta rirqa.

Deuteronomio 2:25

Kunanmantapunim kay pachapi runakunata mancharichiyta qallarisaq. Qamkunamanta rimaqta uyarispankum mancharikuymanta katkatataspa qewipakunqaku”, nispa.

Colosenses 1:23

Ichaqa chayna kanaykichikpaqqa qaqa hinayá iñiynikichikpi sayaychik ama iskayrayaspa, salvakunaykichikpaq allin noticia uyarisqaykichikman hapipakuspa. Kay allin noticiaqa willakusqa kachkan kay pachapi llapallan runakunamanmi, chayta willakunaypaqmi ñoqa Pablopas churasqa karqani.