Hechos 2:46 - CHUYA QELLQA La Biblia en Quechua de Ayacucho 2012

⁴⁶ Sapa punchawmi templopi huk sonqolla huñunakuqku, wasin-wasin huñunakuspam hatun kusikuywan mikuyta mikuqku, tantatapas partinakuspankum mikuqku.

Quechua Ayacucho Bible 1987

⁴⁶ Sapa punchawmi templopi huk sonqolla huñunakuqku, wasin-wasin huñunakuspam tantata partinakuqku hinaspam hatun kusikuywan allin sonqolla kuska mikuqku.

Chuya Qellqa 1992

⁴⁶ Sapa punchawmi templopi huk sonqolla huñunakuqku, wasin-wasin huñunakuspam hatun kusikuywan mikuyta mikuqku, tantatapas partinakuspankum mikuqku.

Hechos 2:46 Iomraidhean Croise

Nehemías 8:10

Chaymantam Esdras nirqa: Rispaykichikyá allinnin mikuykunata mikuspa miskin vinota tomamuychik, hinaspayá mana mikunayuq kaqkunamanpas apachiychik. Kunan punchawqa Señorninchikpaq sapaqchasqa punchawmi. Ama llakikuychikchu, Tayta Diospa kusikuyninmi kallpanchikqa, nispa.

Eclesiastés 9:7

Chaynaqa, tanta mikusqaykiwan, vino upyasqaykiwanyá kusikuy, ruwaynikikuna Diospa munasqanpaq hina kasqanrayku.

Mateo 6:22

Ñawiqa cuerpopa achkiyninmi. Sichum ñawiki allin kaptinqa kawsakuynikipas achkiwan huntasqam kanqa.

Lucas 11:41

Kapusuqnikichikmantayá limosnatapas qoychik, chaynapi tukuy imapas limpio kapusunaykichikpaq.

Lucas 24:30

Mesaman tiyaykuptinkum, tan-tata hapiykuspan Diosman graciasta qorqa, hinaspanmi pakiykuspan qoykarirqa.

Lucas 24:53

Hinaspankum templopi tukuy tiempo kaspanku Diosta yupaycharqaku.

Hechos 16:34

Chaymantam wasinman pusaspan mikuy-ta convidarqa, hinaspam Diosman iñikus-qankumanta wasinpi llapallan ayllunkunapiwan llumpayta kusikurqaku.

Hechos 2:42

Paykunam apostolkunapa yachachikuyninpi takyarqaku, kapuqninkuwanmi yanapanakuqku, huk sonqollam tantatapas partenakuqku, Dios mañakuypipas hukllam karqaku.

Hechos 20:7

Semanapa qallariynin domingo punchawtam, tantata partenakunankupaq llapa iñiqkuna huñunakurqaku, hinaptinmi Pablo yachachirqa. Ichaqa paqarinnintillan pasakunan kasqanraykum chawpi tutakama yachachirqa.

Hechos 3:1

Huk punchawmi kimsa hora tardeykuyta, Dios mañakuna horata, Pedrowan Juan temploman rirqaku.

Hechos 5:21

Chaymi achikyaruptillan temploman rispanku yachachirqaku. Sumo sacerdoteñataqmi paywan kaqkunapiwan, cortepi kaqkunapiwan huñunakunankupaq qayachirqaku Israel castakunapi lliw kamachikuqkunata. Hinaspam apostolkunata car-celmanta hurqomunankupaq kacharqaku.

Hechos 5:42

Mana samaykuspankum templopipas, wasikunapipas sapa punchaw, Jesucristomanta willakuspa yachachiqku.

Romanos 12:8

Kallpanchanapaq qowaptinchikqa, kallpanchasunyá, imallapas qokuykuq kayta qowaptinchikqa, qokuykuqyá kasun, kamachikuq kanapaq qowaptinchikqa, llampu sonqowanyá kamachikusun, llakipayakuq kayta qowaptinchikqa kusikuywanyá yanapaykusun.

1~Corintios 10:16

Señorpa cenanta tomaspa Diosman graciasta qospanchikqa ¿Manachu Cristopa yawarninman hukllawakuchkanchik? Tantata pakispanchikpas ¿Manachu Cristopa cuerponman hukllawakuchkanchik?

2~Corintios 1:12

Kaywanmi kusisqa kachkaniku, ñoqaykuqa kay pachapipas chaynataq qayllaykichikpipas allintam kawsarqaniku. Diosmi yanapawarqaku mana engañakuspa payllapaqña kawsanaykupaq, chaynataqa kawsarqaniku manam yachayniyuq kasqaykuraykuchu.

2~Corintios 11:3

Ichaqa engañasqa kanaykichikmantam manchakuchkani, maqta urum sakrillaña kasqanrayku Evata engañarurqa, chaynam qamkunapas Cristoman chuya sonqo kasqaykichikmanta pantachisqa kawaqchik.

Efesios 6:5

Esclavokuna, qamkunapas kay pachapi patronnikichiktayá respetowan hinaspa manchakuywan kasukuychik, imaynam Cristota servichkaq hinayá tukuy sonqowan kasukuychik.

Deuteronomio 12:12

Hinaspam Señornikichik Tayta Diospa qayllanpi churikichikkunawan, serviqnikichikkunawan, llaq-taykichikpi yachaq levitakunapiwan fiestata ruwankichik, levitakunaqa manam qamkuna hinachu chakrakunata chaskinqaku.

Deuteronomio 12:7

Hinaspam chay sitiopi Señornikichik Tayta Diospa qayllanpi mikunkichik, hinaspam llamkasqaykichikpa rurun kasqanrayku aylluykichikwan kuska kusikunkichik, chaykunawanmi Señornikichik Tayta Dios bendecisurqankichik.

Deuteronomio 16:11

Señornikichik Tayta Diospa qayllanpim hatun fiestata ruwaspa churikichikkunawan, criadoykichikkunawan, criadaykichikkunawan, llaqtaykichikpi yachaq levitakunawan, huklaw llaqtayuqkunawan, mana tayta-mamayuqkunawan hinaspa viudakunawan kuska kusikunkichik. Chaytaqa Señornikichik Tayta Diospa akllasqan sitiopim ruwankichik.

Colosenses 3:22

Esclavokuna, kay pachapi patronnikichikta imapipas kasukuychik, amayá qawasuptillaykichikchu allintaqa ruwaychik, aswanqa Señorta manchakuspayá tukuy sonqowan kasukuychik.