Hechos 2:43 - CHUYA QELLQA La Biblia en Quechua de Ayacucho 2012

⁴³ Apostolkunapa hatun milagrokuna hinaspa señalkuna ruwasqankuwanmi, llapa runakuna admirakuspa mancharisqallaña karqaku.

Quechua Ayacucho Bible 1987

⁴³ *f**Apostolkunam Diospa atiyninta qawachispa admirakuypaq *f**milagrokunata rurarqaku chaymi lliw runakuna admirasqallaña karqaku.

Chuya Qellqa 1992

⁴³ Apostolkunapa hatun milagrokuna hinaspa señalkuna ruwasqankuwanmi, llapa runakuna admirakuspa mancharisqallaña karqaku.

Hechos 2:43 Iomraidhean Croise

Ester 8:17

Reypa kamachikusqan decreto chayasqan provinciakunapiwan llaqtakunapim, llapa judiokuna anchallataña kusikuspanku convidokunata hinaspa fiestakunata ruwarqaku. Huklaw llaqtayuq runakunapas judiokunata manchakusqankuraykum judío kaymanña tikrakurqaku.

Jeremías 33:9

Jerusalén llaqtam kusikunay llaqta kanqa, kay pachapi nacionkunapa hatunchakunan hinaspa ancha reqsisqa kanan llaqtam kanqa. Jerusalén llaqtapi yachaqkunapaq tukuy allinkunata ruwaspay hawkayaypi kawsachisqayta uyarispankum chay nacionkuna manchakuspa katkatatanqaku, nispa.

Oseas 3:5

Chaymantam Israelpa mirayninkuna kutirimuspanku Tayta Diosninkuta chaynataq reyninku Davidtapas maskanqaku. Tukupay punchawkunapiqa Tayta Diostam manchakunqaku, bendicionninkunatapas kuyakuywanmi chaskikunqaku.

Marcos 16:17

Ñoqapi iñiqkunam kaykunata ruwanqaku: Sutiypim demoniokunata qarqonqaku, musoq rimaykunatam rimanqaku,

Lucas 7:16

Chaypi kaqkunañataqmi llumpayta mancharikurqaku, chaymi Diosta kaynata nispa yupaycharqaku: Chawpinchikpim hatun profeta hatarirun. Diosmi yanapaykunanpaq llaqtanta watukaykamun, nispanku.

Lucas 8:37

Chaymi Gadara lawpi runakuna mancharikuspanku Jesusta ruegarqaku, paykunapa kasqanmanta huklawman pasakunanpaq. Hinaptinmi Jesusqa barcaman qespiykuspan pasakurqa.

Juan 14:12

Cheqaptapunim nikichik, ñoqapi creeqqa ruwanqam ñoqapa ruwasqaykunata, payqa ñoqapa ruwasqaymantapas aswan hatun kaqkunataraqmi ruwanqa, chaynataqa ruwanqa Taytamanña risqayraykum.

Hechos 2:22

Israelpa mirayninkuna, uyariwaychik: Yachasqaykichikpi hinapas, Diosmi qamkuna ukupi Nazaretmanta kaq Jesuspa atiyninta qawachirqa, paynintakama admirakuypaq milagrokunata hinaspa señalkunata ruwaspan.

Hechos 4:33

Apostolkunam aswan atiywanraq willakurqaku Jesucristopa kawsarimusqanmanta, chaymi llapallankuta llumpayta Dios yanaparqa.

Hechos 5:5

Chayta uyariruspanmi Ananías pampaman wichiykuspa wañururqa. Chaymi llapallan uyariqkuna anchallataña mancharikururqaku.

Hechos 9:34

Hinaptinmi Pedro nirqa: Eneas, Jesucristom sanoyarachisunki, hatarispayki camaykita hoqariy, nispa. Chaymi Eneasqa chaylla hatarirurqa.

Hechos 9:40

Pedroñataqmi chaypi kaqkunata lloqsirachispan, qonqorakuspan Diosta mañakurqa, hinaspam chay wañusqa warmita qawarispan nirqa: Tabita, hatariy, nispa. Chaymi Tabita qawarikururqa, hinas-panmi Pedrota rikuruspan tiyarirurqa.