Hechos 2:39 - CHUYA QELLQA La Biblia en Quechua de Ayacucho 2012

³⁹ Kay promesaqa qamkunapaqwan, miraynikichikkunapaq, llapallan karu llaqtapi kaqkunapaq hinaspa Señorninchik Diospa munasqanman hina lliw qayas-qakunapaqwanmi.

Quechua Ayacucho Bible 1987

³⁹ Kay promesaqa qamkunapaqwan miraynikichikkunapaqmi chaynataq karupi lliw kaqkunapaqwan Señor Diosninchikpa munasqanman hina lliw qayasqakunapaqmi.

Chuya Qellqa 1992

³⁹ Kay promesaqa qamkunapaqwan, miraynikichikkunapaq, llapallan karu llaqtapi kaqkunapaq hinaspa Señorninchik Diospa munasqanman hina lliw qayasqakunapaqwanmi.

Hechos 2:39 Iomraidhean Croise

Isaías 44:3

Ñoqam chakisqa allpakunaman yakuta chaqchumusaq, chaki allpakunapipas mayukunatam kallpachisaq. Miraynikikunamanmi Espirituyta chaqchurimusaq, qamkunamanta naceqkunatam bendicionniywan huntasaq.

Isaías 54:13

Churikikunatapas ñoqa Tayta Diosmi yachachisaq, paykunaqa hawkayaypim mana tukuyta kawsakunqaku.

Isaías 57:19

Ñoqa Tayta Diosmi llapallankuta rimachisaq: “Karupi kaqkunapas, hichpapi kaqkunapas hawkallayá kachunku”, nispa. Llaqtaytaqa ñoqam hampisaq.

Isaías 59:19

Intipa qespimunan lawpi kaqkunam Tayta Diosta manchakunqaku, intipa seqaykunan lawpi kaqkunam atiyninta hatunchanqaku. Payqa lloqlla hinaraqmi hamunqa, Diospa pukuyninpa kallpachimusqan mayu hinaraqmi hamunqa.

Isaías 59:20

Tayta Diosmi kaynata nin: Sión llaqtapa libraqninmi hamunqa, Jacobpa mirayninmanta wanakuqkunata libraqmi hamunqa, nispa.

Isaías 65:23

Llamkasqankupas manam yanqapaqchu kanqa, churinkupas manam chayllaqa wañunqakuchu, paykunapas chaynataq mirayninkupas, Tayta Diospa bendecisqan miraykunam kanqaku.

Ezequiel 37:25

Paykunaqa serviqniy Jacobman qosqay allpapiñam yachanqaku. Chaypim ñawpaq taytankupas yacharqaku, chaypitaqmi paykunapas, churinkunapas hinaspa mirayninkunapas wiñaypaq yachanqaku. Serviqniy Davidñataqmi wiñaypaq kamachiqninku kanqa.

Joel 2:28

Chaykunapa qepantam llapa runakunaman Espirituyta chaqchurimusaq; churikichikkunam qaripas warmipas profetizanqaku, yuyaqkunam mosqonqaku, jovenkunawan sipaskunapas visionkunatam rikunqaku.

Joel 2:32

Pipas Diosninpaq chaskiykuwaqniytam ichaqa salvaykusaq; nisqayman hinam Sión moqopiwan Jerusalén llaqtapiqa salvakunqaku, akllakusqaykunawan kuskam salvakunqaku.

Hechos 10:45

Hinaptinmi Pedrowan hamuq iñiq judiokuna llumpayta admirakurqaku, mana judío kachkaptinkupas Chuya Espiritupa atiynin huntaykusqanmanta.

Hechos 14:27

Antioquiaman chayaruspankum llapa iñiqkunata huñururqaku, hinaspam willakurqaku payninkunatakama Diospa tukuy ima ruwamusqanta, chaynataq mana judío kaqkunamanpas iñikunankupaq punkuta Dios kichaykusqanmanta.

Hechos 15:14

Simón Pedrom willawarqanchik mana judío kaqkunamanpas Dios watukuykusqanta, chaynapi paykunamantapas runankunata akllaykunanpaq.

Hechos 15:3

Antioquía llaqtapi kaq iñiqkunapa kachasqanmi Jerusalén llaqtaman rirqaku, chaymi Fenicia lawninta hinaspa Samaria lawninta rispanku, mana judío kaqkunapas Diosman iñikusqankuta willakurqaku. Hinaptinmi lliw iñiqkuna chay willakuywan llumpayta kusikurqaku.

Hechos 15:8

Llapa runakunapa sonqon reqsiq Diosmi paykunamanpas Chuya Espiritunta qorqa ñoqanchikman hina, chaynapim qawachiwarqanchik paykunatapas chaskisqanta.

Romanos 11:29

Diosqa kuyakuynin qowasqanchiktaqa manam kutichikunmanchu, nitaqmi qayakuynintapas qechuwachwanchu.

Romanos 8:30

Ñawpaqmantaraq akllasqankunatam qayaykun, qayasqankunatañataqmi mana huchayuqtaña ruwaykun; mana huchayuqtaña ruwasqankunatañataqmi hatunchaykun.

Romanos 9:24

Chaynatam Dios qayaykuwarqanchik, wakiqninchikta judiokunamanta wakiqninchiktañataq mana judío kaqkunamanta.

Romanos 9:4

Paykunaqa Diospa churichakuykusqan Israelpa mirayninkunam. Diosmi hatu-hatun sumaq kayninta paykunaman qawachirqa, hinaspam pactota ruwarqa, leytawan promesankunata qospanmi imaynam yupaychanankupaq yachachirqa.

1~Corintios 7:14

Diospi mana iñiq qosaqa, Diospi iñiq warminraykum Diospaq sapaqchasqa, chaynataqmi Diospi mana iñiq warmipas Diospi iñiq qosanrayku Diospaq sapaqchasqa. Mana chayna kaptinqa wawa-churinkunachá Diospi mana iñiqkunapa churinkuna hina kanman, chaynapim Diospaq sapaqchasqaña kachkanku.

Efesios 1:18

Mañakuchkanitaqmi yuyayma-naynikichikta Diospuni kanchaykunanpaq, chaynapi qayasusqaykichikrayku confianzawan suyasqaykichikta yachanaykichikpaq hinaspa Diosllapaqña kawsaqkunawan chay kancharichkaq qosusqaykichik herenciamanta yachanaykichikpaq.

Efesios 2:12

Chay tiempokunapiqa Cristomanta karunchasqa kaspam Israel ayllumantapas rakisqa karqankichik, manam yacharqankichikchu pactota ruwaspan Diospa prometekusqantapas. Kay pachapim mana Diosniyuq hinaspa mana paypi suyaspa kawsarqankichik.

Efesios 4:4

Cuerpoqa hukllam, hukllataqmi Espiritupas, Diosqa huk sonqolla suyanaykichikpaqmi qayasurqankichik.

Deuteronomio 29:15

aswanqa imaynam qamkunawan ruwasqanta hinam miraynikichikkunawanpas ruwan.

2~Tesalonicenses 1:11

Chayraykum tukuy tiempo qamkunapaq Diosta mañapuykiku. Diosninchikyá allinpaq hapisuspaykichik qayasusqaykichik-man hina, atiyninwan tukuy allin munasqaykichikta cumplichun, cumplichuntaqyá iñiynikichikwan llamkasqaykichikpipas.

2~Timoteo 1:9

Diosmi salvawaspanchik chuya llaqtan kananchikpaq sapaqchawarqanchik, manam chayqa imapas allin ruwasqanchikraykuchu, aswanqa munasqanman hinallam hinaspa kay pachapas manaraq unanchasqa kachkaptin Cristo Jesusnintakama kuyawasqanchikraykullam.

Hebreos 3:1

Wawqe-panillaykuna, qamkunaqa kachkankichik Diospaq sapaq-chasqam chaynataq hanaq pachapi huñunasqa kanaykichikpaq qayasqam, chaynaqa Diospa kachamusqan sacerdotekunapa kamachiqnin chaskisqanchik Jesucristopiyá yuyaymanaychik.

Hebreos 9:15

Chayraykum Jesucristontakama Dioswan musoq pactoman yaykunchik, paypa wañusqanwanmi punta kaq pactopi kaspa huchallikusqanchikmanta pampachasqa kanchik, chaynapi haykam akllasqakunaqa wiñaypaq herencia prometesqankunata chaskinanchikpaq.

1~Pedro 5:10

Pisi tiempollapas chaykunata ñakariruptikichikqa kikin Diosmi mana chikan huchayuq kayman chayachisunkichik, qaqa hina sayaqta, kallpayuqta hinaspa allin takyaqta. Tukuy imapi yanapawaqninchik Diosmi Cristontakama qayaykuwanchik wiña-wiñaypaq kancharichkaq herenciata chaskinanchikpaq.

2~Pedro 1:10

Wawqe-panillaykuna, sichum Dios qayasurqankichik hinaspa akllasurqankichik, hinaptinqa qaqa hinayá sayaychik. Chaynata ruwaspaykichikqa manam haykapipas wichinkichikchu.

2~Pedro 1:3

Diosmi atiyninwan tukuy ima munasqanchikta kawsananchikpaq hinaspa servinanchikpaq qowarqanchik. Chaytaqa qowarqanchik hatun atiyninwan sumaq sonqo kayninwan pim qayawaqninchikta reqsichiwananchikpaqmi.

Apocalipsis 17:14

Corderowan peleaptinkum Cordero vencerunqa, payqa señorkunapa Señorninmi, reykunapa Reyninmi. Paywan kaqkunaqa Diospa akllasqankunam hinaspa qayasqankunam, paykunaqa qaqa hinam sayachkanku, nispa.

Apocalipsis 19:9

Angelñataqmi niwarqa: Kayta qellqay: “Mayna kusisqam Corderopa casarakuyninman qayasqakunaqa”, nispa. Angelqa niwarqataqmi: “Kaykunaqa Diospa cheqap rimarisqankunam”, nispapas.