Hechos 2:3 - CHUYA QELLQA La Biblia en Quechua de Ayacucho 2012

³ Hinaptinmi sapakamapa umankupa hawanman nina hina lenwachkaq tiyaykurqa.

Quechua Ayacucho Bible 1987

³ Hinaptinmi sapakamapaq nina hina lenguachkaq umankupa hawanpi rikuriramurqa.

Chuya Qellqa 1992

³ Hinaptinmi sapakamapa umankupa hawanman nina hina lenwachkaq tiyaykurqa.

Hechos 2:3 Iomraidhean Croise

Génesis 11:6

Chaymi Tayta Dios nirqa: Kay runakunaqa hukllam kachkanku, rimayninkupas hukllataqmi, chayraykum kay ruway qallarisqankutaqa mana imapas sayachiyta atinmanchu.

Isaías 6:5

Hinaptinmi nirqani: ¡Ay, imaynaraq kasaq! Kunanqa wañurusaqchá. Mana allin rimaq runa kachkaspaymi, mana allin rimaq runakunawan yachachkaspaymi, Tukuy Atiyniyuq Tayta Diosta rikuruni, nispay.

Jeremías 23:29

Palabrayqa nina hinam, rimasqayqa qaqa rumipas ñutuq martillo hinam. Ñoqa Tayta Diosmi chaynata nini.

Mateo 3:11

Ñoqaqa huchaykichikmanta wanakuptikichikmi yakuwan bautizaykichik, qepay hamuqmi ichaqa Chuya Espirituwan chaynataq ninawan bautizasunkichik, payqa ñoqamantapas aswan atiyniyuqmi, ñoqaqa manam usutallantapas apaq hinachu kani.

Mateo 3:15

Jesusñataqmi nirqa: Kunanqa chaynatam ruwanayki, chaynapim Diospa nisqanta cumplisunchik, nispan. Chayñam Juan bautizarqa.

Lucas 24:32

Paykunañataqmi kaynata ninakurqaku: ¿Manachum sonqonchikpas ruparirqaraq ñanpi rimapayawaspanchik Qellqapa imam nisqanta entiendechiwaptinchik? nispanku.

Hechos 1:15

Huk punchaw yaqa pachak iskay chunka iñiqkuna huñunasqa kachkaptinkum sayariykuspa Pedro nirqa:

Hechos 2:11

Kachkankutaqmi Cretamanta hinaspa Arabia lawmanta kaqkunapas. Kaynaña kachkaptinchikpas sapakamapa rimayninchikpim Diospa admirakuypaq ruwasqankunamanta uyarichkanchik, nispanku.

Hechos 2:2

Hinaptinmi qonqayllamanta cielomanta qapariyllawanña wayra hina hamuqta uyarirurqaku, chaymi tiyasqanku wasitapas qapariyninwan huntariykurqa.

Hechos 2:4

Llapallankuman Chuya Espíritu huntaykuptinmi mana yachasqanku rimaykunapi rimayta qallaykurqaku Chuya Espiritupa rimachisqanman hina.

1~Corintios 12:10

wakinmanñataq milagrokuna ruwananpaq, wakinmanñataqmi pro-fetizananpaq, wakinmanñataq espiritukunata reqsinanpaq, wakinmanñataq mana reqsisqa rimaykunata rimananpaq, wakinmanñataq chay rimaykuna uya-risqanta interpretananpaq.

Santiago 3:6

Qallunchikpas chay nina hinam, tukuy mana allinkunata rimaspan llapallan cuerponchiktaña huchallichiwanchik. Infiernopa ratachisqan nina hinam tukuy kawsayninchikta huchallichin.

Apocalipsis 11:3

Ñoqañataqmi iskay testigoykunata kachasaq, chaynapi qachqa pachawan hinakuykuspanku waranqa iskay pachak soqta chunka punchaw ñoqamanta willakamunankupaq, nispa.

Apocalipsis 14:6

Rikurqanitaqmi huk angeltapas cielopa chawpinta pawachkaqta, paymi wiñaypaq kaq allin noticiata apachkasqa kay pachapi llapallan runakunaman, nacionkunaman, ayllukunaman, tukuy rikchaq rimayniyuqkunaman hinaspa llaqtakunaman.