Hechos 2:10 - CHUYA QELLQA La Biblia en Quechua de Ayacucho 2012

¹⁰ Frigiamanta, Panfiliamanta, Egipto-manta, Cirenepa waklawnin Africamanta. Kachkantaqmi kaypi yachaq Roma llaqtayuq runakunapas. Wakinmi nacesqankumanta judío kanku, wakinñataqmi judiokunapa religionninman tikrakuqkuna.

Quechua Ayacucho Bible 1987

¹⁰ Frigiamanta, Panfiliamanta, Egiptomanta, Cirenepa waklawnin Africamanta. Kachkanchiktaqmi kaypi *f**yachaq Roma llaqtayoq runakunapas. Wakinmi nacesqankumanta judio kanku, wakinñataqmi judiokunapa religionninman tikrakuqkuna.

Chuya Qellqa 1992

¹⁰ Frigiamanta, Panfiliamanta, Egiptomanta, Cirenepa waklawnin Africamanta. Kachkantaqmi kaypi yachaq Roma llaqtayuq runakunapas. Wakinmi nacesqankumanta judío kanku, wakinñataqmi judiokunapa religionninman tikrakuqkuna.

Hechos 2:10 Iomraidhean Croise

Génesis 12:10

Canaán allpapi yachachkaptinmi llumpay muchuy karqa, chayraykum Egipto nacionman Abram ripukurqa chaypiña yachananpaq.

Ester 8:17

Reypa kamachikusqan decreto chayasqan provinciakunapiwan llaqtakunapim, llapa judiokuna anchallataña kusikuspanku convidokunata hinaspa fiestakunata ruwarqaku. Huklaw llaqtayuq runakunapas judiokunata manchakusqankuraykum judío kaymanña tikrakurqaku.

Jeremías 46:9

¡Silladakuna kallpaychik! ¡Carretakuna loco hinaña pawaychik! ¡Allinnin qari-qari runakuna lloqsiychik! Etiopía nacionniyuq, Fut nacionniyuq soldadokuna escudonkuta hapichunku, Lud nacionniyuq soldadokuna flechananku arcota alistachunku.

Jeremías 9:26

Judá naciontapas, Egiptotapas, Amontapas, Edomtapas, Moabtapas hinaspa rinrinkupa ñawpaqnin lawpi kaq chukchanku rutukuqkunatapas chaynataq chunniqpi yachaqkunatapas castiganaypaq. Chay nacionpi kaqkunaqa llapallankum qari kayninkupi mana señalasqa runakuna, Israelpa mirayninkunañataqmi sonqonkupi mana señalasqa runakuna.

Ezequiel 30:5

Etiopía, Fut, Lud, Arabia hinaspa Libia nacionniyuqkunam espadawan wañuchisqa kanqaku, paykunaman hukllawakuq nacionkunapas wañunqakum, nispayki.

Daniel 11:43

Egipto nacionpa qori-qollqenkunatapas chaynataq ancha valorniyuq kapuqninkunatapas apakunqam. Libia nacionwan Etiopía nacionpas paytam servinqaku.

Oseas 11:1

Tayta Diosmi kaynata nin: Warma kasqanmantam Israelta kuyarqani, churiytam Egipto nacionmanta qayamurqani.

Zacarías 8:20

Tukuy Atiyniyuq Tayta Diosmi kaynata nin: Achkallaña llaqtakunamantam llapa runakuna hamunqaku.

Zacarías 8:23

Tukuy Atiyniyuq Tayta Diosmi kaynata nin: Chay punchawkunapim, tukuy rikchaq rimayniyuq huklaw nacionkunamanta chunka runakuna, Judá nacionniyuq runata capanmanta hapipakuruspa ninqaku: “Qamkunawan riytam munaniku, qamkunawan Dios kasqantam uyariruniku”, nispanku.

Mateo 2:15

Chaypim yachamurqaku Herodes wañunankama. Kaykunam pasakurqa profetantakama Diospa kayna nisqan cumplikunanpaq. Paymi nirqa: “Churiytam Egipto nacionpi kachkaptin qayamurqani”, nispa.

Mateo 23:15

¡Iskay uya fariseokuna hinaspa Diospa leynin yachachiqkuna, imay-naraq kankichik! Qamkunam qatiq-nikichikta maskaspa tukuy hinastinpi purimunkichik, tariruspañataqmi qamkunamantapas iskay kuti mastaraq infiernopi castigasqa kananpaq ruwa-runkichik.

Mateo 27:32

Chaymanta lloqsispankum Cirene llaqtayuq Simonwan tuparurqaku, paytam hapiruspanku Jesuspa cruzninta hombrochirqaku.

Marcos 15:21

Cirene llaqtayuq Simonmi chakramanta hamuchkarqa, payqa karqa Alejandropawan Rufopa taytanmi. Simontam chayninta pasachkaqta soldadokuna hapiruspanku Jesuspa cruzninta hombrochirqaku.

Hechos 11:20

Ichaqa Chipre lawmantawan Cirene llaqtamantam wakin iñiqkuna Antioquía llaqtaman chayarurqaku, paykunam mana judío kaq runakunaman Señor Jesusmanta allin noticiata willakurqaku.

Hechos 13:1

Antioquiapi iñiqkunawanmi kachkarqa profetakunawan yacha-chiqkuna. Paykunam karqa Bernabé, Nigerwan sutichasqanku Simón, Cire-nemanta kaq Lucio, Herodeswan kuska uywasqa Manaén, hinaspa Saulo.

Hechos 13:13

Pablom riqmasinkunapiwan Pafosmanta barcopi lloqsispanku Panfilia lawpi Perge llaqtaman chayarurqaku. Juanñataqmi paykunamanta rakikuruspan Jerusalenman kutikurqa.

Hechos 13:43

Chay huñunakuyninku tukuruptinmi, achka judiokunawan judiokunapa religionninman iñikuqkuna, Pablotawan Bernabeyta qatirqaku, hinaptinmi paykunañataq Diospa kuyakuyninmanta ama karunchakunankupaq yachachirqaku.

Hechos 14:24

Pisidia lawninta pasaspankum Panfi-lia lawman chayarqaku.

Hechos 15:38

Pablopaqmi ichaqa mana allinpaq hinachu karqa, punta illayninkupi Panfilia lawmanta kutikuspa paykunawan mana-ña risqanrayku.

Hechos 16:6

Frigia lawninta hinaspa Galacia lawninta pasaruptinkum, Chuya Espíritu harkakururqa Asia lawpiqa ama willakunankupaq.

Hechos 17:21

Atenas runakunaqa chaynataq chaypi yachaq huklaw llaqtayuq runakunaqa musoq yachaykunata uyariyllapi otaq rimayllapim ocupakuqku.

Hechos 18:2

Chaypim Aquila sutiyuq judiowan tuparurqa, payqa Ponto law llaqtayuqmi karqa. Paymi warmin Priscilawan chayraq Italia lawmanta chayaramurqaku, Roma nacionmanta llapa judiokuna lloqsinankupaq emperador Claudio kamachikusqanrayku. Pablom paykuna watukuq rirqa.

Hechos 18:23

Chaypi tardarispanmi, huktawan pasaspan Galacia lawkunapi hinaspa Frigia lawkunapi purirqa llapa iñiqkunata kallpanchastin.

Hechos 2:11

Kachkankutaqmi Cretamanta hinaspa Arabia lawmanta kaqkunapas. Kaynaña kachkaptinchikpas sapakamapa rimayninchikpim Diospa admirakuypaq ruwasqankunamanta uyarichkanchik, nispanku.

Hechos 23:11

Chay tutam Pabloman Señor rikuriykuspan nirqa: Pablo kallpanchakuy, kay Jerusalén llaqtapi ñoqamanta willakusqaykita hinam Roma llaqtapipas willakunayki, nispa.

Hechos 27:5

Cilicia lawpa hinaspa Panfilia lawpa chimpanta rispaykum Licia lawpi Mira llaqtaman chayarurqaniku.

Hechos 28:15

Roma llaqtapi iñiqkunam chayanaykuta yachasqakuña hinaspam “Apio Foro” nisqa plazakama taripamuwasqaku, wakinñataqmi “Kimsa Taberna” nisqa sitiokama taripamuwarqaku. Paykunata Pablo rikuykuspanmi Diosman graciasta qospan aswanraq kallpanchakurqa.

Hechos 6:5

Chaymi llapa huñunasqakuna “allinmi” nispanku Estebanta akllarqaku. Payqa Chuya Espiritupa huntasqan hinaspa llumpay iñiyniyuq runam karqa. Akllarqakutaqmi Felipeta, Procorota, Nicanorta, Timonta, Parmenasta hinaspa Nicolastapas. Nicolasqa karqa judiokunapa religionninman tikrakuq Antioquía llaqtayuqmi.

Hechos 6:9

Jerusalenpim karqa “Esclavo kasqankumanta librasqakuna” nispa sutichasqanku sinagoga. Chaypim huñunakuqku Cirenemanta, Alejandriamanta, Ciliciamanta hinaspa Asiamanta kaq judiokuna. Paykunam Estebanwan atipanakuyta qallaykurqaku.

Romanos 1:15

Chayraykum Roma llaqtaykichikpipas llumpayta munachkani Jesucristomanta allin noticiakuna willaykuyta.

Romanos 1:7

Chaymi Roma llaqtapi Diospa kuyasqankunaman qellqamuykichik, Diosmi kuyasunkichik, hinaspam payllapaqña kawsanaykichikpaq qayasurqankichik. Dios Taytanchikpa chaynataq Señorninchik Jesucristopa kuyakuyninwan hawkayayninyá qamkunawan kachun.

2~Timoteo 1:17

Aswanqa Roma llaqtaman chayaramuspanmi maskaykuwarqa tariykuwanankama.

Apocalipsis 11:8

Ayankupas hatun llaqtapa plazanpim chutarayanqa. Chay llaqtatam tupachinku Sodomawan hinaspa Egiptowan, chaypim Señorninchikpas chakatasqa karqa.