Hechos 2:1 - CHUYA QELLQA La Biblia en Quechua de Ayacucho 2012

¹ Pentecostés fiesta chayaramuptinmi lliw iñiqkuna huñunasqa kachkarqaku.

Quechua Ayacucho Bible 1987

¹ *f**Pentecostes Fiesta chayaramuptinmi Jesucristoman lliw iñiqkuna huk wasillapi huñunasqa kachkarqaku.

Chuya Qellqa 1992

¹ Pentecostés fiesta chayaramuptinmi lliw iñiqkuna huñunasqa kachkarqaku.

Hechos 2:1 Iomraidhean Croise

2~Crónicas 30:12

Judá nacionpi runakunapas Tayta Diospa kallpanchasqanmi, tukuy sonqonkuwan reypa chaynataq kamachikuqkunapa kamachisqanta kasukurqaku. Chaynataqa ruwarqaku Tayta Diospa nisqanman hinam.

2~Crónicas 5:13

Trompetakunata tocaspankum llapallanku huklla takispanku Tayta Diosta hatunchaspa graciasta qorqaku. Trompetakunata, platillokunata hinaspa huk rikchaq tocanakunata tocaspankum kaynata takirqaku: “Kuyakuq kasqanraykuyá Tayta Diosta yupaychaychik, kuyakuyninqa wiña-wiñaypaqmi”, nispanku. Hinaptinmi Tayta Diospa templonman puyu huntaykurqa.

Éxodo 23:16

Cosecha qallariy fiestatapas chaynataq cosecha tukuy fiestatapas ruwankim, chaytaqa sapa watam cosecha tukuyta ruwanki.

Éxodo 34:22

Pascua fiestamanta qanchis semananmanmi trigo cosecha qallariy fiestata ruwankichik, ruwankichiktaqmi cosecha tukuy fiestatapas. Chay fiestatam sapa wata, cosecha tukuyta ruwankichik.

Jeremías 32:39

Paykunatam tukuy tiempo kasuwaspa munasqayman hina kawsaqtaña ruwasaq, chaynataqa ruwasaq paykunapa chaynataq mirayninkunapa allinninkupaqmi.

Sofonías 3:9

Chay punchawkunapim ñoqa Tayta Diosta qayakamuwanankupaq runakunapa siminta chuyanchaykusaq, hinaptinmi huk sonqollaña serviwanqaku.

Hechos 1:5

Cheqaptam Juanqa yakuwan bautizarqa, ichaqa kay-kay punchawkunallapim Chuya Espirituwan bautizasqa kankichik.

Hechos 1:8

Ichaqa Chuya Espíritu qamkunaman hamuptinmi atiyta chaskinkichik. Chaymi ñoqamanta willakunkichik Jerusalén llaqtapi, lliw Judea lawpi, Samaria lawpi hinaspa kay pachapa patankunakama.

Hechos 2:46

Sapa punchawmi templopi huk sonqolla huñunakuqku, wasin-wasin huñunakuspam hatun kusikuywan mikuyta mikuqku, tantatapas partinakuspankum mikuqku.

Hechos 20:16

Chaynataqa ruwarqaniku Efesoman Pablo mana riyta munaptinmi chaynapi Asia lawpi mana tardanaykupaq. Jerusalén llaqtamanmi utqayman riyta munarqa atispaqa chaypi Pentecostés punchawpi kananpaq.

Hechos 4:24

Chayta uyariykuspam llapallanku huk sonqolla Diosta mañakuspa nirqaku: Señorniyku, qanmi unancharqanki hanaq pachata, kay pachata, lamar qochata chaynataq chaykunapi tukuy imakunatapas.

Hechos 4:31

Dios mañakuyta tukuruptinkum chay huñunakusqanku wasi katkatatarurqa, hinaptinmi Chuya Espíritu lliwman huntaykurqa. Chaymi manaña manchakuspanku Diospa palabranta willakurqaku.

Hechos 4:32

Lliw iñiqkunam huk sonqolla kaspanku huk runa hinalla karqaku, manam pipas ima kapuqninkutapas “ñoqallapam” niqkuchu, aswanqa tukuy imankupas lliwchankupaqmi karqa.

Hechos 5:12

Llapa iñiqkunam huk sonqolla huñunakuqku templopi kaq Salomonpa portalninpi, apostolkunam Diospa atiyninwan admirakuypaq milagrokunata runakunapi ruwaqku.

Romanos 15:6

chaynapi Señorninchik Jesucristopa Taytan Diosninchikta llapallaykichik huk similla yupaychanaykichikpaq.

1~Corintios 16:8

Ichaqa Éfeso llaqtapim Pentecostés fiestakama kasaq.

Filipenses 1:27

Jesucristomanta allin noticia uyarisqaykichikman hinayá vidaykichik kachun. Watukamuspay otaq maypiña kaspaypas qamkunaman-tam uyariyta munani huk sonqolla qaqa hina sayaspa vencesqaykichikmanta, iñisqaykichik allin noticiata willaku-naykichikpaq kallpanchakusqaykichik-manta hinaspa

Filipenses 2:2

lliw-chaykichikyá kusichiwaychik: Huk pensa-mientoyuqlla, huk kuyakuyniyuqlla, huk sonqolla hinaspa huk sientiqlla kaspaykichik.