Hechos 19:8 - CHUYA QELLQA La Biblia en Quechua de Ayacucho 2012

⁸ Kimsa killapunim Pablo rirqa llapa judiokunapa sinagoganman, hinaspam paykunata iñichinanrayku, mana manchakuspa Diospa munaychakuyninmanta willakurqa.

Quechua Ayacucho Bible 1987

⁸ Kimsa killapunim Pablo riq judiokunapa *f**huñunakunanku wasiman hinaspam Diospa munaychakusqanmanta willakuq mana manchakuspa hinaspa convencechispa.

Chuya Qellqa 1992

⁸ Kimsa killapunim Pablo rirqa llapa judiokunapa sinagoganman, hinaspam paykunata iñichinanrayku, mana manchakuspa Diospa munaychakuyninmanta willakurqa.

Hechos 19:8 Iomraidhean Croise

Hechos 1:3

Jesusmi kawsarimuspan tawa chunka punchawpuni rikurirqa apostolninkunaman hinaspam Diospa munaychakusqanmanta yachachirqa. Achka-achka kutipi sutillata rikurisqanraykum apostolkuna yacharqaku cheqaptapuni Jesuspa kawsarimusqanta.

Hechos 13:14

Chaymantam Pablowan Bernabé, Pergemanta Pisidia lawpi Antioquía llaqtaman chayarurqaku. Samana punchawpiñataqmi sinagoganman yaykuruspanku tiyaykurqaku.

Hechos 13:46

Pablowan Bernabeyñataqmi mana manchakuspa nirqaku: Diospa palabrantaqa qamkunamanmi puntataqa willanayku karqa, ichaqa mana chaskiyta munaspaykichik, chaynataq wiñay kawsaytapas mana chaskispa wischupakusqaykichikraykum, mana judiokunamanña willakamusaqku.

Hechos 14:1

Iconio llaqtapim Pablowan Bernabé yaykurqaku judiokunapa sinagoganman, chaypi willakuptinkum Jesucristoman achka judiokuna iñikurqaku, iñikurqataqmi mana judío kaqkunapas.

Hechos 17:17

Chaymi sinagogaman rispa judiokunawan hinaspa Diosta yupaychaq runakunawan atipanakuq. Sapa punchawtaqmi plazakunaman riqkunawanpas atipanakuq.

Hechos 18:19

Éfeso llaqtaman chayaruptinkum, Aquilatawan Priscilata chaypi saqeykuspa sapallanña judiokunapa sinagoganman pasarqa, hinaspam chaypi judiokunawan atipanakurqa.

Hechos 18:26

Paymi judiokunapa sinagoganpi mana manchakuspa willakuyta qallaykurqa. Chayta Priscilawan Aquila uyariruspankum wasinkuman pusarqaku, hinaspam aswan allintaraq Diospa ñanninmanta yachachirqaku.

Hechos 18:4

Sapa samana punchawmi Pabloqa judiokunapa sinagoganman rispan judiokunata chaynataq mana judiokunatapas Jesucristoman iñichiyta munaspan rimapayaq.

Hechos 19:10

Iskay watapuni chaypi yachachiptinmi Asia lawpi llapallan yachaqkunapas, judiokunapas, chaynataq mana judiokunapas Señormanta uyarirqaku.

Hechos 19:7

Chay bautizakuqkunaqa karqaku yaqa chunka iskayniyuq runakunam.

Hechos 19:9

Ichaqa wakin runakunam sonqonkuta rumiyarachispanku mana iñiyta munarqakuchu, aswanraqmi paykunaqa Cristomanta allin noticiapa contranpi tukuy imaymanata llapa runakunaman nirqaku. Chaymi Pablo paykunamanta sapaqcharuspan llapa iñiqkunata rakirurqa Tiranno sutiyuq runapa escuelanman, chaypiñam sapa punchaw paykunata yachachirqa.

Hechos 20:31

Chaynaqa cuidakuychikyá, amayá qonqaychikchu weqeywan tuta punchaw kimsa watantin sapakamaman yachachisqaytaqa.

Hechos 28:23

Chaykunamanta rimanankupaq huk punchawtaña akllaruptinkum, Pablopa samakusqanman achka runakuna hamurqaku, hinaptinmi tutapaymanta tardeykuqkama Diospa munaychakusqanmanta paykunaman willarqa. Moisespa hinaspa profetakunapa qellqasqanta qawachispanmi Jesusmanta convencechiyta munarqa.

Judas 1:3

Kuyasqallaykuna, maynatam munarqani salvación chaskisqanchikmanta qellqamuyta. Kunanmi ichaqa necesario kasqanrayku qellqamuykichik: Qamkunatam kallpanchamuykichik iñiy chaskisqanchikta allinta nanachikunaykichikpaq, chay iñiytaqa Diosmi huk kutillata chuya llaqtanman wiñaypaq qowarqanchik.