Hechos 19:21 - CHUYA QELLQA La Biblia en Quechua de Ayacucho 2012

²¹ Chaymantam Pablo tantearurqa Macedonia hinaspa Acaya lawninta pasaspan Jerusalenman riyta, hinaspam nirqa: Jerusalenmantam imaynapas Roma llaqtaman risaq, nispa.

Quechua Ayacucho Bible 1987

²¹ Chaymantam Pablo Jerusalenman riyta munarqa Macedonia lawpi hinaspa Grecia lawpi kaqkunata watukustin, paymi nirqa: —Jerusalenman chayaruspayqa risaqpunim Roma llaqta reqsiq —nispa.

Chuya Qellqa 1992

²¹ Chaymantam Pablo tantearurqa Macedonia hinaspa Acaya lawninta pasaspan Jerusalenman riyta, hinaspam nirqa: Jerusalenmantam imaynapas Roma llaqtaman risaq, nispa.

Hechos 19:21 Iomraidhean Croise

Lamentaciones 3:37

¿Pitaq imatapas rimanman Señorpuni mana kamachikuptinqa?

Hechos 16:12

Chaymantam romanokunapa munaychakunan Filipos llaqtanman rirqaniku. Filipos llaqtaqa Macedonia lawpi wakin llaqtakunamantapas aswan reqsis-qam karqa. Chaypim achka punchawkuna karqaniku.

Hechos 18:12

Ichaqa Acaya lawpi Galión gobernador kachkaptinmi, Pablopa contranpi llapa judiokuna huñunakururqaku, hinaspankum juzgadoman aparuspanku

Hechos 18:21

payku-namanta despedikurqa: Dios munaptinqa huktawanmi kutimusaq watukuqnikichik, nispan. Chaymantam barcopi Éfeso llaqtamanta pasakurqa.

Hechos 19:22

Yanapaqnin Timoteotawan Erastota Macedonia lawman kachaspanmi payñataq Asia lawpi qeparirqa.

Hechos 19:29

Chaymi Éfeso llaqtapi runakuna hatun chaqwata hatarirachispanku, Pablopa puriqmasin Gayotawan Aristarcota hapirurqaku, paykunaqa karqaku Macedonia lawmanta kaqkunam; hinaspam llaqtapa huñunakunan teatroman aparqaku.

Hechos 20:16

Chaynataqa ruwarqaniku Efesoman Pablo mana riyta munaptinmi chaynapi Asia lawpi mana tardanaykupaq. Jerusalén llaqtamanmi utqayman riyta munarqa atispaqa chaypi Pentecostés punchawpi kananpaq.

Hechos 20:22

Kunanmi Jerusalén llaqtaman richkani Chuya Espiritupa kamachisqan, manam yachakunichu wakpi imam suyawasqantapas.

Hechos 21:17

Jerusalenman chayaruptiykum kusikuyllawanña llapa iñiqkuna chaskiwarqaku.

Hechos 21:4

Chay llaqtapi iñiqkunata tariruspaykum paykunawan qanchis punchaw qeparqaniku. Pablotam paykuna Chuya Espiritupa rimarichisqan nirqaku: Ama riychu Jerusalén llaqtamanqa, nispanku.

Hechos 23:11

Chay tutam Pabloman Señor rikuriykuspan nirqa: Pablo kallpanchakuy, kay Jerusalén llaqtapi ñoqamanta willakusqaykita hinam Roma llaqtapipas willakunayki, nispa.

Hechos 27:1

Italia lawmanmi barcopi pusachiwanankupaq rimanakururqaku, hinaspam Pablotawan wakin presokunata Augusto sutiyuq tropakunapa capitannin Julioman entregaykuwarqaku.

Hechos 27:24

Paymi niwarqa: “Pablo ama manchakuychu, rey Cesarpa ñawpaqninmanqa chayankipunim, qamraykum lliw qanwan riqkunata wañunankumanta Dios salvanqa”, nispa.

Hechos 28:16

Roma llaqtaman chayaruptiykum Pablota saqeykurqaku huk soldadopa cuidasqan sapaq wasipi yachananpaq.

Romanos 1:11

Qamkunawan tupaykuytam llumpayta munachkani Chuya Espiritupa atiyninta qoykunaypaq chaynapi qaqa hina sayanaykichikpaq,

Romanos 1:13

Wawqe-panillaykuna yachaychikyá, achka kutipim qamkunaman chayaykamuyta munarqani, ichaqa hamuyta munaptiypas sasachakuykunam harkawarqa. Anchatam munachkani wakin llaqtakunapi hina qamkunapipas iñiq-kuna miraykachiyta.

Romanos 1:15

Chayraykum Roma llaqtaykichikpipas llumpayta munachkani Jesucristomanta allin noticiakuna willaykuyta.

1~Corintios 16:5

Hamuspayqa Macedonia lawninta muyuramuspam qamkunaman chaya-musaq.

1~Corintios 4:19

Chaywanpas Señor munaptinqa chayllam hamurusaq qawaykuqnikichik, hinaspam yachasaq chay qari tukuq runakunapa imam rimasqankuta.

2~Corintios 10:16

Chaywanpas qamkunapa kasqaykichikmanta karupi kaqkunamanpas Cristomanta allin noticia cheqechiytam munachkaniku, chaytaqa ruwasaqku hukkunapa llamkasqanman mana chapukuspam.

Gálatas 2:1

Chunka tawayuq watamantañam Bernabeywan kuska huktawan rirqani Jerusalén llaqtaman, pusarqanitaqmi Titotapas.

1~Tesalonicenses 1:7

Chaynapim qamkunaqa Macedonia lawpi hinaspa Acaya lawpi llapallan iñiqkunapaqpas ejemplonña kachkankichik.