Hechos 19:11 - CHUYA QELLQA La Biblia en Quechua de Ayacucho 2012

¹¹ Diospa atiyninwanmi Pablo ruwarqa runakunapa mana haykapipas rikusqan milagrokunata.

Quechua Ayacucho Bible 1987

¹¹ Diospa atiyninwanmi Pablo ruraq runapa mana rikusqan *f**milagrokunata.

Chuya Qellqa 1992

¹¹ Diospa atiyninwanmi Pablo ruwarqa runakunapa mana haykapipas rikusqan milagrokunata.

Hechos 19:11 Iomraidhean Croise

Juan 14:12

Cheqaptapunim nikichik, ñoqapi creeqqa ruwanqam ñoqapa ruwasqaykunata, payqa ñoqapa ruwasqaymantapas aswan hatun kaqkunataraqmi ruwanqa, chaynataqa ruwanqa Taytamanña risqayraykum.

Hechos 14:3

Chaywanpas Pablowan Bernabeyqa unaymi chay llaqtapi karqaku, hinaspam Señorman hapipakuspanku mana manchakuspa Diospa kuyakuyninmanta willakurqaku. Señorñataqmi willakusqanku cheqap kasqanta qawachinanpaq, paykunaman atiyta qorqa admirakuypaq milagrokunatawan señalkunata ruwanankupaq.

Hechos 15:12

Hinaptinmi lliw upallaruspanku Bernabeytawan Pablota uyarirqaku, paykunam willakurqaku Diospa qosqan atiywan mana judío kaqkunapipas admirakuypaq milagrokuna ruwamusqankumanta.

Hechos 16:18

Chaynatam achka punchawña rimarqa, hinaptinmi Pablo piñasqa muyuriykuspan sipaspi kaq espirituta qaqcharqa: ¡Jesucristopa sutinpim kamachiki paymanta lloqsiy! nispa. Hinaptinmi chay espirituqa sipasmanta chaypunilla lloqsirurqa.

Hechos 5:12

Llapa iñiqkunam huk sonqolla huñunakuqku templopi kaq Salomonpa portalninpi, apostolkunam Diospa atiyninwan admirakuypaq milagrokunata runakunapi ruwaqku.

Hechos 8:13

Chaymi Simonpas Jesucristoman iñikuspan bautizachikurqa, hinaspam Felipewanña purirqa. Diospa atiyninwan milagrokunata Felipe ruwasqanta qawaspanñataqmi admirakurqa.

Gálatas 3:5

Diosmi Espiritunta qosunkichik hinaspa qamkuna ukupi milagrokunata ruwan, ¿imanasqataq kaykunata ruwan? Manam leyta kasukusqaykichikraykuchu, aswanqa Jesucristomanta uyarispa payman iñisqaykichikraykullam.

Hebreos 2:4

Diosqa cheqapcharqataqmi señalkunata, tukuy rikchaq admirakuypaq milagrokunata hinaspa munasqanman hina tukuy kay pachapi iñiqkunaman Chuya Espiritunta qowasqanchikwanpas.