Hechos 18:6 - CHUYA QELLQA La Biblia en Quechua de Ayacucho 2012

⁶ Chay judiokunam ichaqa Pablopa contranpi hatarispanku imaymanata rimarqaku, hinaptinmi Pabloñataq pachantapas taspispanraq nirqa: Wiñaypaq wañuyman wichispaqa kikikichikmi huchayuq kankichik, manam ñoqachu. Kunanmantaqa mana judío kaqkunamanñam willakuq risaq, nispa.

Quechua Ayacucho Bible 1987

⁶ Ichaqa chay judiokunam Pablopa contranpi churakuruspanku imaymanata nirqaku, hinaptinmi Pablo pachanta chaspispan nirqa: —Wiñaypaq wañuyman wichispaqa qamkunañam huchayoq kankichik, manam ñoqachu. Kunanmantaqa mana judio runakunamanñam willakuq risaq —nispa.

Chuya Qellqa 1992

⁶ Chay judiokunam ichaqa Pablopa contranpi hatarispanku imaymanata rimarqaku, hinaptinmi Pabloñataq pachantapas taspispanraq nirqa: Wiñaypaq wañuyman wichispaqa kikikichikmi huchayuq kankichik, manam ñoqachu. Kunanmantaqa mana judío kaqkunamanñam willakuq risaq, nispa.

Hechos 18:6 Iomraidhean Croise

2~Samuel 1:16

Wañunan-paq kachkaptinmi David nirqa: Wañuchisqaykimantam qamqa huchayuq kanki, qampunim nirqanki: “Tayta Diospa akllasqan reytam wañurachimuni”, nispayki.

1~Reyes 2:33

Chay ruwasqanmantam Joabwan mirayninkuna castigasqa kanqaku. Davidpa mirayninkunatawan wasinta chaynataq munaychakuynintam ichaqa Tayta Dios wiñaypaq takyachinqa, nispa.

Nehemías 5:13

Pachaytapas taspispaymi kaynata nirqani: Pipas kay juramentota mana cumpliq runakunataqa, Diosyá kaynata taspichun, hinaspayá llapa imanta qechuspa wasinmanta hinaspa llamkayninmantapas qarqochun, nispay. Hinaptinmi llapallanku nirqaku: ¡Amén! nispanku. Chaymi Tayta Diosta yupaychaspanku chayman hina ruwarqaku.

Ezequiel 18:13

qollqetapas mirayniyuqllapaq prestaq, qollqe prestasqanpa mirayninta mañaq, chayna runaqa manam kawsanqachu. Tukuy chay millakusqay kaqkuna ruwasqanmantaqa wañunqapunim, wañusqanmantaqa kikinmi huchayuq kanqa.

Ezequiel 33:4

Chay runa trompetata tocachkaptin pipas mana kasukuqqa, enemigopa wañuchisqanmi kanqa; wañusqanmantaqa kikinmi huchayuq kanqa.

Ezequiel 33:6

Sichum enemigo hamuqta rikuchkaspa llaqta cuidaq mana trompetata tocanmanchu runakuna alistakunankupaq, chaynapi enemigokuna yaykuramuspa pitapas wañurachiptin chay runa hina huchallanpi wañuruptinqa, llaqta cuidaqtam cuentata mañasaq.

Levítico 20:9

Pipas tayta-maman ñakaqqa wañuchisqam kanqa. Tayta-maman ñakasqanmanta wañuspanqa kikinmi huchayuq kanqa.

Mateo 10:14

Sichum pipas mana chaskisuptikichikqa chaynataq willakusqaykichiktapas mana uyarisuptikichikqa, chay wasimanta otaq chay llaqtamanta lloqsiychik hinaspa usutaykichikpi allpatapas taspiychik.

Mateo 21:41

Uyariqninkunañataqmi nirqaku: Chay mana allin runakunataqa mana llakipayaspam wañurachinqa, hinaspam chakrantapas huk llamkaqkunamanña arriendakunqa chaynapi tiempollanpi payman tupaqnin cosechata qonankupaq, nispanku.

Mateo 21:43

Chaynaqa, nikichikmi, Diospa munaychakuyninmi qamkunamanta qechusqa kanqa, hinaspam Diospa munaychakuyninta ruruchiq llaqtamanña qosqa kanqa.

Mateo 22:10

Chaymi serviqninkuna rispanku haykam tupasqankuta pusamurqaku, pusamurqakutaqmi allin runakunatapas chaynataq mana allin runakunatapas. Chaymi casamientoqa achkallaña convidasqakunawan huntaykurqa.

Mateo 27:25

Hinaptinmi llapallan runakuna nirqaku: ¡Paypa wañusqanmantaqa ñoqaykum mirayniykupiwan huchayuq kasaqku! nispanku.

Mateo 8:11

Nikichiktaqmi, achkaqmi tukuy hinastinmanta hamunqaku, hinaspam Diospa munaychakuyninpi Abrahamwan, Isaacwan hinaspa Jacobwan mikunankupaq tiyaykunqaku.

Lucas 22:65

Chaymi tukuy imata nispanku kamirqaku.

Lucas 9:5

Sichum may llaqtapipas mana chaskisuptikichikqa chay llaqtanmantam lloqsinkichik, hinaspam usutaykichikpi polvotapas taspinkichik, chaynapim chay runakuna mana kasukuq kasqankuta yachanqaku, nispa.

Hechos 13:51

Chaymi Pablowan Bernabeyqa qarqosqa kasqankuta qawachikunankupaq usutankupi allpata taspirqaku, hinaspankum Iconio llaqtaman pasakurqaku.

Hechos 26:11

Jesucristota neganankupaqmi ñakarichirqani. Chaynatam llapa sinagogapipas ruwarqani, paykunapaq llumpayta piñakuspaymi ñakarichinaypaq huklaw llaqtakunapipas maskamurqani.

Hechos 26:20

chaymi Damasco llaqtapi puntata willakurqani, hinaspañataq Jerusalén llaqtapi, lliw Judea lawpi kaqkunamanpas chaynataq mana judío kaqkunamanpas. Paykunatam nirqani: “Huchaykichikmanta wanakuspaykichik Diosman kutirikuychik hinaspa imatapas allin kaqkunataña ruwaychik wanakusqaykichikta qawanankupaq”, nispay.

Hechos 28:28

Chaynata Pablo rimaruspanmi nirqa: Kunanmantaqa yachaychikyá, Diospa salvacionninqa mana judío kaqkunamanpas willasqañam kanqa, paykunam ichaqa uyarinqaku, nispa.

Romanos 3:29

Chaynaqa, Diosqa ¿judiokunapa Diosnillanchu? ¿Manachu wakiq runakunapapas Diosninku? Arí, paykunapapas Diosninkum.

1~Timoteo 5:22

Manaraq sumaqta reqsiykuchkaspaykiqa amayá chayllaqa pimanpas makikitaqa churaychu kamachikuq kananpaqqa, chaynapi paykunapa huchanwan ama qachachakunaykipaq. Qamqa chuya sonqollayá kawsay.

2~Timoteo 2:25

Mana kasukuqkunatapas llampu sonqolla-wanmi corregiykunan, icharaqpas wana-kunanpaq Dios tiempota qoykunman, chaynapi cheqap kaqta reqsinankupaq,

1~Pedro 4:14

Mayna kusisqam kankichik, Jesu-cristorayku insultasuptikichikqa, qam-kunapim sumaq kanchariq Diospa Espiritun sapa punchaw kachkan.

1~Pedro 4:4

Kunanñataqmi payku-napa ruwasqanman manaña huklla-wakuptikichik llakisqallaña kachkan-ku mana allin ruwayninkunapi mana-ña kuskanchakuptikichik, chaymi qam-kunamantaqa mana allintaña rimanku.