Hechos 18:5 - CHUYA QELLQA La Biblia en Quechua de Ayacucho 2012

⁵ Silaswan Timoteo Macedoniamanta chayaramuptinkum, Pabloqa mana samaykuspa Diospa palabranta willakurqa, hinaspam judiokunaman yachachirqa Jesusqa suyasqanku Cristopuni kasqanta.

Quechua Ayacucho Bible 1987

⁵ Silaswan Timoteo Macedoniamanta chayaramuptinkum Pabloqa mana samaykuspa Diospa palabranmanta willakurqa, judiokunatam yachachirqa Jesusqa suyasqanku Cristopuni kasqanta.

Chuya Qellqa 1992

⁵ Silaswan Timoteo Macedoniamanta chayaramuptinkum, Pabloqa mana samaykuspa Diospa palabranta willakurqa, hinaspam judiokunaman yachachirqa Jesusqa suyasqanku Cristopuni kasqanta.

Hechos 18:5 Iomraidhean Croise

Jeremías 20:9

Chayraykum nirqani: Tayta Diostaqa qonqarusaqña, sutintapas amaña rimasaqñachu, nispay. Ichaqa palabraykim nina hinaraq sonqoypi ruparirqa, nina hinaraqmi tulluykunatapas ruparirqa. Amaña rimasaqñachu nispam nirqani, ichaqa manam upallayta atinichu.

Jeremías 6:11

Dios Taytalláy, qampa piñakuynikiwanmi huntasqa kachkani, manañam aguantayta atiniñachu, nispay. Hinaptinmi Tayta Dios niwarqa: Callepi warmakunaman, tropanpi jovenkunaman, piñakuynikita chaqchumuy. Warmikunam qosankuwan kuska presochasqa kanqaku, yuyaqkunawan ancha yuyaqkunam preso apasqa kanqaku.

Ezequiel 3:14

Ñoqatañataqmi Diospa Espiritun hoqariruwaspan huklawman aparuwarqa. Chaymi ñoqaqa llakisqallaña hinaspa piñasqallaña rirqani, Tayta Diospa makinñataqmi allinniqta hapiwarqa.

Miqueas 3:8

Ñoqam ichaqa Tayta Diospa Espiritunwan, allin ruwayninwan, chaynataq atiyninwan huntasqa kachkani, Jacobpa mana kasukuyninta qawachinaypaq, Israelta huchanmanta qaqchanaypaq.

Lucas 12:50

Ichaqa hatun ñakariytam pasanay. Maynatam sonqoy llakikun cumplikunankama.

Lucas 16:28

kachkanraqmi pichqa wawqeykuna, paykunamanyá willaramuchun, chaynapi kay ñakariypa kasqanman amaña hamunankupaq”, nispa.

Juan 1:41

Paymi puntata wawqen Simonta tariykurqa, hinaspanmi nirqa: Mesiastam tariramuniku, nispa. (Mesias-qa Cristo ninanmi)

Juan 10:24

Chaymi judiokuna muyuruspanku nirqaku: ¿Haykapikamataq iskayrayachiwankiku? Qam Cristo kaspaykiqa cheqaptayá willawayku, nispanku.

Juan 15:27

Qamkunapas ñoqamantam willakunkichik, qamkunaqa qallariyninmantapunim ñoqawan karqankichik.

Juan 3:28

Qamkunaqa uyarirqankichikmi: “Ñoqaqa manam Cristochu kani, aswanqa paypa ñawpaqninta kachamusqallanmi kani”, nisqaytaqa.

Hechos 10:42

Paymi kamachiwarqaku llapa runakunaman paymanta willakunaykupaq, Jesucristotam Dios churarun wañuqkunatapas hinaspa kawsaqkunatapas juzgananpaq.

Hechos 15:22

Chaymi apostolkunawan ancia-nokuna hinaspa lliw iñiqkuna rima-nakurqaku, paykuna ukumanta akllaspa Pablotawan Bernabeytawan kuska-ta Antioquía llaqtaman kachanankupaq. Chaypaqmi akllarqaku Barsabaswan sutichasqa Judastawan Silasta, paykunaqa karqaku allin reqsisqa qarikunam.

Hechos 16:1

Pablopiwan Silasmi Derbe llaqtaman hinaspa Listra llaqtaman chayarurqaku. Chaypim Jesusman iñikuq Timoteo yacharqa. Paypa mamanmi karqa Jesucristoman iñikuq judía warmi, taytanñataqmi karqa Grecia lawmanta kaq.

Hechos 16:12

Chaymantam romanokunapa munaychakunan Filipos llaqtanman rirqaniku. Filipos llaqtaqa Macedonia lawpi wakin llaqtakunamantapas aswan reqsis-qam karqa. Chaypim achka punchawkuna karqaniku.

Hechos 16:9

Chaypim Pabloman tuta puñuchkaptin, visionpi Dios qawachirqa Macedonia law runata. Paymi sayaykuspan Pablota ruegarqa: Macedonia lawman hamuspa yana-paykuwayku, nispa.

Hechos 17:3

Qellqaman hina qawachispanmi yachachirqa Cristopa ñakarinanmantawan wañukuspan kawsarimunanmanta. Paykunatam nirqa: Qamkunaman kay willasqay Jesusqa salvaqninchik Cristopunim, nispa.

Hechos 18:28

Atiywan llapa runakunapa qayllanpi rimaspanmi judiokunata pantaypi kasqankuta qawachirqa. Qellqaman hina qawachispantaqmi Jesusqa suyasqanku Cristo kasqanta reqsichirqa.

Hechos 2:36

Israelpa llapallan mirayninkuna, yachaychikyá, qamkunapa chakatarusqaykichik Jesustam Cristo hinaspa Señor kananpaq Dios churaykun, nispa.

Hechos 20:21

Judiokunamanpas chaynataq mana judiokunamanpas nirqanim: “Huchaykichikmanta wanakuspa Diosman kutirikuychik, hinaspa Señor-ninchik Jesusman iñikuychik”, nispa.

Hechos 20:23

Sapa llaqtaman risqaypim Chuya Espíritu niwan: “Presochasuptikim ñakarinki”, nispan.

Hechos 20:24

Ichaqa vidaypas ñoqapaqqa manam llumpay valorniyuqchu. Aswanpas munani Señor Jesucristopa kamachiwasqanta kallpachkaq hina kusikuywan ruwaytam hinaspa Diospa kuyakuyninmanta willakunaypaq Señor Jesucristopa kamachiwasqan cumpliytam.

Hechos 4:20

Ñoqaykuqa manam upallaymankuchu rikusqaykumantawan uyarisqaykumanta willakuytaqa, nispanku.

Hechos 9:22

Saulom ichaqa aswan-aswan kallpanchakuspan Jesusqa cheqaptapuni Cristo kasqanta willakurqa, chaynapim Damascopi yachaq judiokunatapas iskayrayarachirqa.

2~Corintios 1:19

Silvanopa, Timoteopa hinaspa ñoqapa qamkunaman willasqay Diospa Churin Cristo Jesusqa manam “Arí” nirqachu nitaq “Manam” nirqachu. Cristopiqa lliwmi “Arí” niylla.

2~Corintios 11:9

Qamkunawan kachkaptiy qollqey tukuruptinpas manam mañakurqaykichikchu, aswanqa Macedonia lawpi kaq wawqe-panikunam apachimuwarqaku. Manam qamkunamantaqa imatapas mañakurqaykichikchu nitaqmi mañakusqaykichikpaschu.

2~Corintios 5:14

Cristopa kuyakuyninmi ñoqanchikpi munaychakun, llapallanchikpa rantinchikpi Cristopa wañusqanta yachaspaqa, yachanchiktaqmi wañusqa hinaña kasqanchikta.

Filipenses 1:23

Iskayninmanta mayqanpas akllayqa sasam, ichaqa munaymanmi wañukuspay Cristowanña kuska kayta, chay kaqmi ñoqapaqqa aswan allin kanman.

1~Tesalonicenses 3:2

Hinaspam wawqenchik Timoteota kachamurqaykiku. Paymi Diosta servispa Jesucristomanta allin noticia willakuypi yanapawanku. Paymi iñiynikichikpi qaqa hina sayanaykichikpaq kallpanchasunkichik,

1~Tesalonicenses 3:6

Timoteo kutiramuspanñataqmi iñiynikichikmantawan kuyakuynikichikmanta, allinllata willawarqaku. Qamkunas tukuy tiempo yuyawaspaykiku rikuykuyta munawankiku imaynam ñoqaykupas qamkuna rikuykuy munasqaykuta hina.

1~Pedro 5:12

Iñiypi wawqeypaq hapisqay Silva-nowanmi asllapi qellqamusqay cartata apachimuykichik, kallpanchamuspaymi Diospa cheqap kuyakuyninmanta rimapayamuykichik, chaypi qaqa hina sayanaykichikpaq.