Hechos 17:7 - CHUYA QELLQA La Biblia en Quechua de Ayacucho 2012

⁷ Paykunatam kay Jasonpas wasinpiraq samarachin. Paykunaqa llapallankum emperador Cesarpa kamachikuyninkunapa contranpi rimachkanku: “Huk reymi kachkan Jesús sutiyuq”, nispanku.

Quechua Ayacucho Bible 1987

⁷ Paykunatam kay Jasonpas wasinpiraq samarachin. Llapallankum Roma reyninchikpa kamachikuyninkunapa contranpi rimachkanku: “Huk reymi kachkan Jesus sutiyoq” nispanku.

Chuya Qellqa 1992

⁷ Paykunatam kay Jasonpas wasinpiraq samarachin. Paykunaqa llapallankum emperador Cesarpa kamachikuyninkunapa contranpi rimachkanku: “Huk reymi kachkan Jesús sutiyuq”, nispanku.

Hechos 17:7 Iomraidhean Croise

Daniel 3:12

Reynillayku, ichaqa kachkanmi qampa kamachisqaykita mana kasukuq judío runakuna, paykunataqa Babilonia lawpi kamachikuqkuna kanankupaqraqmi churarqankipas, chayna kachkaspapas manam idoloykikunatapas nitaq qorimanta ídolo sayachisqaykitapas yupaychankuchu, paykunapa sutinmi: Sadrac, Mesac hinaspa Abed-negom, nispa.

Daniel 6:13

Chaymi paykuna nirqaku: Reynillayku, Judá nacionmanta presokunawan hamuq Danielqa manam manchakusunkichu, nitaqmi kamachisqayki decretotapas kasukunchu, aswanqa sapa punchawmi kimsa kutita Diosninta mañakun, nispanku.

Lucas 10:38

Jesusmi richkaspan huk taksa llaqtaman chayarurqa, chay llaqtapim Marta sutiyuq warmi wasinpi samaykachirqa.

Lucas 23:2

Hinaspankum Jesusta acusaspa nirqaku: Kay runatam tariramuniku nacionniykupi chaqwa hatarichichkaqta, hinaspanmi “ñoqam Reypas, Cristopas kani” nispan Cesarman impuesto paganaykutapas harkakuchkan, nispanku.

Juan 19:12

Chayta uyariruspanmi Pilatoqa as-wanraq munarqa kachaykuyta, chaymi judiokunañataq astawanraq qaparirqaku: Payta kachaykuspaqa manam rey Cesarpa amistadninchu kanki. Pipas reypaq hapikuqqa rey Cesarpa enemigonmi, nispanku.

Hechos 16:21

Pay-kunaqa costumbrenkutam yachachichkan. Ñoqanchikqa Roma nacionniyuqmi kanchik, manam kaykunataqa chaskichwanchu, nispanku.

Hechos 17:5

Mana iñiq judiokunañataqmi celoso churakuspanku qella runakunatawan mana allin runakunata huñuruspanku chay llaqtapi hatun chaqwata hatarirachirqaku. Paykunam Jasonpa wasinman yaykuruspanku Pablotawan Silasta hurqoyta munarqaku llapa runakunaman entreganankupaq.

Hechos 17:8

Kamachikuqkunawan llapa runakunañataqmi chayta uyariruspanku aswanraq chaqwakurqaku.

Santiago 2:25

Chaynataqmi Rahab sutiyuq chuchumika warmipas llaqtan wateqaq runakunata pakaykurqa, hinaspam ayqekunankupaq yanapaykurqa, chaynapim allin ruwasqanwan mana huchayuqpaqña chaskisqa karqa.

1~Pedro 2:15

Kaymi Diospa munayninqa: Allin kaqta ruwaspa, mana yachayniyuq runakunapa rimasqanta upallachiymi.