Hechos 17:4 - CHUYA QELLQA La Biblia en Quechua de Ayacucho 2012

⁴ Hinaptinmi wakin judiokuna iñikuspanku Pablomanwan Silasman hukllawakurqaku. Diosta yupaychaq Grecia law runakunapas achkallañam iñikurqaku, iñikurqakutaqmi achka ancha reqsisqa warmikunapas.

Quechua Ayacucho Bible 1987

⁴ Hinaptinmi wakin judiokuna iñikuspanku Pablomanwan Silasman hukllawakurqaku. Diosta yupaychaq Grecia law runakunapas achkallañam iñikurqaku, iñikurqataqmi allin reqsisqa achka warmikunapas.

Chuya Qellqa 1992

⁴ Hinaptinmi wakin judiokuna iñikuspanku Pablomanwan Silasman hukllawakurqaku. Diosta yupaychaq Grecia law runakunapas achkallañam iñikurqaku, iñikurqakutaqmi achka ancha reqsisqa warmikunapas.

Hechos 17:4 Iomraidhean Croise

Proverbios 13:20

Yachayniyuqkunawan hukllawakuqqa yachayniyuqmi kanqa, mana yachayniyuqkunawan hukllawakuqmi ichaqa sasachakuypi tarikunqa.

Proverbios 9:6

Pisi yuyayniyuq kaynikichikta saqespaqa kawsankichikmi, yachayniyuq runakuna hina kawsaychik”, nispa.

Cantares 6:1

Llapallan warmikunamanta kuyayllapaq, ¿maymantaq warma yanayki pasakun? ¿Maylawmantaq kuyay-yanayki pasarun? Kuskanchikyá maskaramusun.

Zacarías 2:11

Chay punchawpim achka nacionkuna Tayta Diosman hukllawakunqaku, paykunapas llaqtanñam kanqaku, Diosmi chawpikichikpi yachanqa. Chaynapim yachankichik Tukuy Atiyniyuq Tayta Dios kachamuwasqanta.

Juan 7:35

Hinaptinmi judiokuna kikinkupura tapunakurqaku: Mana tariy atinapaqqa, ¿maymantaq kay runaqa rinqa? ¿Icha griegokunapa kasqanpi cheqesqa judiokunamanchu rinqa griegokunata yachachimunanpaq?

Hechos 13:43

Chay huñunakuyninku tukuruptinmi, achka judiokunawan judiokunapa religionninman iñikuqkuna, Pablotawan Bernabeyta qatirqaku, hinaptinmi paykunañataq Diospa kuyakuyninmanta ama karunchakunankupaq yachachirqaku.

Hechos 13:50

Ichaqa llapa judiokunam Diosta yupaychaq hinaspa ancha reqsisqa warmikunatawan autoridadkunata umachaspanku, Pablopa hinaspa Bernabeypa contranpi hatarirachirqaku, hinaspam llaqtankumanta qarqorurqaku.

Hechos 14:1

Iconio llaqtapim Pablowan Bernabé yaykurqaku judiokunapa sinagoganman, chaypi willakuptinkum Jesucristoman achka judiokuna iñikurqaku, iñikurqataqmi mana judío kaqkunapas.

Hechos 14:4

Chay llaqtapi runakunam iskayman rakinakururqaku, wakinmi judiokunawan karqaku, wakiqninñataq apostolkunawan.

Hechos 15:22

Chaymi apostolkunawan ancia-nokuna hinaspa lliw iñiqkuna rima-nakurqaku, paykuna ukumanta akllaspa Pablotawan Bernabeytawan kuska-ta Antioquía llaqtaman kachanankupaq. Chaypaqmi akllarqaku Barsabaswan sutichasqa Judastawan Silasta, paykunaqa karqaku allin reqsisqa qarikunam.

Hechos 15:27

Kachamusqayku Judaswan Silasmi qamkunaman tukuy kaykunata willasunkichik.

Hechos 15:32

Judaswan Silaspas profetakuna kasqankuraykum iñiqkunata kallpancharqaku, chaynapi qaqa hina sayanankupaq.

Hechos 15:40

Pablo-ñataqmi reysinanpaq Silasta akllaykurqa, chaynapim Señorpa yanapakuyninta iñiqkuna mañaykapuptinku pasarqaku.

Hechos 16:3

Pablom riysinanta munaspan Timoteota qari kayninpa qarachanta kuchururqa chay lawkunapi yachaq judiokunarayku, llapa judiokunaqa yacharqakum Timoteopa taytanqa Grecia lawmanta kasqanta.

Hechos 17:10

Iñiqkunañataqmi, chay tutalla Pablotawan Silasta Berea llaqtaman ayqechirqaku. Berea llaqtaman chayaruspankum judiokunapa sinagoganman yaykurqaku.

Hechos 17:12

Chaynapim paykunamanta kaqkuna achkallaña iñikurqaku, iñikurqakutaqmi Grecia lawmanta kaq ancha reqsisqa warmikunawan achka qarikunapas.

Hechos 17:14

Hinaptinmi llapa iñiqkuna Pablota lamar qochapa patanman ayqechirqaku, Silaswan Timoteom ichaqa hina Berea llaqtallapi qeparurqaku.

Hechos 17:17

Chaymi sinagogaman rispa judiokunawan hinaspa Diosta yupaychaq runakunawan atipanakuq. Sapa punchawtaqmi plazakunaman riqkunawanpas atipanakuq.

Hechos 17:34

Ichaqa wakin runakunam payta qatispanku iñikurqaku. Paykunamantam huknin karqa Dionisio, payqa karqa Areopagopi kamachikuqmi, iñikururqataqmi Dámaris sutiyuq warmipas, chaynataq wakin runakunapas.

Hechos 18:4

Sapa samana punchawmi Pabloqa judiokunapa sinagoganman rispan judiokunata chaynataq mana judiokunatapas Jesucristoman iñichiyta munaspan rimapayaq.

Hechos 19:10

Iskay watapuni chaypi yachachiptinmi Asia lawpi llapallan yachaqkunapas, judiokunapas, chaynataq mana judiokunapas Señormanta uyarirqaku.

Hechos 2:44

Lliw iñikuqkunam huk sonqolla karqaku, ima kapuqninkutapas llapallankum qonakurqaku.

Hechos 21:28

qayayka-chakurqaku: ¡Israelpa mirayninkuna yanapawayku! Kay runam tukuy hinastinpi purispan Israel runakunapa contranpi, Moisespa leyninpa contranpi hinaspa templopa contranpi yachachin. Kunanpas templomanmi mana judío kaq runakunata pusaykurun, hinaspam millakuypaqta kay templota ruwarun.

Hechos 28:24

Hinaptinmi wa-kinqa Pablopa nisqanta creerqaku, wakinñataqmi mana creerqakuchu.

Hechos 4:23

Pedrotawan Juanta kachaykuptinkum wakin iñiqmasinkunaman rirqaku, hinaspam llapa sacerdotekunapa kamachiqninkunapa chaynataq ancianokunapa tukuy ima nisqanta willakurqaku.

2~Corintios 8:5

Piensasqaykumantapas mastaraqmi huñururqaku, puntataqa kikinkuraqmi Señorpa makinman churakuykurqaku, hinaspañam Diospa munasqanman hina ñoqaykuman qowarqaku.