Hechos 17:18 - CHUYA QELLQA La Biblia en Quechua de Ayacucho 2012

¹⁸ Epicureokunapa chaynataq Estoicokunapa qatiqnin yachayniyuqkunapas Pablowanmi atipanakurqaku. Wakiqninkum nirqaku: ¿Imamantataq kay rimaysapa runa rimachkan? nispanku. Wakinñataqmi nirqaku: Sapaq dioskunamanta willakuqchusmi kay runaqa, nispanku. Chaynataqa nirqaku Jesusmanta allin noticiata willakuspa chaynataq wañusqakunapa kawsarimunanmanta yachachiptinmi.

Quechua Ayacucho Bible 1987

¹⁸ Epicuriokunapa yachachisqan chaynataq estoicokunapa yachachisqan qatiqkunam Pablowan atipanakurqaku. Wakinkunam ninakurqaku: —¿Imataraq kay rimaysapa runaqa niwachwan? —nispa. Wakinñataqmi ninakurqaku: —Huk dioskunamantachusmi kay runaqa willakuchkan —nispa. Chaynakunatam rimarqaku Jesusmanta allin noticiata willakuspa kawsarimuymanta Pablo yachachiptin.

Chuya Qellqa 1992

¹⁸ Epicureokunapa chaynataq Estoicokunapa qatiqnin yachayniyuqkunapas Pablowanmi atipanakurqaku. Wakiqninkum nirqaku: ¿Imamantataq kay rimaysapa runa rimachkan? nispanku. Wakinñataqmi nirqaku: Sapaq dioskunamanta willakuqchusmi kay runaqa, nispanku. Chaynataqa nirqaku Jesusmanta allin noticiata willakuspa chaynataq wañusqakunapa kawsarimunanmanta yachachiptinmi.

Hechos 17:18 Iomraidhean Croise

Proverbios 23:9

Mana yachayniyuq runataqa ama rimapayaychu, payqa maynaña sumaq rimasqaykitapas asikuspam wischupakunqa. -10-

Proverbios 26:12

Yachayniyuqpaq hapikuruq runamantaqa mana yachayniyuqmi aswan allinqa.

Marcos 9:14

Wakin discipulokunapa kasqanman chayaruspankum, paykunapa muyuriqninpi achkallaña runakunata tariykurqaku, chaypitaqmi Diospa leynin yachachiqkunapas kachkarqaku Jesuspa discipulonkunawan atipanakuspanku.

Lucas 11:53

Chaymanta Jesús lloqsiruptinmi, Diospa leynin yachachiqkunawan fariseokuna llumpayta piñakuruspanku tukuy rikchaq tapukuykunawanña hapirqaku,

Hechos 26:23

“Cristom ñakarispa wañunqa, wañuqkunamantam puntata kawsarimunqa hinaspam allin noticiata willakunqa judiokunaman hinaspa mana judiokunamanpas”, nispanku.

Hechos 4:2

Paykunam llumpay piñasqallaña kachkarqaku Pedropawan Juanpa yachachisqankuwan. Paykunam yachachichkarqaku: Jesucristom kawsarimurqa, chaynam lliw wañuqkunapas kawsarimunqa, nispanku.

Hechos 5:42

Mana samaykuspankum templopipas, wasikunapipas sapa punchaw, Jesucristomanta willakuspa yachachiqku.

Hechos 6:9

Jerusalenpim karqa “Esclavo kasqankumanta librasqakuna” nispa sutichasqanku sinagoga. Chaypim huñunakuqku Cirenemanta, Alejandriamanta, Ciliciamanta hinaspa Asiamanta kaq judiokuna. Paykunam Estebanwan atipanakuyta qallaykurqaku.

Romanos 1:22

Yachaysapapaq hapikuchkaspankupas mana yachayniyuqmi rikurirunku.

1~Corintios 3:18

Amayá kikillaykichikqa engañakuychikchu, pipas kay pachapi yachaykunawan yachaq tukuqqa, mana yachayniyuq hinallam kanan, chaynapi cheqap yachayniyuq kananpaq.

1~Corintios 4:10

Ñoqaykuqa Cristoraykum mana yachayniyuqpaq hapisqa kaniku, qamkunam ichaqa Cristopi yachayniyuq kankichik. Ñoqaykutaqa mana kallpayuqpaqmi hapiwanku, qamkunam ichaqa kallpasapa kachkankichik. Runakunam qamkunata res-petasunkichik, ñoqaykutañataqmi despreciawanku.

Colosenses 2:8

Chaynaqa, cuidakuychikyá, amayá engañachikuychikchu yachayninkumanta rimaqkunawanqa hinaspa yanqakunalla rimaqkunawanqa, paykunaqa runakunapa costumbrenman chaynataq kay pachapi atiyniyuqkunallaman hapipasqam kachkanku, manam Cristomanchu.