Hechos 16:25 - CHUYA QELLQA La Biblia en Quechua de Ayacucho 2012

²⁵ Pablowan Silasmi yaqa chawpi tutata, Diosta mañakuspanku himnokunata takikurqaku, hinaptinmi wakin presokunapas uyarirqaku.

Quechua Ayacucho Bible 1987

²⁵ Pablowan Silasñataqmi yaqa chawpi tutataña Diosta mañakuspanku paypaq takichkarqaku. Chaytam wakin presokunapas uyarichkarqaku.

Chuya Qellqa 1992

²⁵ Pablowan Silasmi yaqa chawpi tutata, Diosta mañakuspanku himnokunata takikurqaku, hinaptinmi wakin presokunapas uyarirqaku.

Hechos 16:25 Iomraidhean Croise

Jobwan Sutichasqa Libro 35:10

Ichaqa manam unanchaqninku Diosta maskankuchu, tutayaypi kallpa qokuq Diostaqa manam maskankuchu.

Isaías 30:29

Qamkunam ichaqa, pascua fiestata ruwasqaykichik tutapi hina takinkichik, sonqomantam qamkunaqa kusikunkichik, qenata tocaspa Tayta Diospa orqonman richkaq hinam kusikunkichik, Israelpa amparakunan Diosman richkaq hinam kusikunkichik.

Zacarías 3:8

Chaynaqa, sumo sacerdote Josué kayta uyariy, uyariwachuntaq sacerdotemasikikunapas, qamkunaqa qepa punchawkunapaqmi señal hina kankichik: Ñoqam pusamusaq serviqniyta, “Ikllirimuqta”, nispa.

Lucas 22:44

Payñataqmi llumpay llakisqallaña tukuy kallpanwan Diosta mañakurqa, chaymi sudorninpas yawar hinaraq pampaman suturqa].

Hechos 15:22

Chaymi apostolkunawan ancia-nokuna hinaspa lliw iñiqkuna rima-nakurqaku, paykuna ukumanta akllaspa Pablotawan Bernabeytawan kuska-ta Antioquía llaqtaman kachanankupaq. Chaypaqmi akllarqaku Barsabaswan sutichasqa Judastawan Silasta, paykunaqa karqaku allin reqsisqa qarikunam.

Hechos 16:19

Sipaspa patronninkunañataqmi, chay adivinaq espíritu paymanta chinkaruptin, manaña paywan qollqe gananankupaq kaptin, Pablotawan Silasta hapiruspanku autoridadkunapa kanan plazaman aparqaku.

Hechos 16:33

Payñataqmi tutallaraq kachkaptin, chay horallapi Pablopa hinaspa Silaspa heridankunata mayllarqa, chaymantam wasinpi kaqkunapiwan bautizakurqaku.

Hechos 5:41

Chaymi apostolkuna llumpay kusisqallaña juzgaqninkunapa qayllanmanta lloqsirqaku, Jesucristorayku ñakarinankupaq Diospa akllasqa kasqankumanta.

Romanos 12:12

suyasqaykichikpiyá kusikuychik, ñakarispapas pacienciakuychik, tukuy tiempo Diosta mañakuychik.

Romanos 5:3

Chaynataqmi ñakariykunapipas kusikunchik, ñakariykunaqa pacienciakuytam yachachiwanchik,

2~Corintios 6:10

Llakisqallaña kaspapas llumpay kusisqam kaniku, wakcha kaspapas achkaqtam apuyachiniku, mana imayuq kachkaptiykupas tukuy imaykum kapuwachkanku.

Efesios 5:19

Huknikichikmanta huknikichikkamayá kallpanchanakuychik: Salmokunawan, himnokunawan, sonqomanta lloqsimuq takikunawanyá, Señorninchikman tukuy sonqowan takispa yupaychaychik.

Filipenses 2:17

Diospi iñisqaykichikwanmi ofrenda hina ofrecekurqankichik, chay ofrendaman completanaypaq wañunay kaptinpas, chaytaqa kusikuywanmi ruwasaq, hinaspam llapallaykichikwan kusikusaq.

Colosenses 1:24

Kunanqa llumpaytam kusikuni qamkunarayku ñakarisqaywan, chaynapim llapa iñiqkunarayku Cristopa ñakarisqanta kikiypa cuerpoypiña tukupachkani, llapa iñiqkunaqa Cristopa cuerponmi.

Hebreos 5:7

Cristoqa kay pachapi kawsaspanmi qaparispan hinaspa waqaspan ruegakuyllawanña wañuymanta libray atiqnin Diosta mañakurqa, chaymi Diosqa payman sonqo kasqanrayku uyariykurqa.

Santiago 1:2

Wawqe-panillaykuna, imaymana sasachakuykunapi tarikuspaykichikqa aswanraqyá kusikuychik.

Santiago 5:13

Mayqannikichikpas llakisqa kaspa-qa Diostayá mañakuychik. Mayqan-nikichikpas kusisqa kaspaqa takispayá Diosta yupaychaychik.

1~Pedro 4:14

Mayna kusisqam kankichik, Jesu-cristorayku insultasuptikichikqa, qam-kunapim sumaq kanchariq Diospa Espiritun sapa punchaw kachkan.