Hechos 16:14 - CHUYA QELLQA La Biblia en Quechua de Ayacucho 2012

¹⁴ Chaypim kachkarqa Tiatira llaqta-yuq Lidia, paymi achka preciopa chanin morado telakunata rantikuq. Payqa Diosta yupaychaq kasqanraykum allinta uyarichkarqa, hinaptinmi sonqonta Señor kichaykurqa Pablopa nisqanta kasukunan-paq.

Quechua Ayacucho Bible 1987

¹⁴ Chaypim uyarichkarqa Tiatira llaqtayoq Lidia sutiyoq warmi, paymi achka preciopa chanin morado telakunata *f**rantikuq. Dios adoraqllaña kaspanmi uyarichkarqa hinaptinmi paypa sonqonta Señor kichaykurqa Pablopa nisqanta kasukunanpaq.

Chuya Qellqa 1992

¹⁴ Chaypim kachkarqa Tiatira llaqtayuq Lidia, paymi achka preciopa chanin morado telakunata rantikuq. Payqa Diosta yupaychaq kasqanraykum allinta uyarichkarqa, hinaptinmi sonqonta Señor kichaykurqa Pablopa nisqanta kasukunanpaq.

Hechos 16:14 Iomraidhean Croise

Cantares 5:4

Punkupa kaklluntam kuyay yanay makinta haywarimurqa, chaymi sonqoypas ras nirqaraq.

Isaías 50:5

Tayta Diosmi kasukuq kanaypaq rinrillayta kichaykun, kasukuspaymi mana qepaman kutirqanichu.

Lucas 24:45

Chaynata niruspanmi yuyayninkuta kichaykurqa Qellqapa nisqanta entiendenankupaq.

Juan 12:20

Pascua fiestaman riqkunam karqa wakiqnin Grecia nacionmanta kaqkuna.

Hechos 10:2

Cornelioqa wasinpi llapallan kaqkunapiwanmi Diosta kasukuspa serviqku, wakcha judiokunatapas achka qollqewanmi yanapaq, hinaspanmi Diosta tukuy tiempo mañakuq.

Hechos 11:21

Diospa atiyninmi paykunata yanaparqa, chaymi achka runakuna Jesucristoman iñikurqaku.

Hechos 13:43

Chay huñunakuyninku tukuruptinmi, achka judiokunawan judiokunapa religionninman iñikuqkuna, Pablotawan Bernabeyta qatirqaku, hinaptinmi paykunañataq Diospa kuyakuyninmanta ama karunchakunankupaq yachachirqaku.

Hechos 13:50

Ichaqa llapa judiokunam Diosta yupaychaq hinaspa ancha reqsisqa warmikunatawan autoridadkunata umachaspanku, Pablopa hinaspa Bernabeypa contranpi hatarirachirqaku, hinaspam llaqtankumanta qarqorurqaku.

Hechos 16:40

Pablowan Silasñataqmi carcelmanta lloqsiruspanku Lidiapa wasinman rirqaku, hinaspankum chaypi iñiqkunata kallpanchaykuspanku pasakurqaku.

Hechos 18:7

Hinaspanmi judiokunapa sinagoganmanta lloqsikuruspan, Ticio Justo sutiyuq runapa wasinman pasakurqa. Payqa karqa Diosta kasukuqmi, wasinpas karqa sinagogapa waqtallanpim.

Hechos 8:27

Felipeñataqmi rispan ñanpi tuparurqa Etiopía nacionniyuq eunucowan. Payqa karqa Etiopía nacionpi Candace sutiyuq reinapa qollqen waqaychaqmi. Paymi Diosta yupaychananpaq Jerusalenta rirqa.

Romanos 9:16

Chaynaqa, Diosqa kuyasqanman hinam pitapas akllan, manam runapa munasqanman otaq kallpanchakusqaman hinachu.

Filipenses 2:13

Diosmi munasqanman hina allin munayta hinaspa allin ruwayta qamkunapi hatarichin.

Apocalipsis 1:11

kayna niqta: Ñoqam kani Qallariypas Tukupaypas. Kay qawasqaykitayá huk libropi qellqaspa Asia lawpi kaq qanchisnintin llaqtakunapi iglesiakunaman apachiy: Efesoman, Esmirnaman, Pergamoman, Tiatiraman, Sardisman, Filadelfiaman hinaspa Laodiceaman, nispa.

Apocalipsis 3:20

Qawarimuway, ñoqaqa qayakuspaymi punkupi kachkani. Pipas qayakuyniyta uyarispan punkuta kichaykuwaptinqa yaykuspaymi paywan mikusaq, paypas ñoqawanmi mikunqa.

Apocalipsis 3:7

Filadelfia llaqtapi iglesiapa angelninman kaynata qellqay: Chuya kaqmi, Cheqap kaqmi, Davidpa llaven hatalliqmi chaynataq kichaptiyqa manam pipas wichqanmanchu, wichqaptiyqa manam pipas kichanmanchu niqmi, kaynata nin: