Hechos 16:12 - CHUYA QELLQA La Biblia en Quechua de Ayacucho 2012

¹² Chaymantam romanokunapa munaychakunan Filipos llaqtanman rirqaniku. Filipos llaqtaqa Macedonia lawpi wakin llaqtakunamantapas aswan reqsis-qam karqa. Chaypim achka punchawkuna karqaniku.

Quechua Ayacucho Bible 1987

¹² Chaymantañataqmi rirqaniku Roma llaqtayoq runakunapa Filipos llaqtanman. Chay Filipos llaqtaqa Macedonia lawpi wakin llaqtakunamantapas aswan reqsisqam karqa. Chaypim ñoqayku unarqaniku.

Chuya Qellqa 1992

¹² Chaymantam romanokunapa munaychakunan Filipos llaqtanman rirqaniku. Filipos llaqtaqa Macedonia lawpi wakin llaqtakunamantapas aswan reqsisqam karqa. Chaypim achka punchawkuna karqaniku.

Hechos 16:12 Iomraidhean Croise

Hechos 16:10

Chay visionta Pablo rikuruptinmi, chaypunilla allichakuyta qallaykurqaniku Macedonia lawman rinaykupaq, Diospa qayawasqankuta cheqappaq hapiykuspayku, chaypi runakunaman allin noticiata willakamunaykupaq.

Hechos 16:21

Pay-kunaqa costumbrenkutam yachachichkan. Ñoqanchikqa Roma nacionniyuqmi kanchik, manam kaykunataqa chaskichwanchu, nispanku.

Hechos 16:9

Chaypim Pabloman tuta puñuchkaptin, visionpi Dios qawachirqa Macedonia law runata. Paymi sayaykuspan Pablota ruegarqa: Macedonia lawman hamuspa yana-paykuwayku, nispa.

Hechos 18:5

Silaswan Timoteo Macedoniamanta chayaramuptinkum, Pabloqa mana samaykuspa Diospa palabranta willakurqa, hinaspam judiokunaman yachachirqa Jesusqa suyasqanku Cristopuni kasqanta.

Hechos 19:21

Chaymantam Pablo tantearurqa Macedonia hinaspa Acaya lawninta pasaspan Jerusalenman riyta, hinaspam nirqa: Jerusalenmantam imaynapas Roma llaqtaman risaq, nispa.

Hechos 19:29

Chaymi Éfeso llaqtapi runakuna hatun chaqwata hatarirachispanku, Pablopa puriqmasin Gayotawan Aristarcota hapirurqaku, paykunaqa karqaku Macedonia lawmanta kaqkunam; hinaspam llaqtapa huñunakunan teatroman aparqaku.

Hechos 20:1

Chay chaqwa tukuruptinmi, iñiqkunata Pablo huñuruspan allinta kallpancharqa, hinaspam despedikuspan Macedonia lawman lloqsirqa.

Hechos 20:3

Chaypi kimsa killa karuspanmi barcopi Siria lawman rinanpaq kachkaspan, yachakururqa judiokuna paypa contranpi yacharachinakusqankuta. Chaymi Macedonia lawnintaña kuti-murqa.

Hechos 20:6

Ñoqaykuñataqmi mana levadurayuq tanta fiesta pasaruptin, Filipos llaqtamanta barcopi lloqsirqaniku, hinaspam pichqa punchawmantaña paykunata Troas llaqtapi hayparqaniku, hinaspaykum qanchis punchawraq chaypi qeparqaniku.

Hechos 27:2

Adramitio llaqtamanta barco Asia lawpi llaqtakunaman pasananpaq kaptinmi chay barcopi rirqaniku. Ñoqaykuwantaqmi rirqa Macedonia lawpi Tesalónica llaqtayuq Aristarcopas.

Romanos 15:26

Kay yanapakuytam Macedoniapi hinaspa Greciapi yachaq wawqe-paninchikkuna kusikuyllawanña huñuykunku, Jerusalenpi wakcha iñiqmasinchikkunaman apachiwanankupaq.

Filipenses 1:1

Jesucristo serviq ñoqa Pablom Timoteopiwan qellqamuykiku Filipos llaqtapi kaq llapallan iñiqkunaman, michiqkunaman hinaspa diaconokunaman, qamkunaqa Jesucristollapaqña sapaqchasqam kachkankichik.

Filipenses 1:5

mañakuchkaniqa qallariyninmanta kunankama Cristomanta allin noticiata willakuptiy yanapawasqaykichikmantam.

1~Tesalonicenses 2:2

Yachan-kichiktaqmi Filipos llaqtapi kamisqa, ñakarichisqa kachkaptiykupas Dios-ninchik kallpanchawasqankutapas, chay-mi mana manchakuspayku Diosmanta allin noticiata willarqaykiku, willarqaykikum achkallaña runakuna contraykupi sayarichkaptinkupas.