Hechos 15:7 - CHUYA QELLQA La Biblia en Quechua de Ayacucho 2012

⁷ Llumpayta atipanakuptinkum Pedroñataq sayarispan nirqa: Wawqekuna, yachasqaykichikpi hinam qamkunamanta Dios akllawarqa Jesu-cristomanta allin noticiata mana judío kaqkunamanpas willakunaypaq, chaynapi paykunapas iñikunankupaq.

Quechua Ayacucho Bible 1987

⁷ Llumpayta atipanakuptinkum Pedro sayarispan nirqa: —Wawqeykuna, yachasqaykichikpi hinam qamkunamanta Dios akllawarqa Jesucristomanta allin noticiata mana *f**judio kaqkunamanpas willakunaypaq chaynapi paykunapas iñikunankupaq.

Chuya Qellqa 1992

⁷ Llumpayta atipanakuptinkum Pedroñataq sayarispan nirqa: Wawqekuna, yachasqaykichikpi hinam qamkunamanta Dios akllawarqa Jesucristomanta allin noticiata mana judío kaqkunamanpas willakunaypaq, chaynapi paykunapas iñikunankupaq.

Hechos 15:7 Iomraidhean Croise

Éxodo 4:12

Chaynaqa, kunan riy, ñoqam rimachiqniki kasaq, ñoqataqmi imam rimanaykitapas yachachisqayki, nispa.

Jeremías 1:9

Hinaspanmi Tayta Diosqa makinta haywariykamuspan, simiyta llapchaykuspan niwarqa: Kunanmi palabraykunata simikiman churani.

Juan 15:16

Manam qamkunachu ñoqataqa akllawarqankichik, ñoqam qamkunataqa akllarqaykichik, hinaspam achkata rurunaykichikpaq churarqaykichik, chaynapi rurusqaykichik takyananpaq. Chaynaqa, Taytam ñoqapa sutiypi tukuy ima mañakusqaykichikta qosunkichik.

Juan 3:27

Juanñataqmi nirqa: Runaqa manam imatapas chaskinmanchu, sichum hanaq pachapi kaq Dios mana qoptinqa.

Hechos 1:16

Wawqe-panillaykuna, Chuya Espiri-tum Davidnintakama Judasmanta ri-marqaña. Chay Judasmi soldadokunata pusaspan Jesusta presocharachirqa.

Hechos 1:24

Chaymi Diosta mañakuspanku nirqaku: Señorllayku, qamllam reqsinki lliw runapa sonqontaqa. Reqsiykachiwaykuyá kay iskayninmanta mayqantam akllasqaykita.

Hechos 10:19

Pedroñataqmi chay visión rikus-qanmanta hinalla yuyaymanachkarqa, hinachkaptinmi Chuya Espíritu payta nirqa: Qawariy, kimsa runakunam maskasuchkanki.

Hechos 10:20

Utqayman uraykuspayki ama iskayrayaspa paykunawan riy, ñoqam paykunataqa kachamurqani, nispa.

Hechos 13:2

Huk punchawmi, ayunaspanku Señorta yupaychachkaptinku, Chuya Espíritu nirqa: Bernabeytawan Saulota sapaqchapuwaychik, paykunataqa qayarqani kamachisqayta ruwanankupaqmi, nispa.

Hechos 15:14

Simón Pedrom willawarqanchik mana judío kaqkunamanpas Dios watukuykusqanta, chaynapi paykunamantapas runankunata akllaykunanpaq.

Hechos 15:2

Chaymi Pablowan Bernabeyqa llum-payta paykunawan atipanakurqaku. Chayraykum Pablotawan Bernabeyta hinaspa wakin iñiqkuta akllarurqaku, Jerusalenman rispa apostolkunawan hinaspa chaypi kaq iñiqkunapa ancia-nonkunawan chay asuntomanta rima-munankupaq.

Hechos 15:39

Llumpayta piñanaku-ruspankum iskayman rakinakururqaku. Bernabeymi Marcosta pusarikuspan barcopi Chipre lawman pasakurqa.

Hechos 20:24

Ichaqa vidaypas ñoqapaqqa manam llumpay valorniyuqchu. Aswanpas munani Señor Jesucristopa kamachiwasqanta kallpachkaq hina kusikuywan ruwaytam hinaspa Diospa kuyakuyninmanta willakunaypaq Señor Jesucristopa kamachiwasqan cumpliytam.

Hechos 21:16

Riysiwarqakutaqmi Cesareamanta wakin iñiqkunapas, paykunam Chipre llaqtayuq Mnasonpa wasinman pusawarqaku, payqa unay watakunaña iñikuqmi karqa. Paypa wasinpim samakurqaniku.

Hechos 3:18

Chaynapim ñawpaqmantaraq llapallan profetankunapa imaynam Cristopa ñakarinanmanta nisqankuta Dios cumplichirqa.

Hechos 4:25

Qanmi Chuya Espirituykiwan serviqniki ñawpaq taytayku Davidta nirqanki: “¿Imanasqataq nacionkuna piñakuywan hatarinku? ¿Imanasqataq runakuna yanqakunata tanteanku?

Hechos 9:15

Señorñataqmi nirqa: Riypuni, chay runaqa serviwananpaq akllakusqaymi, paymi ñoqamanta willakamunqa huklaw nacionkunapi runakunaman, reykunaman hinaspa Israelpa mirayninkunaman.

Filipenses 2:14

Lliwtayá ruwaychik ama kaminakuspa nitaq kutipanakuspa,