Hechos 14:5 - CHUYA QELLQA La Biblia en Quechua de Ayacucho 2012

⁵ Hinaptinmi llapa judiokunawan mana judío kaqkuna kamachikuqkunawan kuska rimanakururqaku Pablotawan Bernabeyta maqaparuspanku rumikunawan choqaparunankupaq.

Quechua Ayacucho Bible 1987

⁵ Mana judio kaqkunam judiokunawan hinaspa autoridadkunawan rimanakururqaku Pablotawan Bernabeyta maqaparunankupaq hinaspa rumikunawan choqaparunankupaq.

Chuya Qellqa 1992

⁵ Hinaptinmi llapa judiokunawan mana judío kaqkuna kamachikuqkunawan kuska rimanakururqaku Pablotawan Bernabeyta maqaparuspanku rumikunawan choqaparunankupaq.

Hechos 14:5 Iomraidhean Croise

Mateo 5:44

Ñoqam ichaqa nikichik: Enemigoykichikkunata kuyaychik, ñakarichisuqnikichik runakunapaqpas mañapuychik.

Lucas 6:28

ñakasuqnikichiktayá bendeciychik, kamisuqnikichik runakunapaqpas Diostayá mañapuychik.

Hechos 13:45

Achka-achka runata rikuruspankum llapa judiokunañataq envidiakuspanku Pablopa yachachisqanpa contranpi rimaspanku insultaspa ñakarqaku.

Hechos 13:50

Ichaqa llapa judiokunam Diosta yupaychaq hinaspa ancha reqsisqa warmikunatawan autoridadkunata umachaspanku, Pablopa hinaspa Bernabeypa contranpi hatarirachirqaku, hinaspam llaqtankumanta qarqorurqaku.

Hechos 14:19

Chayllamanmi Antioquía llaqtamantawan Iconio llaqtamanta judiokuna chayaramurqaku, paykunam llapa runa-kunata umacharuspanku, Pablota rumi-wan choqaparurqaku, hinaspankum “wañurunñam” nispanku llaqtapa patan-kama aysarurqaku.

Hechos 14:2

Ichaqa Jesucristoman mana iñiq judiokunam, mana judío kaqkunata umacharuspanku iñiqkunapa contranpi hatarirachirqaku.

Hechos 14:4

Chay llaqtapi runakunam iskayman rakinakururqaku, wakinmi judiokunawan karqaku, wakiqninñataq apostolkunawan.

Hechos 17:5

Mana iñiq judiokunañataqmi celoso churakuspanku qella runakunatawan mana allin runakunata huñuruspanku chay llaqtapi hatun chaqwata hatarirachirqaku. Paykunam Jasonpa wasinman yaykuruspanku Pablotawan Silasta hurqoyta munarqaku llapa runakunaman entreganankupaq.

2~Corintios 11:26

Achka kutitam illarqani hinaspam sinchi sasachakuypi karqani: Mayu aparuwananmanta, suwamanta, castaykuna hinaspa mana judío kaqkuna wañurachiwananmantapas. Chaynataq llaqtakunapipas, chunniqkunapipas, lamar qochapipas hinaspa wawqe-pani tukuqkunamantapas.

1~Tesalonicenses 2:14

Wawqe-paniykuna, qamkunaqa Cristo Jesuspi iñiq Judeapi kaq Diospa iglesianpa ejemplontam qatichkankichik, paykunatam judiokuna ñakarichirqaku, chaynam qamkunatapas llaqtamasikichikkuna ñakarichisurqankichik.

1~Tesalonicenses 2:16

paykunaqa mana judío kaqkuna salvakunankupaq allin noticia willanaykutam harkakuwanku. Chaynata ruwaspankum aswan mastaraq huchankuta llimparichichkanku, ichaqa ñam paykunapaq wiñay castigo chayaramunña.

1~Tesalonicenses 2:2

Yachan-kichiktaqmi Filipos llaqtapi kamisqa, ñakarichisqa kachkaptiykupas Dios-ninchik kallpanchawasqankutapas, chay-mi mana manchakuspayku Diosmanta allin noticiata willarqaykiku, willarqaykikum achkallaña runakuna contraykupi sayarichkaptinkupas.

2~Timoteo 3:11

qatikachasqa kasqayta hinaspa ñakarisqayta. Yachankitaqmi Antioquía llaqtapi, Iconio llaqtapi hinaspa Listra llaqtapi runakunapa qatikachasqan kaspay ñakarisqaytapas, aswanqa Señormi tukuy chaykunamanta libraykuwarqa.