Hechos 13:5 - CHUYA QELLQA La Biblia en Quechua de Ayacucho 2012

⁵ Salamina llaqtaman chayaruspankum Diospa palabranta judiokunapa sinagogankunapi willakurqaku. Paykunawantaqmi Juanpas rirqa yanapananpaq.

Quechua Ayacucho Bible 1987

⁵ Chay islapa patan Salamina sutiyoq llaqtaman chayaruspankum Diospa palabranmanta willakurqaku judiokunapa *f**huñunakunanku wasikunapi. Paykunawantaqmi Juanpas rirqa yanapananpaq.

Chuya Qellqa 1992

⁵ Salamina llaqtaman chayaruspankum Diospa palabranta judiokunapa sinagogankunapi willakurqaku. Paykunawantaqmi Juanpas rirqa yanapananpaq.

Hechos 13:5 Iomraidhean Croise

1~Reyes 19:21

Kutiruspanmi Eliseoqa iskay yunda torokunata nakarurqa, takllankunawan yugonkunawanñataqmi aychata yanururqa, hinaspam runakunaman mikurachirqa. Chaynata ruwaruspanmi Eliasta qatikurqa paytaña servinanpaq.

1~Reyes 19:3

Chaymi Eliasqa llumpayta mancharikuspan wañurachinankumanta Judá lawpi Beerseba llaqtaman ayqekurqa, chay llaqtapim criadonta saqerurqa.

2~Reyes 3:11

Chaymi rey Josafatqa tapukurqa: ¿Manachu pipas Tayta Diospa profetan kaypi kanman, chaynapi paynintakama Diosta tapunanchikpaq? nispa. Hinaptinmi Israel nacionpi reypa serviqninkunamanta kaq nirqa: Kaypim kachkan Safatpa churin Eliseo, payqa Eliaspa serviqninmi, nispa.

Éxodo 24:13

Chaymi Moisesqa yanapaqnin Josueypiwan Diospa kasqan orqoman qespirqa

Mateo 20:26

Qamkuna ukupim ichaqa mana chaynachu kanqa, aswanraqmi qamkunamanta pipas kamachikuyta munaqqa wakinta servinan,

Hechos 12:12

Chaynata yuyaymanastinmi Pedroqa Juan Marcospa maman Mariapa wasinman rirqa. Chay wasipim achka runakuna huñunakuspanku Diosta mañakuchkarqaku.

Hechos 12:25

Bernabeywan Sauloñataqmi yana-pakuyninkuta tukuruspanku Jerusa-lenmanta kutikurqaku Marcoswan sutichasqa Juanta pusarikuspanku.

Hechos 13:14

Chaymantam Pablowan Bernabé, Pergemanta Pisidia lawpi Antioquía llaqtaman chayarurqaku. Samana punchawpiñataqmi sinagoganman yaykuruspanku tiyaykurqaku.

Hechos 13:46

Pablowan Bernabeyñataqmi mana manchakuspa nirqaku: Diospa palabrantaqa qamkunamanmi puntataqa willanayku karqa, ichaqa mana chaskiyta munaspaykichik, chaynataq wiñay kawsaytapas mana chaskispa wischupakusqaykichikraykum, mana judiokunamanña willakamusaqku.

Hechos 14:1

Iconio llaqtapim Pablowan Bernabé yaykurqaku judiokunapa sinagoganman, chaypi willakuptinkum Jesucristoman achka judiokuna iñikurqaku, iñikurqataqmi mana judío kaqkunapas.

Hechos 15:37

Chaymi Bernabeyqa munarqa Marcoswan sutichasqa Juanta pusanankupaq.

Hechos 17:17

Chaymi sinagogaman rispa judiokunawan hinaspa Diosta yupaychaq runakunawan atipanakuq. Sapa punchawtaqmi plazakunaman riqkunawanpas atipanakuq.

Hechos 18:4

Sapa samana punchawmi Pabloqa judiokunapa sinagoganman rispan judiokunata chaynataq mana judiokunatapas Jesucristoman iñichiyta munaspan rimapayaq.

Hechos 19:22

Yanapaqnin Timoteotawan Erastota Macedonia lawman kachaspanmi payñataq Asia lawpi qeparirqa.

Hechos 19:29

Chaymi Éfeso llaqtapi runakuna hatun chaqwata hatarirachispanku, Pablopa puriqmasin Gayotawan Aristarcota hapirurqaku, paykunaqa karqaku Macedonia lawmanta kaqkunam; hinaspam llaqtapa huñunakunan teatroman aparqaku.

Hechos 19:8

Kimsa killapunim Pablo rirqa llapa judiokunapa sinagoganman, hinaspam paykunata iñichinanrayku, mana manchakuspa Diospa munaychakuyninmanta willakurqa.

Hechos 9:20

Chaykunapa qepantam Jesucris-tomanta sinagogakunapi willakus-pan nirqa: Jesucristoqa Diospa Churinmi, nispa.

Colosenses 4:10

Carcelpi presomasiy Aristarcom rimaykamusunkichik, rimaykamusunkichiktaqmi Bernabeypa primon Marcospas. Qamkunam paymanta kamachisqayta chaskirqankichik, sichum watukamusuptikichikqa allinllatayá chaskiykuychik.

2~Timoteo 4:11

Lucasllañam ñoqawanqa kachkan. Marcosta maskamuspayki pusarikamuy, payqa allintam llamkayniypi yanapawanqa.