Hechos 13:48 - CHUYA QELLQA La Biblia en Quechua de Ayacucho 2012

⁴⁸ Mana judío kaqkunañataqmi chaykunata uyarispa kusikurqaku, hinaspam Señorta palabranmanta yupaycharqaku, chaymi wiñay kawsanankupaq akllasqa kaqkuna Jesucristoman lliw iñikurqaku.

Quechua Ayacucho Bible 1987

⁴⁸ Mana judio kaq runakunañataqmi kusikurqaku chaykunata uyarispanku, Señortam palabranmanta alabarqaku chaymi wiñay kawsanankupaq lliw akllasqa kaqkuna iñikurqaku Jesucristoman.

Chuya Qellqa 1992

⁴⁸ Mana judío kaqkunañataqmi chaykunata uyarispa kusikurqaku, hinaspam Señorta palabranmanta yupaycharqaku, chaymi wiñay kawsanankupaq akllasqa kaqkuna Jesucristoman lliw iñikurqaku.

Hechos 13:48 Iomraidhean Croise

Mateo 25:46

Paykunam wiña-wiñaypaq castigoman rinqaku, allin ruwaqkunañataqmi wiña-wiñay kawsakuyman rinqaku, nispan.

Mateo 28:16

Chunka hukniyuq discipulonkunam Galileaman rirqaku, Jesuspa nisqan orqoman.

Lucas 7:8

Ñoqapas kamachiwaqniykunatam kasukuni, soldadoykunapas kamachiptiyqa kasuwankum. Sichum hukninta “riy” niptiyqa rinmi, huknintapas “hamuy” niptiyqa hamuntaqmi. Serviqniyta imatapas ruwananpaq kamachiptiyqa ruwanmi, nispa.

Juan 10:16

Kachkantaqmi kay corralpi kaqkunamanta sapaq ovejaykunapas. Paykunatapas pusamuptiymi qayakuyniyta uyarinqaku, chaynapim huk kanchallaña kanqaku, michiqninkupas hukllañam kanqa.

Juan 11:52

Jesusqa wañunan karqa manam paykunapa rantillanpichu aswanqa Diospa cheqesqa churinkunata hukllaman huñunanpaqwanmi.

Hechos 13:12

Kaykunata Gobernador rikuspanmi Señormanta Pablopa yachachisqanta uyarispan llumpayta admirakurqa, hinaspam iñikuykurqa.

Hechos 13:42

Chaykunata rimaruspan Pablowan riqmasinkuna sinagogamanta lloqsiramuptinkum, llapa runakuna payta mañakurqaku: Huknin samana punchawtawanyá kaykunamanta willaykuwayku, nispanku.

Hechos 15:2

Chaymi Pablowan Bernabeyqa llum-payta paykunawan atipanakurqaku. Chayraykum Pablotawan Bernabeyta hinaspa wakin iñiqkuta akllarurqaku, Jerusalenman rispa apostolkunawan hinaspa chaypi kaq iñiqkunapa ancia-nonkunawan chay asuntomanta rima-munankupaq.

Hechos 15:31

Chaymi iñiqkuna leeruspanku sonqonku tiyaykuptin llumpayta kusikurqaku.

Hechos 2:41

Hinaptinmi Pedropa nisqanta kasu-kuqkunaqa bautizachikurqaku, chaynapim iñiqkunaman chay punchawpi yaqa kimsa waranqa runakuna yapakurqaku.

Hechos 2:47

Diosta yupaychaspam lliw runakunapa allin qawasqam karqaku. Señorñataqmi sapa punchaw paykunaman salvasqa kaqkunata yaparqa.

Hechos 20:13

Ñoqaykum barcopi puntaruspayku Asón llaqtaman rirqaniku, Pablota hoqarinaykupaq. Paymi rimanakusqaykuman hina chakiwan rirqa.

Hechos 22:10

Hinaptinmi tapurqani: “¿Señor, imatataq ruwasaq?” nispay. Payñataqmi niwarqa: “Hatarispayki Damasco llaqtaman yay-kuy, chaypim imam ruwanaykita nisunki”, nispa.

Hechos 28:23

Chaykunamanta rimanankupaq huk punchawtaña akllaruptinkum, Pablopa samakusqanman achka runakuna hamurqaku, hinaptinmi tutapaymanta tardeykuqkama Diospa munaychakusqanmanta paykunaman willarqa. Moisespa hinaspa profetakunapa qellqasqanta qawachispanmi Jesusmanta convencechiyta munarqa.

Hechos 8:8

Chayraykum chay llaqtapi runakunaqa llumpay kusisqa karqaku.

Romanos 11:7

Chaynaqa, Israelpa mirayninkunaqa manam hayparqakuchu ima munasqankutapas. Diospa akllasqankunam icha-qa paypa chaskisqanña rikurirunku. Wakinpa sonqonñataqmi rumiyarurqa,

Romanos 13:1

Lliwchaykichikyá kamachikuqkunata kasukuychik, lliw kamachikuqkunaqa Diospa churasqanmi. Kunan kaq kamachikuqkunatapas Diosmi churarqa.

Romanos 8:28

Ñoqanchikqa yachanchikmi, Dios kuyaqkunataqa tukuy imapas allinninpaqmi yanapan, chaykunaqa yanapan haykam munasqanman hina qayasqankunatam.

1~Corintios 16:15

Wawqe-paniykuna yachankichikmi, Estefanasqa wasinpi kaqkunapiwanmi Acaya lawpi puntallataraq Cristoman iñikurqaku, hinaspam iñiqkunata tukuy sonqowan servichkanku.

Efesios 1:11

Tanteasqanman hina ruwaq Diosmi, Señorninchik Jesucristontakama munasqanman hina ñawpaqmantaraq akllawarqanchik, akllawarqanchikqa Cristowan huklla kaptinchik herenciata chaskinanchikpaqmi.

Efesios 1:19

Mañakuchkanitaqmi Diospa mana imawanpas tupachiy atina atiyninmanta yachanaykichikpaqpas, chay atiyninwanmi Diosqa iñiqkunata kallpanchawanchik, chay atiynintam Diosqa sinchi kallpanwan qawachikurqa.

Efesios 1:4

Manaraqpas kay pacha unanchasqa kachkaptinmi Diosqa Cristorayku akllawarqanchikña, chaynapi paypa qayllanpi mana chikanpas huchayuq kaspa payllapaqña kawsananchikpaq.

Efesios 1:5

Kuyakuqllaña kaspanmi ancha munasqanman hina ñawpaqmantaraq akllawarqanchikña Jesucristorayku churinkuna kananchikpaq.

2~Tesalonicenses 3:1

Wawqe-panillaykuna, ñoqaykupaqpas Diostayá mañakuychik, chaynapi paypa palabranta willakuptiyku Diosta hatunchaspa qamkuna hina chaskinankupaq.