Hechos 13:40 - CHUYA QELLQA La Biblia en Quechua de Ayacucho 2012

⁴⁰ Cuidakuychikyá profetakunapa nisqankuna qamkunaman ama chayamusunaykichikpaq, paykunam nirqaku:

Quechua Ayacucho Bible 1987

⁴⁰ Cuidakuychikyá Diosmanta willakuqkunapa nisqan ama sucedesunaykichikpaq, paykunam nirqa:

Chuya Qellqa 1992

⁴⁰ Cuidakuychikyá profetakunapa nisqankuna qamkunaman ama chayamusunaykichikpaq, paykunam nirqaku:

Hechos 13:40 Iomraidhean Croise

Isaías 29:14

Chayraykum huktawan admirakuypaq milagrokunata ruwaspay kay llaqtata yapamanta hukmanyachisaq. Yachaysapa runankunapa yachayninmi tukurunqa, yuyaysapa runankunapa yuyayninmi waspirunqa, nispa.

Ezequiel 33:9

Sichum chayna kawsasqanmanta wanakunanpaq rimapayachkaptiki mana wanakuspanqa, kikinmi huchanmanta wañunqa, qanmi ichaqa mana huchayuq kanki, nispa.

Habacuc 1:5

Muyuriqnikichikpi nacionkunata qawariychik, qawarispa mancharikuychik. Mana creenaykichikpaq kaqkunatam kay punchawkunapi ruwasaq, pipas chaykunamanta willasuptikichikqa manam creewaqchikchu.

Malaquías 3:2

Ichaqa, ¿pitaq aguantayta atinman paypa hamunan punchawta? ¿Pitaq pay chayamuptin sayayta atinman? Payqa chuyanchawananchikpaqmi nina hina chayamunqa; jabón hinam huchanchikmanta mayllawasun.

Malaquías 4:1

Tukuy Atiyniyuq Tayta Diosmi kaynata nin: Hamuchkanmi punchaw, horno hina rupachkaq, chay punchawpim hatun tukuqkunawan mana allin ruwaq runakuna lenwachkaq ninapi qopa hina kañasqa kanqaku, paykunapaqqa manam imallankupas puchunqachu.

Lucas 24:44

Chaymantam paykunata nirqa: Kaykuna pasakunanmantaqa qam-kunawan kachkaspayraqmi willar-qaykichikña: Moisespa qellqasqan kamachikuykunapi, profetakunapa qellqasqanpi hinaspa Salmokunapi ñoqamanta qellqasqa kaqkunaqa cumplikunanpunim, nispay.

Juan 6:45

Pro-fetakunapa qellqasqan libropim nichkan: “Diosmi yachachin llapallanta”, nispa. Chaynaqa, pipas Taytayta uyarispa paymanta yachaqkunaqa ñoqamanmi hamunqaku.

Hechos 15:15

Chaykunaqa tupanpunim profetakunapa qellqasqanwan. Chuya Qellqam nin:

Hechos 7:42

Chaynapim Diospas paykunata qepanchakuruspa chaskakunataña yupaychanankupaq saqerurqa, profetapa qellqasqan libropim kaynata nichkan: “Yaw, Israelpa mirayninkuna, ¿yaqachu chunniqpi tawa chunka wata purispaykichik animalkunatawan sacrificiokunata ofrecewarqankichik?

Hebreos 12:25

Chaynaqa, rimapayasuqnikichiktaqa amayá qepanchakuychikchu. Kay pachapi willakuqkunata mana kasukuqkunapas castigomantaqa manam lluptirqakuchu. Hanaq pachamanta rimamuqta mana kasukuspaqa aswanraqchiki mana lluptichwanchu.

Hebreos 2:3

Chaynaqa, ñoqanchikpas ¿imaynataq lluptichwanchik hatu-hatun salvacionninta yanqapaq hapispaqa? Chay salvacionmantaqa Señormi puntata willakurqa, hinaptinmi uyariqninkunapas cheqap kasqanta willawarqanchik.

Hebreos 3:12

Wawqe-panillaykuna, qamkuna ukupiqa amayá kachunchu rumi sonqo hinaspa mana iñiyniyuq runakunaqa, chaynapi kawsaq Diosmanta ama rakikunaykichikpaq.