Hechos 13:39 - CHUYA QELLQA La Biblia en Quechua de Ayacucho 2012

³⁹ Moisespa leynintakama mana pampachasqa kasqaykichiktam, Jesucristopi haykam iñiqkunaqa pampachasqaña kankichik.

Quechua Ayacucho Bible 1987

³⁹ Jesucristoman llapallan iñiqkunatam manaña huchayoqpaq Dios chaskin Moisespa lliw kamachikuyninkunata mana cumpliyta atiptinkupas.

Chuya Qellqa 1992

³⁹ Moisespa leynintakama mana pampachasqa kasqaykichiktam, Jesucristopi haykam iñiqkunaqa pampachasqaña kankichik.

Hechos 13:39 Iomraidhean Croise

Jobwan Sutichasqa Libro 25:4

¿Yaqachu pipas Diospa qayllanpi mana huchayuqpaq hapikunman? ¿Yaqachu warmimanta nacemuq runa chuyapaq hapikunman?

Jobwan Sutichasqa Libro 9:20

Allin ruwaqpaqña hapikuptiypas payqa mana allin ruwaq kasqaytam qawaykachiwanman.

Isaías 53:11

Ñakarisqanpa rurunta qawaspam sinchita kusikunqa; Tayta Diospa serviqninmi achkaqta mana huchayuqtaña ruwanqa, paykunapa mana allin ruwasqankutam apanqa.

Jeremías 31:32

Ichaqa manam Egipto nacionmanta hurqomuspay taytankuwan pacto ruwasqayta hinachu; paykunaqa chay pactotam yanqacharurqaku, qosanku hina kachkaptiypas manam kasukurqakuchu.

Habacuc 2:4

Mana allin runaqa hatun tukuqmi, allin ruwaq runam ichaqa iñisqanrayku kawsanqa.

Lucas 10:25

Diospa leynin yachachiq runam sayariykuspan Jesusta pruebananpaq tapurqa: Yachachikuq, ¿imata ruwaspaytaq wiñay kawsayta haypayman? nispa.

Lucas 10:28

Chaymi Jesusñataq nirqa: Allintam nirunki, sichum chaynata ruwaspaykiqa kawsankim, nispan.

Lucas 18:14

Chaynaqa, nikichikmi, kay impuesto cobraqmi huchanmanta pampachasqaña wasinman kutikurqa, fariseoñataqmi mana pampachasqachu karqa. Pipas hatunchakuqqa uchuychasqam kanqa, uchuychakuqñataqmi hatunchasqa, nispa.

Juan 1:17

Leyqa Moisesnintakamam qomusqa karqa, kuyakuywan cheqap kaqmi ichaqa Jesucristontakama hamuwarqanchik.

Juan 5:24

Cheqaptapunim nikichik, pipas palabraykunata uyarispa kachamuwaqniyta creeqqa wiñay kawsayniyuqmi, payqa manam condenasqañachu kanqa, aswanqa wañuymantam kawsaymanña pasarun.

Hechos 10:43

Llapa profetakunapas Jesusmantam kaynata nirqaku: “Payman llapallan iñiqtaqa Diosmi huchanmanta pampachanqa”, nispanku.

Romanos 10:10

Sonqonchikwanmi iñinchik mana huchayuqpaqña chaskisqa kananchikpaq, siminchikwanñataqmi Jesucristomanta willakunchik salvasqa kananchikpaq.

Romanos 10:4

Kamachikuykunapa tukupayninqa Cristom, chaynapi haykam payman iñiqkunaqa mana huchayuqpaqña chaskisqa kanankupaq.

Romanos 3:19

Yachanchikmi leypa nisqanqa leyman hina kawsaqkunapaqmi qosqa karqa, chaynapi siminku wichqasqa kananpaq hinaspa llapallan runakuna Diospa juzgasqan kanankupaq.

Romanos 3:20

Leyman hinaqa manam pipas Diospa qayllanpiqa mana huchayuqqa kanmanchu, leyqa huchayuq kasqanchiktam reqsichiwanchik.

Romanos 4:15

Leyqa castigotam apamun, mana leypa kasqanpim ichaqa mana ima pantaypas kanchu.

Romanos 4:24

aswanqa ñoqanchikpaqwanmi. Señorninchik Jesús kawsarichiq Diosman iñikuptillanchikmi payqa mana huchayuqpaqña chaskiwanchik.

Romanos 5:1

Iñisqallanchikraykum Diosqa mana huchayuqpaqña chaskiwanchik, Señorninchik Jesucristontakamam Dioswan hawkayayta haypanchik.

Romanos 5:20

Leyqa qomusqa karqa hucha astawan achkayananpaqmi, ichaqa hucha astawan rikuriptinmi, Diospa kuyapayakuyninpas aswan chaninchasqa karqa.

Romanos 5:9

Cristopa yawar chaqchus-qanwanmi mana huchayuqtaña Dios ruwaykuwanchik, chaynapim paynintakama tukupay punchawpi Diospa piñakuyninmanta salvasqaña kasunchik.

Romanos 8:1

Chaynaqa, haykam Cristo Jesuswan hukllaña kaqkunapaqqa manañam ima condenacionpas kanñachu. Paykunaqa manañam aychaman hinañachu kawsanku, aswanqa Espirituman hinañam.

Romanos 8:3

Runa débil kasqanraykum leypa mana ruway atisqanta Dios ruwarun: Diosmi sapallan churinta huchasapa runaman rikchakuqta kachamurqa huchapa rantinpi wañunanpaq, chaynapi huchata paypa aychanpi puchukachinanpaq.

Romanos 9:31

Judiokunañataqmi kamachikuyman hina pampachakuyta maskarqaku, ichaqa manam tarirqakuchu.

1~Corintios 6:11

Chaynam wakiqnikichikpas ñawpaqtaqa karqankichik, kunanmi ichaqa mayllasqaña hinaspa pampachasqaña kachkankichik, Señor Jesuspa sutinpi chaynataq Diosninchikpa Espiritunpa yanapakuyninwan mana huchayuqpaqña chaskisqa kanaykichikpaq.

Gálatas 2:16

Ichaqa yachanchikmi runaqa manam leyta kasukusqanraykuchu pampachasqaqa kanman, aswanqa Jesucristoman iñikusqanraykullam, chaynataqmi ñoqanchikpas Jesucristopi iñirqanchik mana huchayuqpaqña Diospa chaskisqan kananchikpaq, manam leyta kasukusqanchikraykuchu, aswanqa Diospi iñisqanchikraykullam. Manam pipas leyta kasukusqanraykuchu mana huchayuqpaqqa hapisqa kanku.

Gálatas 2:19

Ñoqaqa kikin leynintakamam leypaqa wañuruniña, chaynapi Diosllapaqña kawsanaypaq.

Gálatas 3:8

Qellqapiqa rimarqañam iñikuptillanku mana judío kaqkunatapas mana huchayuqpaqña Diospa chaskisqan kanankumanta. Chaynapim ñawpaqmantaraq kay allin noticiakunata Abrahamman Diosqa nirqaña: Kay pachapi llapallan nacionkunam qamrayku bendecisqa kanqa, nispa.

Gálatas 5:3

Huktawanmi nimuykichik: Pipas judío hina señalachikuqqa munay mana munaymi llapallan leykunata kasukunan.

Hebreos 10:11

Llapa sacerdotekunam, mana huchakuna chuyanchaq ofrendata hina chayna sacrificiollata Diosman sapa punchaw ofrecenku.

Hebreos 10:4

Torokunapa chaynataq chivatokunapa yawarninqa huchakuna chuyanchaytaqa manam atirqachu.

Hebreos 7:19

Moisespa leyninqa manam imapaqpas servirqachu, kunanmi ichaqa chaypa rantinpi kapuwachkanchik allin confianzawan Diosman asuyku-nanchikpaq.