Hechos 13:2 - CHUYA QELLQA La Biblia en Quechua de Ayacucho 2012

² Huk punchawmi, ayunaspanku Señorta yupaychachkaptinku, Chuya Espíritu nirqa: Bernabeytawan Saulota sapaqchapuwaychik, paykunataqa qayarqani kamachisqayta ruwanankupaqmi, nispa.

Quechua Ayacucho Bible 1987

² Huk punchaw ayunaspanku Señorta adorachkaptinkum Chuya Espiritu nirqa: —Bernabeytawan Saulota rakipuwaychik, paykunataqa qayarqani kamachisqayta ruranankupaqmi —nispa.

Chuya Qellqa 1992

² Huk punchawmi, ayunaspanku Señorta yupaychachkaptinku, Chuya Espíritu nirqa: Bernabeytawan Saulota sapaqchapuwaychik, paykunataqa qayarqani kamachisqayta ruwanankupaqmi, nispa.

Hechos 13:2 Iomraidhean Croise

1~Crónicas 16:4

Davidmi levitakunamanta churarqa Tayta Diospa Arcanpa ñawpaqninpi servikuspa yupaychanankupaq, graciasta qonankupaq hinaspa Tayta Diosta hatunchanankupaq.

Daniel 9:3

Hinaptinmi ayunakuspay Señor Diosta mañakurqani, paytaqa mañakurqani hawaypi uchpallaña luto pachayuqmi.

Mateo 17:21

[Kayna demoniotaqa ayunaspa hinaspa Diosta mañakuspallam qarqona], nispa.

Mateo 6:16

Ayunaspaykichikqa amayá iskay uyakuna hina llaki uyantinqa kaychikchu, paykunaqa chaynata ruwanku ayunasqankuta runakunawan qawachikunanpaqmi. Cheqaptapunim nikichik, paykunapaqa ñam pagonku kachkanña.

Mateo 9:38

Chaynaqa, cosechapa dueñontayá mañakuychik llamkaqkunata kachamunanpaq, nispa.

Lucas 10:1

Kaykunapa qepantam, Señorqa qanchis chunka iskayniyuqta akllarqa, paykunatam maymi rinan llaqtakunaman iska-iskaytakama ñawpachirqa.

Lucas 2:37

Viudayaruspam pusaq chunka tawayuq watanpiña karqa. Payqa manam templomanta lloqsiqchu, aswanqa tuta punchawmi ayunowan hinaspa oracionwan Señorta servirqa.

Hechos 10:19

Pedroñataqmi chay visión rikus-qanmanta hinalla yuyaymanachkarqa, hinachkaptinmi Chuya Espíritu payta nirqa: Qawariy, kimsa runakunam maskasuchkanki.

Hechos 10:30

Chaymi Cornelioñataq nirqa: Tawa punchaw qepatam, kunan hina yaqa kimsa hora tardeykuyta kay wasiypi Diosta mañakuchkaptiy, suma-sumaq kancharichkaq pachayuq runa rikuriykuwarqa.

Hechos 13:3

Ayunaruspankum Diosta mañakurqaku, hinaspam makinkuta paykunapa hawanman churaykuspanku aviarurqaku.

Hechos 13:4

Chuya Espiritupa kamachisqanmi Bernabeywan Saulo chayarurqaku Seleuciaman, chaymantañataqmi Chipre islaman barcopi rirqaku.

Hechos 14:26

Chaymantam Antioquiaman barcopi kutirqaku. Chay llaqtamantam Diospa kuyapayakuyninta mañakuspanku llapa iñiqkuna allin noticiata willakamunankupaq paykunata kacharqaku.

Hechos 20:28

Chaynaqa, cuidakuychikyá, cuidaychiktaqyá iñiqkunatapas, paykunata michinaykichikpaqmi Chuya Espíritu qamkunata akllasurqankichik, paykunaqa Señorninchik Jesucristopa yawarninwan rantisqanmi.

Hechos 22:21

Chaynata niptiymi Señorñataq niwarqa: “Qamtaqa karu llaqtapi mana judío kaqkunaman rinaykipaqmi kamachisqayki”, nispa.

Hechos 4:36

Chaynatam Joseypas ruwarqa. Payqa Leviypa castanmanta Chipre lawpi nacekuqmi karqa. Paytataqmi apostolkuna suticharqaku Bernabeywan, chay sutiqa “sonqo tiyachiq” ninanmi.

Hechos 6:4

Ñoqaykuñataqmi Dios mañakuytawan palabran yachachiyta ñawpaqman apasaqku, nispanku.

Hechos 8:29

Chaymi Felipeta Chuya Espíritu nirqa: Rispayki wak carretaman asuykuy, nispa.

Hechos 9:15

Señorñataqmi nirqa: Riypuni, chay runaqa serviwananpaq akllakusqaymi, paymi ñoqamanta willakamunqa huklaw nacionkunapi runakunaman, reykunaman hinaspa Israelpa mirayninkunaman.

Romanos 1:1

Jesucristopa serviqnin ñoqa Pablom rimaykamuykichik. Diosmi apostolnin kanaypaq qayaykuwaspan allin noticiata willakunaypaq akllaykuwarqa.

Romanos 10:15

¿Imaynatataq willakunqaku mana pipas kachachkaptinqa? Chuya Qellqapim kaynata nin: ¡Mayna sumaqmi allin noticia willa-kuqkunapa puriyninqa! nispa.

Romanos 15:16

Jesucristotaqa, servichkani mana judío kaqkunaman Diosmanta allin noticiakunata willakuspaymi, chaynapi paykunata Chuya Espíritu chuyanchaptin allin ofrendata hina Dios chaskinanpaq.

1~Corintios 12:11

Aswanqa tukuy kaykunataqa ruwan kikin Chuya Espiritullam, paymi munasqanman hina sapakamaman kaykunataqa qon.

1~Corintios 7:5

Warmikichikwan otaq qosaykichikwan kaytaqa ama neganakuychikchu, negaspaqa neganakuychik as punchawkunallapaq iskaynikichik tanteanakuspa, chaynapi Diosta mañakunaykichikpaq tiempoykichik kananpaq, chaymantaqa kaqllayá kakuychik, yanqañataqmi mana aguantayta atiptikichik Satanás huchaman wichiykachisunkichikman.

2~Corintios 11:27

Llumpaytam llamkarqani, sasachakuyllapim karqani. Achka kutipim karqani: Yarqaymanta, yakumanta chaynataq mana puñusqa, mana mikusqa, chiripi hinaspa pachaymantapas ususqa.

2~Corintios 6:5

azotesqa, carcelasqa, chaqwakunapi, sasa llamkaypi, mana puñusqa hinaspa yarqaymanta.

Gálatas 1:15

Aswanqa manaraq nacechkaptiymi munasqanman hina Dios sapaqchawarqa hinaspam llumpay kuyakuyninwan qayaykuwarqa.

Efesios 3:7

Diosmi kuyakuyninpi atiyninta qoykuwarqa, Jesucristomanta allin noticiata willakunaypaq.

Deuteronomio 10:8

Chay tiempopim Leví aylluta Tayta Dios akllarqa, paykunaña pacto Arcata apanankupaq chaynataq payta servispa paypa sutinpi bendicionninta mañakunankupaq. Kunankamapas hina chaynallatam ruwachkanku.

Colosenses 4:17

Wawqenchik Arquipotapas niychiktaqyá Señorninchik Jesucristopa kamachisqanta paypa sutinpi ruwayman churananpaq.

1~Timoteo 2:7

Chaypaqmi Dios akllawarqa apostolnin kaspay mana judío kaq runakunaman Jesucristomanta willakamunaypaq. Paykunatam yachachichkani cheqap yachachikuykunata hinaspa imaynam iñinankuta. Ñoqaqa cheqaptapunim rimachkani, manam llullakunichu.

2~Timoteo 1:11

Diosmi churawarqa Jesucristomanta allin noticiata willakunaypaq, apostolnin hinaspa yachachikuq kanaypaq.

2~Timoteo 2:2

Achka runakunapa qayllanpi uyariwasqaykita, iñiyninpi allin takyaq runa-kunaman yachachiy, chaynapi paykunapas hukkunaman yachachinankupaq.

2~Timoteo 4:11

Lucasllañam ñoqawanqa kachkan. Marcosta maskamuspayki pusarikamuy, payqa allintam llamkayniypi yanapawanqa.

2~Timoteo 4:5

Qamyá ichaqa tukuy imapi allin yuyayniyuq kay, sasachakuytapas aguantaspa allin noticiata willakuy chaynata ruwaspaykiyá llamkaynikita cumpliy.

Hebreos 5:4

Manam pipas kikillanmantaqa Sumo sacerdoteqa kanmanchu, aswanqa kanman Aarón hina Diospa qayasqan kaqkunallam.

1~Samuel 2:11

Chaymantam Elcanaqa Ramá llaqtapi wasinman kutikurqa; Samuelñataqmi sacerdote Eliywan qeparurqa Tayta Diosta servinanpaq.