Hechos 13:16 - CHUYA QELLQA La Biblia en Quechua de Ayacucho 2012

¹⁶ Hinaptinmi Pablo sayarispan upallanankupaq makinwan señaschaspan nirqa: Israelpa mirayninkuna, chaynataq Diosta manchakuqkuna, uyariychik:

Quechua Ayacucho Bible 1987

¹⁶ Chaymi Pablo sayarispan makinwan upallanankupaq señaschaspan nirqa: —Israelpa mirayninkuna chaynataq Diosta kuyaspaykichik manchakuqkuna, uyariychik,

Chuya Qellqa 1992

¹⁶ Hinaptinmi Pabloqa sayarispan upallanankupaq makinwan señaschaspan nirqa: Israelpa mirayninkuna, chaynataq Diosta manchakuqkuna, uyariychik:

Hechos 13:16 Iomraidhean Croise

1~Reyes 8:40

Chaynapim paykunaqa manchakusunki ñawpaq tay-tankuman qosqayki allpapi kawsananku punchawkama.

Mateo 11:15

Haykan rinriyuqkunaqa uyariychikyá.

Lucas 1:22

Lloqsiramuspanmi paykunata imayna rimapayaytapas mana atirqachu, chaynapim musyarurqaku visionta santuariopi chaskiramusqanta. Manaña rimayta atispanmi señasllawanña entiendechirqa.

Lucas 1:50

Payqa wiñaypaqmi kuyapayan kasukuqninkunataqa.

Lucas 23:40

Chaymi huknin suwañataq chay insultaqta qaqcharqa: ¿Qampas wañunaykipaq sentenciasqa kachkaspaykichum Diosta mana manchakunki?

Hechos 10:2

Cornelioqa wasinpi llapallan kaqkunapiwanmi Diosta kasukuspa serviqku, wakcha judiokunatapas achka qollqewanmi yanapaq, hinaspanmi Diosta tukuy tiempo mañakuq.

Hechos 10:35

payqa may nacionmanta kaptinpas chaskinmi kasukuspa allin ruwaq runakunataqa.

Hechos 12:17

Pedroñataqmi makinwan señaschaspan upallachirqa, hinaspam paykunaman willarqa, Señorpa imaynam carcelmanta hurqomusqanta. Nirqataqmi: Kaytayá willaychik Jacobomanwan iñiqmasinchikkunaman, nispa. Chaymantam lloqsiruspan huklawman pasakurqa.

Hechos 13:26

Abrahampa mirayninmanta kaq wawqellaykuna hinaspa Diosta kuyas-pa kasukuqkuna, kay allin noticiaku-natam Dios apamuwarqanchik salva-kunanchikpaq.

Hechos 13:46

Pablowan Bernabeyñataqmi mana manchakuspa nirqaku: Diospa palabrantaqa qamkunamanmi puntataqa willanayku karqa, ichaqa mana chaskiyta munaspaykichik, chaynataq wiñay kawsaytapas mana chaskispa wischupakusqaykichikraykum, mana judiokunamanña willakamusaqku.

Hechos 19:33

Judío runakunañataqmi llapa runapa chawpinmanta Alejandrota ñawpaqman tanqarqaku, payñataqmi llapa runakunapa qayllanpi defiendekuyta munaspan upallanankupaq makinwan señascharqa.

Hechos 2:14

Chaymi Pedro chunka hukniyuq apostolkunawan sayariykuspan hatunmanta qaparispan kaynata nirqa: Jerusalenpi yachaqkuna chaynataq llapallan judío masillaykuna, yachanaykichikpaqyá kay nisqayta sumaqta uyariwaychik.

Hechos 2:22

Israelpa mirayninkuna, uyariwaychik: Yachasqaykichikpi hinapas, Diosmi qamkuna ukupi Nazaretmanta kaq Jesuspa atiyninta qawachirqa, paynintakama admirakuypaq milagrokunata hinaspa señalkunata ruwaspan.

Hechos 21:40

Chay capitán “allinmi” niykuptinmi, gradaspi Pablo sayaykuspa runakunata makinwan señaschaspa upallachirqa. Upallaruptinkum hebreo rimayninkupi paykunata nirqa:

Hechos 22:22

Pablopa rimasqanta chaykamalla uyariruspankum qaparispanku kaynata nirqaku: ¡Chay runaqa wañuchun! ¡Kay pachamanta chinkachiy! nispanku.

Hechos 3:12

Pedroñataqmi hamusqankuta qawarispan nirqa: Israelpa mirayninkuna, ¿imanasqataq admirasqallaña kachkankichik? ¿Imanasqataq ñoqaykuta qawarayawachkankiku? Manam kikillaykumantachu, nitaqmi atiyniykuwanchu kay runataqa purirachiniku.

Apocalipsis 2:11

Pipas uyarikuqqa, iglesiakunaman Espiritupa nisqantayá uyarichun. Haykam venceqkunaqa iskay kaq wañuypiqa manam wañunqachu, nispa.

Apocalipsis 2:17

Pipas uyarikuqqa, iñiqkunaman Espiritupa nisqanta uyarichun, venceq-manqa Diospa apachimusqan pakasqa maná sutiyuq mikuytam mikuchisaq hinaspam yuraq rumichata qosaq. Chay rumichapim musoq suti qellqasqa kanqa, chaytaqa manam pipas reqsinmanchu aswanqa chaskiqllanmi, nispa.

Apocalipsis 2:29

Pipas uyarikuqqa, iglesiakunaman Espiritupa nisqantayá uyarichun, nispa.

Apocalipsis 2:7

Pipas uyarikuqqa, iglesiakunaman Espiritupa nisqanta uyarichun. Haykam venceqmanqa kawsachikuq sachapa ruruntam mikunanpaq qosaq. Chay sachaqa kachkan Diospa huertanpa chawpinpim, nispa.