Hechos 12:7 - CHUYA QELLQA La Biblia en Quechua de Ayacucho 2012

⁷ Hinaptinmi qonqayllamanta Señorpa angelnin chaypi rikuriykuspan chay carcelta kanchayninwan huntaykurqa. Chay angelmi Pedrota waqtanpi llapchaykuspan rikcharichirqa, hinaspanmi nirqa: Utqayman hatariy, nispa. Hinaptinmi Pedropa makinmanta cadenakuna wichirurqa.

Quechua Ayacucho Bible 1987

⁷ Hinaptinmi qonqayllamanta Señorpa angelnin chaypi rikurirurqa chay carcelta kanchayninwan huntaykuspa. Chay angelmi Pedrota waqtanpi laqyaykuspan rikcharichirqa hinaspanmi nirqa: —Utqayman hatariy —nispa. Hinaptinmi Pedropa makinmanta cadenakuna wichirurqa.

Chuya Qellqa 1992

⁷ Hinaptinmi qonqayllamanta Señorpa angelnin chaypi rikuriykuspan chay carcelta kanchayninwan huntaykurqa. Chay angelmi Pedrota waqtanpi llapchaykuspan rikcharichirqa, hinaspanmi nirqa: Utqayman hatariy, nispa. Hinaptinmi Pedropa makinmanta cadenakuna wichirurqa.

Hechos 12:7 Iomraidhean Croise

2~Samuel 22:29

Diosnilláy, qanmi achkiykuwaqniyqa kanki, tutayayniytam kanchaykuwanki.

1~Reyes 19:5

Chaynata niruspanmi retamapa sikinpi siriykuspa puñururqa, hinaptinmi huk ángel llapchaykuspan nirqa: Hatarispa mikuy, nispa.

1~Reyes 19:7

Tayta Diospa angelninmi ichaqa yapamanta llapchaykuspan nirqa: Hatarispa mikuy, llumpay karuraqmi rinayki kachkan, nispa.

Isaías 37:30

Chaymi rey Ezequiasta Isaías nirqa: Kaymi imam pasakunanmanta señal kanqa: Kunan watapas chaynataq hamuq watapas kikillanmanta wiñaq trigotam mikunkichik. Kimsa kaq watapiñataqmi tarpuspa cosechankichik. Uvastapas plantaspam rurunta mikunkichik.

Isaías 60:1

¡Jerusalén llaqta, hatarispa kanchariy! Achkiqnikim chayaramun, Tayta Diospa achkiyninmi kanchariykusunki.

Jeremías 40:1

Rey waqaychaq soldadokunapa kamachiqnin Nabuzaradanmi, Jeremiasta preso kasqanmanta Ramá llaqtapi kachaykurqa. Nabuzaradanmi Jeremiasta tarirurqa Jerusalenmanta chaynataq Judamanta Babiloniaman preso apasqakunawan kuska cadenasqa richkaqta. Chaypa qepallantam Jeremiasta Tayta Dios rimapayarqa.

Ezequiel 43:2

Hinaptinmi rikurqani Israelpa yupaychasqan Tayta Diospa kanchariynin intipa qespimunan lawmanta hamuchkaqta. Qapariyninpas lloqllapa qapariynin hinaraqmi uyarikurqa, chaymi kanchariyninwan kay pachapas sumaqllataña achkirirqa.

Daniel 3:28

Hinaptinmi rey Nabucodonosor chaylla nirqa: Sadracpa, Mesacpa, Abed-negopa Diosnin hatunchasqa kachun. Paymi angelninta kachamurqa hapipakuqnin serviqninkunata libraykunanpaq. Arí, paykunaqa Diosnillankuta hatunchayta munaspankum ñoqapa kamachikusqaytapas mana kasukurqakuchu, wañuytapas mana manchakuspankum huk dioskunataqa mana yupaycharqakuchu.

Daniel 6:22

Dios-niymi angelninta kachamuspan leon-kunapa siminta wichqarurqa mana imanawananpaq. Diosqa yachanmi mana huchayuq kasqayta chaynataq qayllaykipipas ima mana allintapas mana ruwasqayta, nispa.

Miqueas 7:9

Tayta Diospa contranpi huchallikurusqayraykum piñakuynintapas aguantasaq, chaykamam imam ruwasqaymanta juzgawaspan allin arreglota ruwawanqa. Payqa achkiymanmi hurqowanqa, allin ruwaynintam qawaykachiwanqa.

Habacuc 3:11

Intiwan killapas, flechaykikunapa achkiriyninwanmi, lanzaykipa kanchariyninwanmi, maymi kasqanpi sayarunku.

Habacuc 3:4

Kanchariyninpas achki hinaraqmi, makinmantapas llipyakunaraqmi lloqsimun, atiyninpas chaypim pakasqa tarikun.

Mateo 2:13

Yachayniyuqkunapa ripukusqanku qepallantam, Diospa angelninñataq Joseyman mosqoyninpi rikuriykuspan nirqa: Hatarispayki wawatawan mamanta Egiptoman ayqechiy hinaspa ñoqa ninaykama chaypi yachamuy. Herodesmi wañuchinanpaq wawata maskachkan, nispa.

Lucas 2:9

Paykunamanmi qonqaymanta Señorpa angelnin riku-riykurqa, hinaptinmi muyuriqninkuta Diospa achkiynin kanchariykurqa, chaymi anchallataña mancharikurqaku.

Lucas 24:4

Chaywan mancharisqallaña kachkaptinkum, qonqayllamanta kancharichkaq pachayuq iskay runakuna waqtankupi rikuriykurqa.

Hechos 10:30

Chaymi Cornelioñataq nirqa: Tawa punchaw qepatam, kunan hina yaqa kimsa hora tardeykuyta kay wasiypi Diosta mañakuchkaptiy, suma-sumaq kancharichkaq pachayuq runa rikuriykuwarqa.

Hechos 12:23

Chayllamanmi Señorpa angelnin hamuruspan Herodesta onqorachirqa, Diosta mana hatunchasqanmanta. Hinaptinmi urukunapa mikusqan wañu-rurqa.

Hechos 12:6

Chay tutam Pedroqa iskay cadenawan watasqa hinaspa iskay soldadokunapa chawpinpi puñuchkarqa, wakin soldadokunañataqmi punkupi kachkarqaku carcelta cuidaspanku. Chayqa karqa llapa runakunaman Pedrota Herodespa hurqomunan punchawpa ñawpaqnin tutatam.

Hechos 12:8

Angelñataqmi nirqa: “Weqawnikita allinta watakuy hinaspa usutaykiwan churakuy”, nispa. Chaynata Pedro ruwaruptinmi chay ángel nirqa: Capaykiwan wankukuspayki qatiway, nispa.

Hechos 16:26

Hinachkaptinmi qonqayllamanta hatun terremoto pasaruptin carcel wasipa cimientonkuna chaspikururqa, chaymi llapa punkukuna kichakuruptin lliw presokunapa cadenankunapas paskakururqa.

Hechos 2:24

Ichaqa Diosmi wañuymanta libraruspan kawsarichimurqa, paypiqa wañuypas mana munaychakuyta atisqanrayku.

Hechos 5:19

Ichaqa chay tutam Señorpa angelnin hamuspan punkuta kicharurqa. Paykunata hurqoruspanmi nirqa:

Hechos 9:3

Damasco llaqtaman hichpaykuchkaptinmi, cielomanta huk llipyay qonqayllamanta uraykamuspa payta kanchaykurqa.

Efesios 5:14

Chayraykum ninku: “¡Yaw puñuq, puñusqaykimanta rikchariy! Wañusqakunamanta kawsarimuy, hinaptinqa Cristom achkiykusunki”, nispanku.

Hebreos 1:14

Llapallan angelkunaqa Dios serviq espiritukunam, paykunaqa salvakunankupaq kaqkunata yanapanankupaqmi kachamusqa kachkanku.

Apocalipsis 18:1

Chaykunapa qepantam rikurqani hanaq pachamanta huk ángel hatun atiyninwan uraykamuchkaqta, achkiyninmi kay pachata kancharirqa.