Hechos 12:23 - CHUYA QELLQA La Biblia en Quechua de Ayacucho 2012

²³ Chayllamanmi Señorpa angelnin hamuruspan Herodesta onqorachirqa, Diosta mana hatunchasqanmanta. Hinaptinmi urukunapa mikusqan wañu-rurqa.

Quechua Ayacucho Bible 1987

²³ Dios hina adorachikuspanmi mana nirqachu Diosta adoranankupaq. Hinaptinmi Herodesta Diospa angelnin chay ratolla onqorachirqa, chaymi urukunapa mikusqan wañurqa.

Chuya Qellqa 1992

²³ Chayllamanmi Señorpa angelnin hamuruspan Herodesta onqorachirqa, Diosta mana hatunchasqanmanta. Hinaptinmi urukunapa mikusqan wañururqa.

Hechos 12:23 Iomraidhean Croise

2~Reyes 19:35

Chay tutam, Tayta Diospa angelnin lloqsiramuspan Asiria campamentopi pachak pusaq chunka pichqayuq waranqa soldadokunata wañurachirqa. Achikyaruptinmi llapallanku wañusqaña kachkasqaku.

2~Crónicas 32:21

Hinaptinmi huk angelta Tayta Dios kachaykamurqa, chaymi llapallan allinnin qari-qari soldadonkunatawan kamachikuqkunata hinaspa capitankunatapas Asiria reypa campamentonpi wañurachirqa. Chaynapim rey Senaqueribqa penqakuymanta nacionninman kutikurqa, hinaspam diosninpa templonman yaykuruptin churinkunalla espadawan wañurachirqaku.

Jobwan Sutichasqa Libro 19:26

Kay aychayña lliw wichiriruptinpas, kikiypunim Diosta rikuykusaq.

Jobwan Sutichasqa Libro 7:5

Aychaypas urukunapa tukusqanmi kachkan, isuymantapas qeyam suturichkan, heridaypas llillirispanmi qeyallaña suturichkan.

Éxodo 10:3

Chaymi Moiseswan Aarón, Faraonpa qayllanman yaykuspa nirqaku: Hebreo runakunapa Diosninmi kaynata nin: “¿Haykapikamataq ñoqapa qayllaypi mana uchuychakunkichu? Yupaychamuwanankupaq llaqtayta kachariy.

Éxodo 12:12

Chay tutam Egipto nacionninta pasasaq, hinaspam runapa piwi churinkunata, animalkunapa piwi wawankunata wañuchisaq; Egiptopa diosninkunatam juzgasaq. Ñoqa Tayta Diosmi chaynata nini.

Éxodo 12:23

Tayta Diosmi Egipto runakunapa piwi churinta wañuchistin pasanqa, punkupa chakanpi hinaspa pilarninkunapi yawarta qawaykuspanmi ichaqa karullanta pasarunqa, chaynapim Tayta Dios chay wañuchikuqta wasikichikman mana yaykuchinqachu.

Éxodo 12:29

Chawpi tutatam Egipto nacionpi llapallan piwikunata Tayta Dios wañu-rachirqa, palaciopi tiyaq Faraonpa piwinmanta qallarispa carcelpi kaq presopa piwinkama, llapa animalkunapa piwintapas wañurachirqam.

Éxodo 9:17

¿Chaywanpas hinallaraqchu runaykunata mana kachariyta munanki?

Proverbios 12:8

Runaqa yachayniyuq kasqanraykum alabasqa, mana allin sonqoyuq runam ichaqa despreciasqa.

Isaías 14:11

Hatunchakuq kaynikitapas, arpaykikunapa waqaynintapas wañuymi puchukarachin, puñunayki mastaykipas urullañam, hawaykipi qataykikunapas urullañam.

Isaías 37:23

¿Pitataq kamirqanki? ¿Pitataq ñakarqanki? ¿Pitataq kutiparqanki? ¿Pitataq hatunchakuspa qawarqanki? ¡Israelpa Chuya Diosninpa contranpim chaykunataqa ruwarqanki!

Isaías 51:8

Paykunaqa puyusqa pacha hinam tukurunqaku, urupa mikusqan millwa hinam tukurunqaku. Salvacionniywan allinkuna ruwasqaymi ichaqa wiñaypaq takyanqa.

Isaías 66:24

Lloqsimuspankum contraypi hoqarikuq runakunapa ayankunata qawanqaku. Aychankuta mikuq urukunapas manam wañunqachu, cuerponkuta rupaq ninapas manam tukunqachu. Chaykunaqa llapallan runakunapa millakusqanmi kanqa, nispa. Ñoqa Tayta Diosmi chaynata nini.

Ezequiel 28:2

Runapa churin, ñoqa Tayta Diospa nisqayta Tiro llaqtapa reyninman kaynata nimuy: Sonqoykipi hatunchakuspam kaynata nirqanki: “Ñoqaqa diosmi kani, diospa trononpim tiyachkani lamar qochapa chawpinpim tiyachkani”, nispayki. Qamqa manam dioschu kanki, diospaq hapikuspaykipas runallam kanki.

Ezequiel 28:9

¿Hinaraqchu wañuchiqnikikunapa makinpi kaspa Diospaq hapikunki? Wañuchiqnikipa makinpiqa wañuq runallam kanki manam dioschu.

Hechos 12:22

Hinaptinmi chay runakuna qaparispanku nirqaku: ¡Kayqa diospa rimayninmi, manam runapachu! nispanku.

Hechos 5:19

Ichaqa chay tutam Señorpa angelnin hamuspan punkuta kicharurqa. Paykunata hurqoruspanmi nirqa:

2~Tesalonicenses 2:4

Paymi Diospa sutinwan sutichakuqkunapa contranpi chaynataq yupaychana kaqkunapa contranpi hatarinqa. Diospa templonpi tiyaykusparaqmi “Diosmi kani” nispa Dios tukunqa.

1~Samuel 25:38

Chunka punchawmantam Nabalta Tayta Dios wañurachirqa.