Hechos 12:19 - CHUYA QELLQA La Biblia en Quechua de Ayacucho 2012

¹⁹ Herodesñataqmi Pedrota maskachimuspan mana tarimurqakuchu, hinaptinmi cuidaq soldadokunata allinta tapuykuspan paykunataña wañuchinankupaq kamachirqa. Chaymantam Herodesqa ripukurqa Judeamanta Cesarea llaqtapi yachananpaq.

Quechua Ayacucho Bible 1987

¹⁹ Pedrota Herodes maskachimuptinmi mana tarimurqakuchu chaymi soldadokunata tapupaykuspan kamachirqa paykunataña wañuchinankupaq. Chaypa qepantañam Herodes ripukurqa Judeamanta Cesarea llaqtapi yachananpaq.

Chuya Qellqa 1992

¹⁹ Herodesñataqmi Pedrota maskachimuspan mana tarimurqakuchu, hinaptinmi cuidaq soldadokunata allinta tapuykuspan paykunataña wañuchinankupaq kamachirqa. Chaymantam Herodesqa ripukurqa Judeamanta Cesarea llaqtapi yachananpaq.

Hechos 12:19 Iomraidhean Croise

1~Reyes 20:43

Hinaptinmi Israel nacionpa reyninqa llakisqa hinaspa piñasqallaña Samaria llaqtapi palacionman kutikurqa.

Ester 6:12

Chaymantam Mardoqueoqa kuti-rirqa reypa palacionpa punkunman, Amanñataqmi ancha llakisqallaña penqa-kuymanta umantapas tapakuykuspan wasinman kallpaylla kutikurqa.

Jeremías 36:26

Aswanmi reyqa kamachirqa Hamelecpa churin Jerameeltawan, Azrielpa churin Seraiasta hinaspa Abdeelpa churin Selemiasta, chaynapi secretario Baructawan profeta Jeremiasta presochamunankupaq, ichaqa Tayta Diosmi paykunata pakarurqa.

Mateo 2:1

Judá nacionpi rey Herodes munaychakuchkaptinmi, Jesús nacerurqa Judea law Belén llaqtapi. Chay punchawkunapim yachayniyuq runakuna intipa qespimunan lawmanta Jerusalenman chayaramuspanku,

Mateo 2:13

Yachayniyuqkunapa ripukusqanku qepallantam, Diospa angelninñataq Joseyman mosqoyninpi rikuriykuspan nirqa: Hatarispayki wawatawan mamanta Egiptoman ayqechiy hinaspa ñoqa ninaykama chaypi yachamuy. Herodesmi wañuchinanpaq wawata maskachkan, nispa.

Mateo 2:16

Herodesmi chay yachayniyuqkunapa engañarusqanwan llumpayta piñakururqa, hinaspam kamachikurqa Belén llaqtapi chaynataq muyuriqnin llaqtakunapi kaq qari wawakuna, iskay watayuqmanta urayman wañuchisqa kananpaq. Chaytaqa ruwarqa yachayniyuqkunapa willakusqan tiempopa nisqanman hinam.

Hechos 12:18

Achikyaruptinmi soldadokuna llumpay chaqwapi karqaku, imaynanpim Pedro chinkarusqanta mana yachaspanku.

Hechos 12:4

Pedrota presocharuspanmi carcelman wichqarurqa, hinaspam chunka soqtayuq soldadokunata tawaman rakinaruspan turnonpi cuidachirqa. Payqa Pascua fiesta pasaruptinñam Pedrota juzgananpaq runakunapa qayllanman hurqomuyta munarqa.

Hechos 12:6

Chay tutam Pedroqa iskay cadenawan watasqa hinaspa iskay soldadokunapa chawpinpi puñuchkarqa, wakin soldadokunañataqmi punkupi kachkarqaku carcelta cuidaspanku. Chayqa karqa llapa runakunaman Pedrota Herodespa hurqomunan punchawpa ñawpaqnin tutatam.

Hechos 16:27

Chay carceleroñataqmi rikchariruspan llapa punkukunata kicharayachkaqta rikuruspan presokunapa lluptirusqanta piensarqa, chaymi espadanta hurqoykuspan wañuchikunanpaqña kachkarqa.

Hechos 21:8

Paqarinnintin punchawñataqmi Cesarea llaqtakama rirqaniku. Chaypim watukurqaniku evangelista Felipeta, payqa karqa Jerusalenpi ñawpaqtaraq akllasqanku qanchis diaconokunapa hukninmi. Paypa wasinpim samakurqaniku.

Hechos 25:13

Chay punchawkunapim rey Agripa warmin Berenicepiwan Cesarea llaqtaman rirqa, prefecto Festota watukuq.

Hechos 27:42

Soldadokunañataqmi presokuna wañurachiyta munarqaku, chaynapi mayqanninkupas nadeaspa ama llupti-nankupaq.

Hechos 8:40

Felipeñataqmi Azoto sutiyuq llaqtapiña rikurirurqa, hinaspanmi Jesusmanta allin noticiata willakustin llaqtan-llaqtan rirqa, Cesarea llaqtaman chayanankama.

1~Samuel 23:14

Davidmi pakakuspa yacharqa Zif law chunniq orqonkunapi. Sapa punchawña Saúl maskaptinpas, Diosqa manam tarichirqachu.