Hechos 11:24 - CHUYA QELLQA La Biblia en Quechua de Ayacucho 2012

²⁴ Bernabeyqa karqa allin runam, Chuya Espiritupa huntasqanmi, hinaspa allin iñiyniyuqmi. Chaynapim achka runakuna Señorman iñikurqaku.

Quechua Ayacucho Bible 1987

²⁴ Bernabeyqa Chuya Espiritupa huntasqan kaspanmi Diosman hapipakuq allin runa karqa. Chaynapim achka runakuna yapakurqa Señorman iñispanku.

Chuya Qellqa 1992

²⁴ Bernabeyqa karqa allin runam, Chuya Espiritupa huntasqanmi, hinaspa allin iñiyniyuqmi. Chaynapim achka runakuna Señorman iñikurqaku.

Hechos 11:24 Iomraidhean Croise

Hechos 11:21

Diospa atiyninmi paykunata yanaparqa, chaymi achka runakuna Jesucristoman iñikurqaku.

Hechos 5:14

Sapa punchawmi qaripas warmipas Señor Jesucristoman iñikurqaku, chaymi iñiqkuna aswan-aswan mirarqaku.

Hechos 6:5

Chaymi llapa huñunasqakuna “allinmi” nispanku Estebanta akllarqaku. Payqa Chuya Espiritupa huntasqan hinaspa llumpay iñiyniyuq runam karqa. Akllarqakutaqmi Felipeta, Procorota, Nicanorta, Timonta, Parmenasta hinaspa Nicolastapas. Nicolasqa karqa judiokunapa religionninman tikrakuq Antioquía llaqtayuqmi.

Romanos 15:15

Kay cartataqa mana imatapas pakaykuspam qellqamuchkaykichik, tukuy kaykunata mana qonqarunaykichikpaq. Kaytaqa ruwachkani Diospa kuyakuyninman hinam.

Hechos 9:31

Chaymi tukuy Judea lawpi, Galilea lawpi hinaspa Samaria lawpi iñiqkuna hawkaña karqaku. Iñiyninkupim wiñaqku hinaspam Señorta manchakuspanku kawsaqku, Chuya Espiritupa kallpanchasqan kaspankum aswan-aswan miraqku.

Hechos 6:8

Estebanmi Diospa ancha bendecisqan kaspa chaynataq Diospa atiyninwan huntarisqa kaspan llapa runakunapa chawpinpi milagrokunata ruwaq.

Hechos 6:3

Chaynaqa, wawqe-panillaykuna, qamkunamantayá Chuya Espiritupa huntasqan allin yachayniyuq hinaspa allin kawsakuyniyuq qanchis runakunata akllaychik, chaynapi paykunaña mikuyta aypunankupaq.

2~Samuel 18:27

Llaqta cuidaqmi yapamanta nirqa: Punta hamuqpa kallpamuyninmi Sadocpa churin Ahimaaspa kallpayninman rikchakun, nispa. Chaymi rey nirqa: Chay runaqa allin runam, allin willakuytachá apamuchkan, nispa.

Romanos 5:7

Cheqaptapas huk allin ruwaq runapa rantinpi wañuruyqa sasallañam, ichapas allin ruwaq runapa rantinpi hukkaq wañurunman.

Hechos 24:16

Chayraykum Diospa qayllanpipas hinaspa runakunapa qayllanpipas concienciaypa mana acusasqan kawsakuyta munani.

Juan 7:12

Anchatam Jesusmanta runakuna rimarqaku. Wakiqninmi nirqaku: Allin runam payqa, nispanku. Wakinñataqmi nirqaku: Manam payqa allinchu, runakunatam engañan, nispanku.

Lucas 23:50

Karqam Arimatea lawmanta kaq José sutiyuq runa, allin kaqkuna ruwaq, payqa runakunapa allinpaq hapisqanmi hinaspa cortepi autoridadmi karqa.

Mateo 19:17

Jesusñataqmi nirqa: ¿Imanasqataq allin niwanki? Allinqa chullallam, payqa Diosmi. Wiñay kawsayta munaspaykiqa Diospa kamachikuyninkunata kasukuy, nispa.

Mateo 12:35

Allin ruwaq runaqa, allin kaqkunata sonqonpi waqaychasqanman hinam allinllata riman, mana allin runañataqmi sonqonpi mana allin kaqkuna waqaychasqanman hina riman.

Proverbios 14:14

Mana allin runaqa mana allin ruwasqanwanmi kusikun, allin ruwaq runam ichaqa allin ruwayninwan kusikun.

Proverbios 13:22

Allin ruwaq runaqa willkankunamanmi herenciata saqen, huchasapa runapa kapuqninkunam ichaqa allin runapaq waqaychasqa kachkan.

Proverbios 12:2

Allin runaqa Diospa kuyakuynintam chaskinqa, mana allin yuyaymanaqtam ichaqa castiganqa.

Hechos 2:4

Llapallankuman Chuya Espíritu huntaykuptinmi mana yachasqanku rimaykunapi rimayta qallaykurqaku Chuya Espiritupa rimachisqanman hina.

Hechos 2:47

Diosta yupaychaspam lliw runakunapa allin qawasqam karqaku. Señorñataqmi sapa punchaw paykunaman salvasqa kaqkunata yaparqa.