Hechos 11:21 - CHUYA QELLQA La Biblia en Quechua de Ayacucho 2012

²¹ Diospa atiyninmi paykunata yanaparqa, chaymi achka runakuna Jesucristoman iñikurqaku.

Quechua Ayacucho Bible 1987

²¹ Diosmi atiyninwan paykunata yanaparqa chaymi achka runakuna Jesucristoman iñikurqaku.

Chuya Qellqa 1992

²¹ Diospa atiyninmi paykunata yanaparqa, chaymi achka runakuna Jesucristoman iñikurqaku.

Hechos 11:21 Iomraidhean Croise

2~Crónicas 30:12

Judá nacionpi runakunapas Tayta Diospa kallpanchasqanmi, tukuy sonqonkuwan reypa chaynataq kamachikuqkunapa kamachisqanta kasukurqaku. Chaynataqa ruwarqaku Tayta Diospa nisqanman hinam.

Esdras 7:9

Babiloniamantam watapa punta kaq killanpa qallariynin punchawpi lloqsimurqa, hinaspam chay watapa pichqa kaq killanpa qallariynin punchawpi Jerusalenman chayamurqa. Tayta Diosmi payta yanaparqa.

Esdras 8:18

Chaynapim Diosniyku ñoqaykuwan kasqanrayku kachamurqaku Israelpi Leví ayllumanta kaq Mahlipa churin ancha yachayniyuq Serebiasta, churinkunata hinaspa wawqenkunata; llapallan hamuqkunam karqaku chunka pusaqniyuq runakuna.

Nehemías 2:18

Paykunamanqa willarqanitaqmi Dios-niypa yanapawasqantawan reypa niwasqankunatapas, hinaptinmi nirqaku: ¡Hatarispayá perqasunchik! nispanku. Chaynatam ruwanankupaq kallpanchakurqaku.

Nehemías 2:8

Huk cartatañataq sachaykikunata waqaychaq Asafpaq, chaynapi qerukunata qowananpaq, chaykunawan templopa punkunkunata, llaqtapa perqanta hinaspa yachanay wasitapas ruwachinaypaq, nispay. Chaymi reyqa cartakunata qoykuwarqa, Tayta Diospa yanapawasqanman hina.

Isaías 53:1

¿Pitaq willakusqaykuta cheqapmi nirqa? ¿Pimantaq atiyninta Tayta Dios rikuchirqa?

Isaías 59:1

Tayta Diospa atiyninqa manam pisirunchu mana salvawananchikpaq hinaqa, rinrinpas manam upayarunchu manaña uyarinanpaq hinaqa.

Lucas 1:66

Chaymi haykam uyariqkuna kaynata tapukurqaku: ¿Imaraq kay wawa kanqa? nispanku. Diospa atiyninmi wawawan karqa.

Hechos 11:24

Bernabeyqa karqa allin runam, Chuya Espiritupa huntasqanmi, hinaspa allin iñiyniyuqmi. Chaynapim achka runakuna Señorman iñikurqaku.

Hechos 15:19

Chaynaqa, Diosman iñikuq mana judío kaqkunataqa amañayá iskayrayachiychikchu,

Hechos 2:47

Diosta yupaychaspam lliw runakunapa allin qawasqam karqaku. Señorñataqmi sapa punchaw paykunaman salvasqa kaqkunata yaparqa.

Hechos 4:4

Chaywanpas achkaq uyariqkunam iñikurqaku, qarikunallam karqa yaqa pichqa waranqa.

Hechos 5:14

Sapa punchawmi qaripas warmipas Señor Jesucristoman iñikurqaku, chaymi iñiqkuna aswan-aswan mirarqaku.

Hechos 6:7

Diospa palabranta willakuptin-kum Jerusalén llaqtapi llapa iñiqkuna aswan-aswan mirarqaku. Judiokunamanta kaq sacerdotekunapas achkallañam Jesusman iñikurqaku.

Hechos 9:35

Lida llaqtapi hinaspa Sarón llaqtapi lliw yachaqkunam payta rikururqaku, hinaspankum Señor Jesucristoman iñikurqaku.

1~Tesalonicenses 1:5

Qamkunaman Cristomanta allin noticia willasqaykutaqa manam rimayllachu-rimarqaniku, aswanqa Chuya Espiritupa atiyninwanmi chayachimurqaykiku, ñoqaykupas cheqappaq hapispaykum willarqaykiku. Yachasqaykichikpi hinapas qamkunata kuyaspam allinta kawsarqaniku.