Hechos 11:18 - CHUYA QELLQA La Biblia en Quechua de Ayacucho 2012

¹⁸ Chaynata Jerusalenpi kaq iñiqkuna uyariruspankum manaña Pedropa contranpichu karqaku, hinaspam Diosta yupaycharqaku: Chaynaqa, mana judío runakunamanpas Diosmi wanakuytaña qoykun wiñay kawsanankupaq, nispanku.

Quechua Ayacucho Bible 1987

¹⁸ Chaynata Jerusalenpi kaq iñiqkuna uyariruspankum manaña Pedropa contranpichu karqaku hinaspam Diosta yupaycharqaku: —Chaynaqa mana judio runakunamanpas Diosmi wanakuytaña qoykun wiñaypaq kawsanankupaq —nispa.

Chuya Qellqa 1992

¹⁸ Chaynata Jerusalenpi kaq iñiqkuna uyariruspankum manaña Pedropa contranpichu karqaku, hinaspam Diosta yupaycharqaku: Chaynaqa, mana judío runakunamanpas Diosmi wanakuytaña qoykun wiñay kawsanankupaq, nispanku.

Hechos 11:18 Iomraidhean Croise

Isaías 11:10

Sachapa sapin ikllimuq hinam chay tiempopi Isaipa mirayninmanta rikurimunqa, nacionkunapaqmi bandera hina kanqa, llapallan nacionkunapi runakunam payta maskanqaku, samasqan sitiopas kancharinqam.

Isaías 60:21

Runaykikunapas llaqtantinmi allin ruwaqkunaña kanqaku, wiñaypaqmi allpankupi yachanqaku. Paykunam plantakusqaypa ikllipankuna kanqaku, atiyniyta qawachikunaypaq makiywan ruwakusqaykunam kanqaku.

Isaías 61:3

Sión llaqtapi llakisqakunaman uchpapa rantinpi coronataña qomunaypaq, waqaypa rantinpi kusikuytaña qomunaypaq, llakipi kaqkunatapas fiesta pachawan pachachimunaypaq. Paykunatam sutichanqaku: “Allinkuna ruruq Sachakuna, Tayta Diospa Atiyniyuq kayninta qawachiq Plantakuna” nispanku.

Ezequiel 36:26

Musoq sonqotañachuraykuspaymi musoq espiritu-taña qosqaykichik. Rumi sonqoykichikta hurqoruspaymi aycha sonqotaña churasqaykichik.

Ezequiel 47:22

Kay allpam tupa-suqnikichik herencia kanqa, qonkichiktaqmi chawpikichikpi yachaq huklaw llaqtayuqkunamanpas chaynataq churinkunamanpas. Paykunataqa Israel ukupi naceqta hinam qawankichik. Kay allpata partenakuspaykichikqa paykunamanpas tupaqnintam partenkichik.

Zacarías 12:10

Davidpa mirayninkunamanwan Jerusalenpi yachaqkunamanmi ichaqa llakipayakuq hinaspa mañakuq espirituta chaqchurimusaq. Hinaptinmi ñoqata, lanzawan tuksisqankuta qawaspa, piwi churinkumanta hina waqanqaku, sapallan wawankumanta hinam llakikunqaku.

Mateo 9:8

Chayta qaway-kuspankum llapa runakuna mancharikurqaku, hinaspam runakunaman atiy qosqanmanta Diosta yupaycharqaku.

Hechos 11:1

Judeapi kaq iñiqkunam apostolkunapiwan yacharurqaku mana judío kaq runakunapas Diospa palabran chaskisqankuta.

Hechos 14:27

Antioquiaman chayaruspankum llapa iñiqkunata huñururqaku, hinaspam willakurqaku payninkunatakama Diospa tukuy ima ruwamusqanta, chaynataq mana judío kaqkunamanpas iñikunankupaq punkuta Dios kichaykusqanmanta.

Hechos 15:3

Antioquía llaqtapi kaq iñiqkunapa kachasqanmi Jerusalén llaqtaman rirqaku, chaymi Fenicia lawninta hinaspa Samaria lawninta rispanku, mana judío kaqkunapas Diosman iñikusqankuta willakurqaku. Hinaptinmi lliw iñiqkuna chay willakuywan llumpayta kusikurqaku.

Hechos 20:21

Judiokunamanpas chaynataq mana judiokunamanpas nirqanim: “Huchaykichikmanta wanakuspa Diosman kutirikuychik, hinaspa Señor-ninchik Jesusman iñikuychik”, nispa.

Hechos 21:20

Uyariykuspankum Diosta yupaycharqaku, hinaspam Pablota nirqaku: Wawqelláy, yachasqaykipi hinapas waranqanpim judiokuna Jesucristoman iñikurunku, ichaqa hinallaraqmi Moi-sespa leyninman hapipasqa kachkanku.

Hechos 3:19

Chay-naqa, huchaykichikmanta wanakuspayá Diosman kutirikuychik, chaynapi tukuy huchaykichik chinkachisqa kaptin hamuq punchawpi Señorpa hawkayaynin hamusunaykichikpaq.

Hechos 3:26

Churinta Dios kawsarichimuspanmi puntataqa qamkunaman kachamurqa bendecisunaykichikpaq, chaynapi sapakama huchaykichikmanta wanakunaykichikpaq, nispa.

Hechos 5:31

Paytam hatunchaspan alleq lawninman Dios churarqa, chaynapi munaychakuq hinaspa salvaqninchik kananpaq chaynataq Israelpa mirayninkuna huchankumanta wanakuspa pampachasqa kanankupaq.

Romanos 9:30

¿Imanisuntaq? Mana judío kaqkunapas Diosta mana ñawpaqta maskachkaspankupas, iñisqankuraykum Diospa pampachasqanña rikurirunku.

2~Corintios 3:18

Ñoqanchikpas uyanchik manaña velowan tapasqa kaptinmi Señorpa sumaqllaña kayninwan huk espejo hina achkirinchik. Ñoqanchikqa Cristomanñam aswan-aswan rikchakuchkanchik, paypa achkiriyninpas sapa kutim ñoqanchikpi kachkan. Chaytaqa Señormi ruwachkan. Payqa Espiritum.

2~Corintios 7:10

Diospa munasqanman hina llakikuyqa huchanchikmanta wanakuymanmi apawanchik, chaynapi salvasqa kanan-chikpaq, chaynaqa manam ñakakunanchikchu. Runakunapa munasqanman hina llakikuymi ichaqa wañuyta apamun.

Gálatas 1:24

Chayta yacharuspankum, ñoqamanta Diosta hatuncharqaku.

Josué 22:30

Hinaptinmi sacerdote Fineeswan riqmasin kamachikuqkuna, Rubén ayllupa, Gad ayllupa chaynataq Manasespa wakin ayllunpa rimasqankuta uyariruspanku allinpaq hapirqaku.