Hechos 10:4 - CHUYA QELLQA La Biblia en Quechua de Ayacucho 2012

⁴ Chaymi Cornelioqa angelta rikuykuspan llumpay mancharisqallaña tapurqa: ¿Imata Señor? nispa. Hinaptinmi chay ángel nirqa: Mañakusqaykitawan wakchakuna yanapasqaykitam Dios chaskiykun.

Quechua Ayacucho Bible 1987

⁴ Chaymi Cornelio llumpay mancharisqa qawarayaspan tapurqa: —¿Imata Señor? —nispa. Hinaptinmi chay angel nirqa: —Mañakusqaykitawan wakchakuna yanapasqaykitam Dios chaskiykun.

Chuya Qellqa 1992

⁴ Chaymi Cornelioqa angelta rikuykuspan llumpay mancharisqallaña tapurqa: ¿Imata Señor? nispa. Hinaptinmi chay ángel nirqa: Mañakusqaykitawan wakchakuna yanapasqaykitam Dios chaskiykun.

Hechos 10:4 Iomraidhean Croise

2~Crónicas 32:24

Chay punchawkunapim wañuy patanpi kanankama rey Ezequías onqorurqa, chaymi Tayta Diosta mañakuptin huk señalta qorqa.

2~Crónicas 6:33

hanaq pacha yachasqaykimantam uyariykamunki, hinaspam mañakusqanta ruwaykunki, hinaptin kay pachapi llaqtakuna reqsisuspayki Israel llaqtayki hina hatunchasunaykipaq, chaynapim yachanqaku kay ruwapusqay templopi sutiki hatunchasqa kasqanta.

Isaías 43:26

Contraypi imapas niwanayki kaptinqa hamuy rimananchikpaq, mana huchayuq kasqaykita niway, ichapas yanqamanta tumpachkayki.

Isaías 45:19

Ñoqaqa manam pakasqallapichu rimarqani, nitaqmi kay pachapa tutayay sitionkunapichu rimarqani; Israelpa mirayninkunataqa manam nirqanichu: “Yanqapaqñam maskawankichik”, nispaqa. Ñoqa Tayta Diosqa cheqap kaqtam rimani, ñoqaqa allin kawsakuyllamantam willakuni.

Daniel 10:11

Paymi niwarqa: Diospa kuyasqan Daniel, hatarispayki kay nisqayta allinta uyariy. Ñoqam qanman kachamusqa karqani, nispa. Rimayta tukuykuptinmi katkatatastin sayarirurqani.

Levítico 2:2

Chay ofrendataqa Aaronpa miraynin sacerdotekunamanmi apanqa, hinaptinmi sacerdoteñataq chay fino harina ofrendamanta huk aptayta hurqospan altarpi kañanqa. Chay ofrendaqa yuyarinapaq ofrendam hinaspa ñoqapaq miskillaña asnariq kañana ofrendam.

Malaquías 3:16

Hinaptinmi Tayta Diosta kasukuspa hatunchaqkuna kikinkupura rimanakurqaku, chaytam Tayta Dios allinta uyarirqa. Chaymi Tayta Diospa qayllanpi huk librota qellqarqaku, Diosta kasukuqkunamanta chaynataq sutinta hatunchaqkunamanta yuyarinankupaq.

Mateo 26:13

Cheqaptapunim nikichik, kay pachapi maypipas kay evangelio willakusqa kaptinmi kay warmipa ruwasqanpas willakusqa kanqa, imam ruwasqanta yuyarinankupaq, nispa.

Lucas 1:29

Mariañataqmi angelpa rimaykusqanwan hukmanyarurqa, hinaspam sonqollanpi tapukurqa chay rimaykusqanpa ima ninanmi kasqanmanta.

Lucas 24:5

Chaymi manchakuymanta pampakama kumuykurqaku, ichaqa chay runakunam nirqaku: ¿Imanasqataq kawsaqta wañusqakuna ukupi maskachkankichik?

Hechos 10:31

Hinaspam niwarqa: “Cornelio, mañakusqaykikunatawan wakchakuna yanapasqaykitam Dios chaskiykun.

Hechos 14:9

Paymi Pablopa rimasqanta uyarichkarqa, hinaptinmi Pablo qawariykuspan musyarurqa sanoyananpaq iñiyniyuq kasqanta.

Hechos 22:10

Hinaptinmi tapurqani: “¿Señor, imatataq ruwasaq?” nispay. Payñataqmi niwarqa: “Hatarispayki Damasco llaqtaman yay-kuy, chaypim imam ruwanaykita nisunki”, nispa.

Hechos 3:4

Pedrowan Juanñataqmi chay suchu runata qawarayaykurqaku, hinaptinmi Pedro nirqa: Qawawayku, nispa.

Filipenses 4:18

Ñoqaqa puchu-puchutaraqmi chaskiruni. Epafroditowan apachimuwasqaykichikwanmi achkaña kapuwachkan, apachimuwasqaykichikqa karqa Diospaq miski asnaq ofrenda hinam hinaspa paypa agradonpaq kañasqa animal hinam.

Filipenses 4:6

Amayá imamantapas afanakuychikchu, aswanqa Diosta mañakuspayá payman lliwta willakuychik hinaspa graciasta qokuychik.

Hebreos 13:16

Allin ruway-tawan kapuqnikichikwan yanapana-kuytaqa amayá qonqaychikchu, chay sacrificiokuna ruwasqaykichikmi Diosta agradan.

Hebreos 6:10

Diosqa allin ruwaqmi, paypaq llamkasqaykichiktaqa manam qonqanqachu, manataqmi qonqanqachu payta kuyaspa wawqe-panikunatapas yanapaspa kuyasqaykichiktapas, arí, chaynatam kunanpas servichkankichik.

Apocalipsis 8:4

Chay kañasqan inciensopa qosniyninmi Diospa kasqanman chayarqa iñiqkunapa mañakuyninkupiwan kuska.

1~Samuel 3:10

Chaymi Tayta Diosqa asuykuspan puntata hina qayarqa: ¡Samuel, Samuel! nispan. Samuelñataqmi nirqa: Rimapayaykullawayá Diosnilláy, kay serviqnikiqa uyarisuchkaykim, nispan.