Hechos 10:36 - CHUYA QELLQA La Biblia en Quechua de Ayacucho 2012

³⁶ Diosmi Israelpa mirayninkunaman allin noticiata willa-chirqa, Jesucristontakama Dioswan allinyanakunankupaq; Jesucristoqa llapallanchikpa Señorninchikmi.

Quechua Ayacucho Bible 1987

³⁶ Diosmi Israelpa mirayninkunaman allin noticiata willachirqa Jesucristollawan imaynam Dioswan allinyanakunanchikpaq, Jesucristoqa llapallanchikpa Señorninchikmi.

Chuya Qellqa 1992

³⁶ Diosmi Israelpa mirayninkunaman allin noticiata willachirqa, Jesucristontakama Dioswan allinyanakunankupaq; Jesucristoqa llapallanchikpa Señorninchikmi.

Hechos 10:36 Iomraidhean Croise

Isaías 55:12

Qamkunaqa kusikuywanmi lloqsimunkichik, hawkallam kutimunkichik. Orqokunawan moqokunam qayllaykichikpi takispa qaparinqaku, llapa sachakunam kusikuymanta taqllakunqaku.

Isaías 57:19

Ñoqa Tayta Diosmi llapallankuta rimachisaq: “Karupi kaqkunapas, hichpapi kaqkunapas hawkallayá kachunku”, nispa. Llaqtaytaqa ñoqam hampisaq.

Isaías 7:14

Chaynaqa, kikin Diosmi señalta qosunkichik: Manaraq qari reqsiq sipasmi wiksayakuruspan qari wawata wachakunqa. Paytam Emanuelwan sutichanqa.

Isaías 9:6

Wawam nacerapuwanchik, churitam Tayta Dios qoykuwanchik, munaychakunanpaqmi atiyta qoykun. Paytam sutichanqaku: Admirakuypaq, allin Consejakuq, Tukuy Atiyniyuq Dios, Wiña-Wiñaypaq Yaya, hinaspa Hawkayayta Qokuq, nispa.

Oseas 1:7

Judá naciontam ichaqa llakipayaykuspay salvaykusaq, manam flechawanchu nitaqmi espadawanchu, manam guerrawanchu nitaqmi caballokunawanchu, manam caballopi silladakunawanchu, aswanqa Diosninku kasqayraykum, nispa.

Miqueas 5:2

Belén Efrata, Judá ayllukunamanta taksallan llaqta, qanmantam Israelpi munaychakuq hatarinqa, payqa paqarimurqa ñawpaqmantaraqmi, tukuy imapa qallariyninmantapacham.

Malaquías 3:1

Tukuy Atiyniyuq Tayta Diosmi kaynata nin: Ñoqamanta willakuqtam ñanta allichapuwananpaq ñawpaqniyta kachamusaq. Hinaptinmi maskasqaykichik Diosqa, templonman qonqayllamanta hamunqa. Ñam chayamuchkanña pactomanta willakuq ancha suyasqaykichik, nispa.

Mateo 10:6

Puntataqa Israelpa mirayninmanta kaq chinkasqa ovejakunaman riychik,

Mateo 11:27

Taytaymi tukuy imakunata qoykuwarqa. Churitaqa manam pipas allintaqa reqsinchu aswanqa Taytallanmi, Taytataqa manataqmi pipas reqsinchu aswanqa Churillanmi hinaspa Churinpa reqsichisqan kaqkunallam.

Mateo 28:18

Chaymi Jesusñataq paykunaman asuykuspan nirqa: Diosmi tukuy atiyta qoykuwan hanaq pa-chapipas chaynataq kay pachapipas.

Lucas 1:79

chaynapi nisyu tutayaypi kaqkunata kancharinanpaq, hinaspa ñoqanchiktapas hawkayay ñanninta pusawananchikpaq, nispan.

Lucas 24:47

chaynapi Jerusalenmanta qallaykuspa lliw nacionkunapi paypa sutinpi willakuptinku, runakuna huchankumanta wanakuspa pampachasqa ka-nankupaq.

Hechos 10:37

Qamkunaqa yachankichikmi, bauti-zasqa kanankupaq Juanpa yachachis-qanmanta qepaman, Galilea lawmanta qallaykuspa lliw Judea lawkunapipas imam pasakusqantaqa,

Hechos 11:19

Estebanta wañurachispankum wakin iñiqkunatapas ñakarichinankupaq qatikacharqaku, chaymi Fenicia, Chipre hinaspa Antioquía lawkunaman wakiqnin ayqekurqaku. Chaykunapim judío runakunallaman Jesucristomanta willakurqaku.

Hechos 13:32

Chaynapim ñoqaykupas qamkunaman kay allin noticiata willachkaykiku, chaytam ñawpaq taytanchikkunaman Dios prometerqa.

Hechos 13:46

Pablowan Bernabeyñataqmi mana manchakuspa nirqaku: Diospa palabrantaqa qamkunamanmi puntataqa willanayku karqa, ichaqa mana chaskiyta munaspaykichik, chaynataq wiñay kawsaytapas mana chaskispa wischupakusqaykichikraykum, mana judiokunamanña willakamusaqku.

Hechos 2:36

Israelpa llapallan mirayninkuna, yachaychikyá, qamkunapa chakatarusqaykichik Jesustam Cristo hinaspa Señor kananpaq Dios churaykun, nispa.

Hechos 5:31

Paytam hatunchaspan alleq lawninman Dios churarqa, chaynapi munaychakuq hinaspa salvaqninchik kananpaq chaynataq Israelpa mirayninkuna huchankumanta wanakuspa pampachasqa kanankupaq.

Romanos 14:9

Chaypaqmi Cristoqa wañukuspan kawsarimurqa, chaynapi wañuqkunapa, kawsaqkunapa Señornin kananpaq.

Romanos 5:1

Iñisqallanchikraykum Diosqa mana huchayuqpaqña chaskiwanchik, Señorninchik Jesucristontakamam Dioswan hawkayayta haypanchik.

1~Corintios 15:27

Diosmi tukuy imata Cristowan saruchirqa. Chuya Qellqapim kaynata nin: Paytaqa tukuy imapa hawapim churaykurqa, nispa. “Tukuy imata” nispaqa manam Diospipas munaychakunqam nichkanchu, aswanqa Diosmi Cristowan tukuy imata saruchin.

1~Corintios 15:47

Punta kaq runaqa kay pachamantam karqa allpamanta ruwasqa, qepa kaq runam ichaqa hanaq pachamanta hamurqa, payqa Señormi.

Filipenses 2:11

Llapallan runakunapas “Jesucristoqa Señormi” nispam ninqaku, chaynataqa ninqaku Dios Tayta hatunchasqa kananpaqmi.

Colosenses 1:20

Diosmi allinyanakuyta munarqa kay pachapi kaqkunawan chaynataq hanaq pachapi kaqkunawanpas, chaytaqa ruwarqa Cristopa cruzpi yawar chaqchusqanwan hawkayayman yaykuspanmi.

Hebreos 1:2

Kay tukupay punchawkunapiñataqmi Chu-rintakamaña rimapayawarqanchik. Pay-tam Dios churarqa tukuy ima herencia chaskiq kananpaq. Paywantaqmi hanaq pachatawan kay pachatapas unancharqa.

Hebreos 13:20

Hawkayay qokuq Diosyá, yawar-ninwan wiñaypaq musoq pactota ruwaq otaq ovejakunapa hatun michiqnin Señorninchik Jesucristo kawsarichiq Diosyá

1~Pedro 3:22

Paymi hanaq pachaman wicharispan Diospa alleqninpi kachkan, paytam kasunku angelkunapas, autoridadkunapas chaynataq atiyniyuqkunapas.

Apocalipsis 1:18

chaynataq Kawsaq kaqpas”. Wañusqam karqani, kunanmi ichaqa wiña-wiñaypaq kawsachkani. Amén. Ñoqam hatallini wañuypa chaynataq infiernopa llaventa.

Apocalipsis 1:5

chaynataq Jesucristomantapas. Payqa cheqap testigom, wañuqkunamanta punta kawsarimuqmi, reykunapa reyninmi, kuyawaspanchik huchanchikkunamanta yawarninwan mayllaqninchikmi.

Apocalipsis 17:14

Corderowan peleaptinkum Cordero vencerunqa, payqa señorkunapa Señorninmi, reykunapa Reyninmi. Paywan kaqkunaqa Diospa akllasqankunam hinaspa qayasqankunam, paykunaqa qaqa hinam sayachkanku, nispa.

Apocalipsis 19:16

Pachanpipas chaynataq piernanpipas kayna qellqasqam kasqa: “Reykunapa Reynin, Señorkunapapas Señornin” niq.